Malakai 3:1 - EBƆRƐ BE KAWƆL

¹ Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Malakai 3:1 ပူးပေါင်းရင်းမြစ်များ

Nshɛ 110:1

Nɛ Enyɛnpe Ebɔrɛ na kaŋɛ n nyɛnpe, ewura na le: “Chena ma jisa so hale nɛ n ya shin nɛ fo ji eleŋ fo doŋana so.”

Ɛksodɔs 23:20

Ade kikɛ be kaman nɛ Ebɔrɛ kaŋɛ bumo le: “Meeŋ shin nɛ malaika ko e baa juŋkpar menyi ŋ kuŋ menyi ekpa to loŋ n ya fo kaboŋ nɛ n lɔŋɛ n yili menyi na.

Ɛksodɔs 23:21

Men baa kaŋ kusoe a nu mbe ebɔl nsaa wora mo kasonu. Men sa maŋ kaŋ wora kulubi kikɛ ŋ gbiti mo. Nɛ men baŋ wora kulubi ŋ gbiti mo, e maaŋ yige m paŋ menyi, ŋkpal manɛ so, ma eleŋ wɔ mo so nna.

Aizaaya 40:10

Enyɛnpetale Ebɔrɛ na kɔ eleŋgboŋ a ba nɛ e ba ji kuwura basa so eleŋso. E keta basa nɛ e kɔ m mɔlga bumo na nna a ba, nɛ kumo be loŋ fuli mbe kagbene.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Heegai 1:13

Kumo be kaman nɛ anebi Heegai kaŋɛ basa na le: “Enyɛnpe Ebɔrɛ na nase kɔnɔ ŋ kaŋɛ le: ‘Meeŋ baa wɔ menyi kutɔ.’ ”

Malakai 2:4

Ndoŋ nɛ menyeeŋ pin fanɛ kenishipere be mmalga nɛ ŋ kɔ a sa menyi na, saŋɛ na so ma nɛ bɔrɛmatapoana nɛ b la Livai be kaman to ebi na be kɔnɔ naseso be ŋkre na maaŋ jija.

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Malakai 4:5

Ama pɔɛŋ nɛ ma Enyɛnpe Ebɔrɛ be kachɛ lubi nɛ k beeŋ shin nɛ kufu nɛ kechicha chicha e pɛ basa na e ba, meeŋ shuŋi anebi Elaija menyi kutɔ.

Matiu 11:14

Nɛ menyi alɛ gba baa sha keyirda, men baa nyi fanɛ Jɔn e la anebi Elaija na, mo alɛ be keba be asheŋ nɛ b daŋ wu ŋ kaŋɛ na.

Luuk 1:76

Fo, m pibi, baaŋ tre fo Ebɔrɛ Enyɛnpetale be anebi. Feeŋ juŋkpar mo, Enyɛnpe na, n lɔŋɛ mbe ekpa n sa mo

Luuk 19:47

Ade be kaman nɛ e wɔtɔ a yɔ bɔrɛlambu na to kachɛ kama n ya kaa ŋini basa abɔrɛsheŋ. Ndoŋ nna nɛ bɔrɛmatapowuraana na nɛ mbraŋinipoana na nɛ kade na to be benimuana fara a fin kananɛ baaŋ wora m mɔ mo.

Luuk 2:11

Kabre be kachɛ ere b kurge men be Emɔlgapo Kristo Enyɛnpe ashi Deevid be kade to.

Luuk 2:38

E ka ba tu Simiɔn nɛ kebia na nɛ mo nio nɛ mo tuto bɔrɛlambu na to nɛ mo alɛ gba di Ebɔrɛ epaŋ ga nseŋ kaŋɛ basa nɛ b daa jo jemanɛ nɛ Jerusalɛm beeŋ nya kesɔnyige na kikɛ kebia na be asheŋ.

Luuk 2:46

Kachɛ nasopo to nɛ b ya wu mo bɔrɛlambu na to nɛ e tase a nu asheŋ ashi Juwebi be mbraŋinipoana na kutɔ, mo alɛ nseŋ naa bishi bumo asheŋ.

Ashuŋ Shunso 19:4

Nɛ Pɔɔl kaŋɛ: “Kabɔrɛbɛr nɛ Jɔn daa bɛr basa na daa ŋini fanɛ basa na yɛ b lar bumo be alubi to, ama e daa kaŋɛ ekama nna fanɛ a daga fanɛ e yirda esa nɛ e wɔ mo ere Jɔn be kaman a ba na, mo e la Yesu na.”

Ashuŋ Shunso 7:38

Mosis koŋwule na nɛ Israɛlebi nɛ b daŋ shɛr kiyi to na e daa la ndoŋ. Mo nɛ an nanaana nɛ malaika nɛ e daŋ malga mo kutɔ ashi Sainai be kebee na so e daa la. Mo nɛ Ebɔrɛ daŋ ta mbe kubɔya nɛ k maŋ kɔ ekar na n sa nɛ e ba sa anyi.