Malakai 2:7 - EBƆRƐ BE KAWƆL

⁷ Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Malakai 2:7 ပူးပေါင်းရင်းမြစ်များ

2 Bewura 16:11

Ndoŋ nna nɛ Uriya pɔr bɔrɛsure na be kaduli gbagba n loge pɔɛŋ nɛ Ahaz bɛta m ba.

2 Bewura 16:16

Ndoŋ nna nɛ bɔrɛmatapo Uriya wora kusɔ nɛ ewura Ahaz kaŋɛ mo na kikɛ.

2 Kronikɛls 30:22

Ewura Hɛzekaya daŋ chɔrɔ Livaiebi na nna ŋkpal kenyi nɛ b daa kɔ a juŋkpar basa nɛ baa bunyaŋ Enyɛnpe Ebɔrɛ na so. Nchɛ ashunu nɛ b ta n lara sarga n di Enyɛnpe bumo nananyɛnana be Ebɔrɛ na epaŋ na be kaman,

2 Kronikɛls 31:4

E daŋ kaŋɛ Jerusalɛm be basa nna fanɛ b baa ta esarga nɛ baa lara a sa bɔrɛmatapoana nɛ Livaiebi na n sa bumo, saŋɛ na so baaŋ nya saŋɛ nɛnɛ a shuŋ Enyɛnpe Ebɔrɛ be kushuŋ na.

Ɛzra 7:10

Ɛzra bre daŋ ta Ebɔrɛ be mbra na be kekoya nɛ amo be kenu nseŋ wora, nɛ mbra na be atande be keta ŋ ŋini Israɛl be efuli so kenishipereso nna.

Ɛzra 7:25

Ɛzra, ta kanyiasheŋ nɛ Ebɔrɛ sa fo na ŋ keni to n lara sheriajipoana nɛ demujipoana nɛ b baa keni to a ji asheŋ ashi Yufreetes be epeŋitɔrkpa be efuli so ndoŋ. A daga fanɛ b baa la basa nɛ b nyi fo Ebɔrɛ na be mbra na. Fo alɛ e naaŋ baa ŋini bekama nɛ b maŋ nyi amo na.

Aŋasa 5:2

Amo e naaŋ sa fo da lela, nseŋ shin nɛ fo mmalga e baa ŋini fanɛ fo kɔ kenyi.

Kaŋinichiŋgeliŋ 5:5

Fo ka maŋ nase kɔnɔ kraa bɔ fo ka nase kɔnɔ e maŋ tiŋ n tia kumo.

Aizaaya 42:19

Esa maŋ tan a chɔ ma kayɛrbi ŋko a la kpawu a chɔ ma kabɔ nɛ n shuŋi na.

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Jɛremaya 15:19

Ndoŋ nna nɛ Enyɛnpe Ebɔrɛ na kaŋɛ ma le: “Sa maa malga fanɛ ewulpo! Nɛ feeŋ chɛrga fo nfɛra a laŋɛ ma kaplɛa so nseŋ lar n ya kaa bɔ ma kubɔya, feeŋ baa kraa la ma anebi. Kumo be kaman nɛ basa na e baa ba fo kutɔ nɛ fo ere maaŋ naa yɔ bumo kutɔ n ya kaa malga.

Jɛremaya 18:18

Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Jɛremaya 2:8

Bɔrɛmatapoana na malɛ maŋ tiŋ m bishi: ‘Nnɛ nɛ Enyɛnpe Ebɔrɛ na wɔ?’ Ŋ gbagba be bɔrɛmatapoana nɛ baa ŋini ma mbraana maŋ nyi ma. Bejuŋkparpoana na kini ma nseŋ lar ma kaman; nɛ anebiana na malɛ bɔla Baal be kegbir be ketre so m malga nseŋ shuŋ agbirana nɛ e maŋ kɔ tɔnɔ n sa bumo.

Ezikɛl 22:26

Israɛl be bɔrɛmatapoana bee gal ma mbraana nna a nase nsaa keni ma asɔ cheembi jiga. B maa barga asɔ nɛ a du cheembi nɛ amo nɛ a maŋ du cheembi to. Bumo alɛ maa ŋini basa kananɛ asɔ nɛ a walɛ so nɛ amo nɛ a maŋ walɛ so kɔr abar to. Ade kikɛ be kaman, b maa bɛ ma kewushiachɛ na so. Israɛl be basa maa sa ma bunyaŋ.

Ezikɛl 7:26

Aleblawu bee ba nɛ ebaru lubi be abɔya a sɔ kaplɛkama. Basa beeŋ baa kule anebiana fanɛ b nu Ebɔrɛ be ebɔl ŋ kaŋɛ bumo kusɔ ko, nɛ b maaŋ nya. B maaŋ naŋ nya mbraana nɛ bɔrɛmatapoana daa ŋini na nɛ kasotoji nɛ benimuana na daa sa bumo na kikɛ.

Danɛl 11:33

Bejuŋkparpo nyiashempoana na beeŋ ŋini basa damta asheŋ, nɛ b mɔ bumo be beko kena to ŋko nɛ b chɔɔ bumo m mɔ, n suge beko malɛ be asɔ nseŋ ti bumo ebu. Ama kumo be loŋ maaŋ chɛr.

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Levitikɔs 10:11

Menyi alɛ e ŋini Israɛlebi na mbraana nɛ m bɔla Mosis so n ta n sa menyi na kikɛ nyam.”

Zefanaiya 3:4

Kumo be anebiana malɛ daa kɔ ŋkpensheŋ be kebaawɔtɔ nna nɛ basa maaŋ tiŋ n yirda bumo. Nɛ bɔrɛmatapoana malɛ bee ta eyurpi a yɔ kakpa cheembi nɛ baa bunyaŋ Ebɔrɛ, nsaa bɔla mbe mbra na so a nya bumo be aparsheŋ.

Heegai 1:13

Kumo be kaman nɛ anebi Heegai kaŋɛ basa na le: “Enyɛnpe Ebɔrɛ na nase kɔnɔ ŋ kaŋɛ le: ‘Meeŋ baa wɔ menyi kutɔ.’ ”

Zakareya 7:3

nseŋ naŋ bishi bɔrɛmatapoana na nɛ anebiana na le be kesheŋ bishiso ere: “An baa kraa shu nli nsaa kishi kufɔl nusopo na to fanɛ kananɛ an wora nfɛ damta ŋkpal b ka daŋ bure bɔrɛlambu na so a?”

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Nɔmbɛs 27:21

Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”

Baru lela nɛ Jɔn kute na 13:20

Ma e kaŋɛ menyi kashenteŋto na fanɛ ekama nɛ e sɔ esa kama nɛ n shuŋi, sɔ ma nna na. Ekama malɛ nɛ e sɔ ma sɔ esa nɛ e shuŋi ma na nna na.”

Baru lela nɛ Jɔn kute na 20:21

Nɛ Yesu naŋ kaŋɛ bumo: “Kagbenewushi e baa wɔ menyi to. Kananɛ Etuto na shuŋi ma na nɛ ma alɛ gba bee shuŋi menyi na.”

Ashuŋ Shunso 16:17

Ndoŋ nna nɛ e bɛ anyi nɛ Pɔɔl so a ponte a kaŋɛ: “Basa ere la Enyɛnpetale Ebɔrɛ be anya nna. Baa kaŋɛ menyi kananɛ menyeeŋ tiŋ n nya kumɔlga nna.”

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

Galeeshaebi 4:14

Kulɔ na daa la kechɔŋkeni gboŋgboŋi nna n sa menyi, ama men maŋ keni ma jiga ŋko ŋ kini ma. Men daŋ sɔ ma nna fanɛ ŋ ka la malaika ŋko fanɛ Kristo Yesu gbagba na.

Ditɛronɔmi 21:5

Bɔrɛmatapoana nɛ b shi Livai be yiri to na gba beeŋ yɔ ndoŋ, ŋkpal manɛ so, bumo e naa ji asheŋ nɛ a bee bar kebagato nɛ nlusheŋ. Enyɛnpe menyi be Ebɔrɛ na malɛ e lara bumo fanɛ b baa shuŋ mo nsaa bɔla mbe ketre so a nɛfa basa nsaa ji mpetɛ nɛ kebile n doro abar be asheŋ.

Ditɛronɔmi 24:8

Nɛ menyi to be ekama bee lɔ eyur so be kulɔ lubi kama fanɛ keboti a daga fanɛ e bɛ kusɔ nɛ bɔrɛmatapoana nɛ b shi Livai be yiri to na beeŋ kaŋɛ mo kikɛ so. Men baa bɛ mbraana nɛ n ta n sa menyi na so.

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

1 Samuɛl 2:17

Eli be mbinyɛnsobi na be kulubi daa shi ga ashi Enyɛnpe Ebɔrɛ be anishito ŋkpal b ka daa maa keni esarga nɛ baa lara a sa Enyɛnpe Ebɔrɛ na a bɔlɔ kenishi so.