Malakai 2:6 - EBƆRƐ BE KAWƆL

⁶ Kashenteŋ nɛ kebaawɔtɔ niŋiso be asheŋ nɛ b daa fɛ, manɛ asheŋ lubi. Ma nɛ bumo daa wɔ abar so kagbene wushiso nna. Mannɛ asheŋ nɛ e niŋi nawule nɛ b daa wora, ama b daŋ chɛ basa damta gba to nɛ b yige alubi be kebaawora.

Malakai 2:6 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 6:9

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

Nshɛ 119:142

Fo kebaawɔtɔ niŋiso wɔtɔ nna mbaanaayɔ; nɛ fo mbra malɛ la kashenteŋ jemanɛ kikɛ.

Nshɛ 119:151

Ama fo Enyɛnpe Ebɔrɛ na bre taga ma to nna, nɛ fo mbraana kikɛ la kashenteŋ.

Nshɛ 37:30

Kanyiasheŋ be mmalga e naa lar esa nɛ e bee wora asheŋ nɛ a niŋi be kɔnɔ to, nɛ mbe kudonduloŋ bee tuge asheŋ nɛ a niŋi ekpa.

Nshɛ 37:37

Keni, asheŋ lela bee jo basa nɛ baa ji kashenteŋ nsaa maa wora a foe; nsaa fin kayurwushi na be kaman to ebi nna.

Aŋasa 5:2

Amo e naaŋ sa fo da lela, nseŋ shin nɛ fo mmalga e baa ŋini fanɛ fo kɔ kenyi.

Jɛremaya 23:22

Nɛ b daŋ taga ma to nsaa nyi kusɔ nɛ k wɔ ma nfɛra to, b daa beeŋ bɔ ma kubɔya n sa ma basa nseŋ shin nɛ b chɛrga bumo be nfɛra n lar alubi be kewora to m bɛta m ba ŋ kutɔ.

Danɛl 12:3

Ekama nɛ e kɔ kanyiasheŋ beeŋ baa nyɛkpɛ fanɛ epeŋi ashi awɔlpa to. Bekama malɛ nɛ b ŋini basa damta asheŋ nɛ a niŋi be kewora, beeŋ ba nyɛkpɛ fanɛ achɛkpabi mbaanaayɔ.”

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Matiu 22:16

Bumo be bebɛsopo nɛ Hɛrɔd be basa na nɛ b daŋ shuŋi nɛ b ba bishi mo: “Eŋinipo, an nyi fo ka la kashenteŋjipo a ŋini basa abɔrɛsheŋ na nɛ amo be kashenteŋ be ekpa so, fo alɛ be shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du nsaa malga.

Maak 12:14

Nɛ b ba mo kutɔ m ba kaŋɛ: “Eŋinipo, an nyi fo ka la kashenteŋjipo. Fo shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du, kashenteŋ nawule nɛ fo kɔ a ŋini basa Ebɔrɛ be ekpa. Kaŋɛ anyi, anyi be mbra na to k wɔtɔ fanɛ an baa ka lampo a sa Romebi be ewurgboŋ Siza ŋko k maŋ wɔtɔ loŋ? An ka ŋko an sa maŋ ka?”

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Luuk 20:21

Basa na ka ba nɛ b kaŋɛ mo le: “Eŋinipo, an nyi fo ka bee ji kashenteŋ nsaa ŋini basa kashenteŋ be ekpa na, fo alɛ maŋ kɔ ŋkpɛato, kagbene koŋwule nɛ fo kɔ a ŋini basa Ebɔrɛ be ekpa na.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Ditɛronɔmi 33:10

Bumo e naaŋ ŋini fo basa fo mbra nɛ b bɛ amo so. Bumo alɛ e naaŋ baa lara esarga fo bɔrɛsure so.

Ditɛronɔmi 33:8

A laŋɛ Livai be yiri be kaplɛa so, le nɛ Mosis kaŋɛ: “Fo Enyɛnpe Ebɔrɛ na e naa shin nɛ Livaiebi nɛ b la fo nyɛrbi a ji kashenteŋ na bee bɔla Urim nɛ Tumim so a pin fo aparsheŋ. Fo e daŋ wora bumo ŋ keni ashi Massa, nseŋ mige bumo to m pin fanɛ b la beshenteŋjipoana nna ashi Mɛriba be nchu na ase.

Ditɛronɔmi 33:9

Fo nɛ baa nu a sa a chɔ bumo kurgepoana nɛ bumo niopibiana nɛ bumo be mbia. Kusɔ nɛ fo kaŋɛ kenishipere so na nɛ baa wora kasonu, nsaa ji kashenteŋ a sa fo kɔnɔkoŋwule be ŋkre na.

Kelaraŋŋini 14:5

Efɛsheŋ kama daa maŋ shi bumo be nnɔ to n lar kikɛ, kulubisheŋ kama daa maŋ do bumo be ekama so.

1 Samuɛl 2:12

Eli be mbinyɛnsobi na daa la basa lubi nna nsaa maa nu a sa Ebɔrɛ,