Malakai 2:15 - EBƆRƐ BE KAWƆL

¹⁵ Ebɔrɛ maŋ ta menyi nna m ber abar so nɛ men ki kukoŋwule a? Manɛ so nɛ e wora loŋ? E daŋ wora loŋ nna saŋɛ na so menyeeŋ kurge mbia nɛ b la Ebɔrɛ be basa kashenteŋto. Amoso k maŋ daga ekama ka kini mbe eche.

Malakai 2:15 ပူးပေါင်းရင်းမြစ်များ

Jɛnesis 1:27

Kumo be kaman nɛ Ebɔrɛ to dimɛdi fanɛ mo gbagba be kumu nɛ mo gbagba be kaduli. Enyɛn nɛ eche nɛ e daŋ to bumo.

Jɛnesis 2:7

Enyɛnpe Ebɔrɛ ka daa shin nɛ e to dimɛdi na, e daŋ ta shishɛr nna ashi kasawule so m pɔr enyɛn nseŋ fute ŋkpa be efute n wɔtɔ mbe kamuna to nɛ enyɛn na ki kusɔ futeso.

Jɛnesis 24:44

nseŋ kaŋɛ fanɛ, nuu, nɛ n jɔ ako m ba sa fo enyɔma ere gba, e baa la eche nɛ fo, Enyɛnpe na lara a sa n nyɛnpe pibi na.’

Jɛnesis 27:46

Rebɛka ka malga le ere be kaman nɛ e naŋ kaŋɛ Aizek le: “Ma ere, Hitebi to be mbichebi nɛ Isɔɔ ta ere be asheŋ baŋ lar ma ebɔl nna. Nɛ Jeekɔb malɛ naŋ ta Hitebi ere to be eche ko, kumo ere ŋ ka wu bɔ.”

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

Ɛzra 9:4

Kagbenejija na to nɛ n chena loŋ hale n ya fo jemanɛ nɛ baa lara kaaseso be sarga na. Ndoŋ nna nɛ basa nɛ kufu kɔ bumo ŋkpal kusɔ nɛ Israɛl be Ebɔrɛ kaŋɛ a laŋɛ alubi be kaplɛa so na ba shɛr ŋ kulti ma.

Nehemaya 13:24

Bumo be mbia be bargato daa maa tiŋ a malga Hibruw be ŋgbar. Ashdɔd be ŋgbar nɛ ŋgbar pɔtɛana ko nɛ b daa gbar.

Job be kawɔl 27:3

Ŋ ka baa wɔ ŋkpa to nseŋ kraa kɔ efute nɛ Ebɔrɛ sa ma ere,

Ɛksodɔs 20:14

Men sa maa ji kesakalea ŋko a di men braana be beche ŋko bumo kulana.

Aŋasa 2:17

Loŋ be beche e naa yige bumo be etumbanyɛn nsaa kplaŋ kakil to be ŋkre be kɔnɔ nɛ b nase Ebɔrɛ be anishito na so na.

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Aŋasa 6:25

Sa maŋ kpal loŋ be beche be kebita so n yɛlga bumo; ŋko n shin nɛ bumo be kayɛlga so be kekeni fo, e shin nɛ fo sha bumo.

Aŋasa 7:25

Men sa maŋ kaŋ shin nɛ men be ekama be kagbene e yɔ loŋ be eche so. Men sa maa sa loŋ be beche kashuli.

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Jɛremaya 2:21

N daŋ lara menyi nna nɛ men baa la ndibi sɔrso be kudɔ lela nɛ k beeŋ baa sɔr asɔrso lela nɛnɛ a sa ma, ama men keni basa men ki naniere! Men ki fanɛ ndibi sɔrso be kudɔ nɛ ekama maa keni so nɛ k ki kupuŋ nn, a maaŋ naŋ tiŋ a sɔr kusɔrso koŋwule gba.

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Levitikɔs 20:10

Nɛ enyɛn di mo barkasa be eche, mo nɛ eche na kikɛ ji kubojua nna na nseŋ daga luwu.

Malakai 2:14

Menyee bishi kusɔ nɛ k ba nɛ e maŋ naa sɔ menyi be ŋkɛ. Ŋkpal e ka pin fanɛ men kini men be kebrantiɛ to be beche so. Men nase kɔnɔ fanɛ bumo e naaŋ baa la menyi be beche kilso. Men nase kɔnɔ Enyɛnpe Ebɔrɛ be anishito fanɛ menyeeŋ baa ji kashenteŋ a sa bumo, ama men kini kebɛ loŋ be kɔnɔ naseso na so.

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Baru lela nɛ Jɔn kute na 20:22

Kede be kaman nɛ e gberge afu n wɔtɔ bumo so nseŋ kaŋɛ le: “Men sɔ Kiyoyu Cheeŋ na.”

Ashuŋ Shunso 3:25

Nnɔ nɛ Ebɔrɛ daŋ shin nɛ mbe anebiana nase na la menyi alɛ gba peya nna. Le nɛ e daŋ kaŋɛ Eebraham: ‘Fo kanaŋ to nɛ meeŋ bɔla n nɛfa durnya ere to be basa kikɛ.’

1 Kɔrintebi 7:14

Ŋkpal manɛ so, Ebɔrɛ kpal eche na so nna n ta mo kul na ŋ ki esa laraso. Nɛ enyɛn na e la eyirdapo, Ebɔrɛ bee ta eche na gba nna a ki esa laraso ŋkpal mo kul na so. Nɛ mannɛ fanɛ loŋ nna, bumo be mbia daa maaŋ baa la Ebɔrɛ be mbia laraso, ama kananɛ k du le ere bre b la nna.

1 Kɔrintebi 7:2

Ama ŋkpal kesakalea ka shi ga so, a daga fanɛ enyɛn kama ka ta mo gbagba be eche nɛ eche kama malɛ gba e baa kɔ mo gbagba mo kul.

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Ɛfesesebi 6:4

Betutoana, menyi alɛ gba e sa maa lute bumo nnɔ a wɔtɔ bumo agbo to. Kusɔ nɛ k daga fanɛ men baa wora e la fanɛ men baa ta Enyɛnpe be keŋini nɛ keniŋi ekpa a keni bumo so nɛ b baa daŋ.

Ditɛronɔmi 7:4

Nɛ mannɛ aloŋ baaŋ lara menyi be mbia ashi kushuŋ Enyɛnpe Ebɔrɛ na to n ya wɔtɔ agbir be kushuŋ to. Kumo loŋ malɛ beeŋ shin nɛ Enyɛnpe Ebɔrɛ na e nya agbo ga n wɔtɔ menyi nseŋ mur menyi epul to.

Taites 1:6

Ŋ kaŋɛ fo fanɛ a maŋ daga loŋ be basa ka kɔ eda lubi. A daga fanɛ loŋ be basa e baa la beche koko wuraana nɛ bumo be mbia malɛ e baa la beyirdapo a kɔ kasonu nɛ esa kikɛ e sa maŋ nya ekpa ŋ kuli bumo ŋkpal bumo be kusɔjigaya be kebaawɔtɔ so. A daga fanɛ b baa kɔ kebaawɔtɔ lela.

Ruf be kawɔl 4:12

Enyɛnpe Ebɔrɛ e shin nɛ mbia mo nɛ feeŋ bɔla eche ere so n nya na e ba shin nɛ fo kanaŋ e baa du fanɛ Pɛrɛs nɛ Tama nɛ Juda daŋ kurge na be kanaŋ.”

1 Samuɛl 2:20

Nɛ Eli e nɛfa Ɛlkana nɛ mbe eche Haana nseŋ kaŋɛ le: “Enyɛnpe Ebɔrɛ e kraŋ bɔla kache ere so n shin nɛ fo kurge mbia n ti so, saŋɛ na so baaŋ tal emo nɛ fo ta n sa mo ere to.” Kumo be kaman nɛ b bɛta n yɔ epe.