Malakai 2:14 - EBƆRƐ BE KAWƆL

¹⁴ Menyee bishi kusɔ nɛ k ba nɛ e maŋ naa sɔ menyi be ŋkɛ. Ŋkpal e ka pin fanɛ men kini men be kebrantiɛ to be beche so. Men nase kɔnɔ fanɛ bumo e naaŋ baa la menyi be beche kilso. Men nase kɔnɔ Enyɛnpe Ebɔrɛ be anishito fanɛ menyeeŋ baa ji kashenteŋ a sa bumo, ama men kini kebɛ loŋ be kɔnɔ naseso na so.

Malakai 2:14 ပူးပေါင်းရင်းမြစ်များ

Jɛnesis 2:18

Kede be kaman nɛ Enyɛnpe Ebɔrɛ kaŋɛ: “K maŋ daga fanɛ enyɛn na nawule e baa wɔtɔ. Meeŋ pɔr echɛtopo nɛ e beeŋ kukwe mo n sa mo.”

Jɛnesis 31:50

Nɛ fo baŋ tɔrɔ ma mbichebi ere be ekama ŋko n ta eche kama n ti bumo so, hale an ka bee shin nɛ an barga abar ŋkaa maaŋ naŋ wu abar ere gba, baa nyiŋi fanɛ Ebɔrɛ bee keni anyi.”

Aŋasa 2:17

Loŋ be beche e naa yige bumo be etumbanyɛn nsaa kplaŋ kakil to be ŋkre be kɔnɔ nɛ b nase Ebɔrɛ be anishito na so na.

Aŋasa 30:20

Eche nɛ e bee lar mo kul kaman be da e la keji nseŋ kpra kɔnɔ so ŋ kaŋɛ fanɛ e maŋ wora kulubi.

Aŋasa 5:20

M pibinyɛn, manɛ e ba nɛ fee ta fo kasha n ya kaa sa eche pɔtɛ? Manɛ e ba nɛ enyɛn ko be eche be kebita bee par fo a chɔ fo eche peya?

Kaŋinichiŋgeliŋ 9:9

Durnya to be kebaawɔtɔ maŋ kɔ tɔnɔ, amoso jemanɛ nɛ men wɔ ŋkpa nɛ Ebɔrɛ sa menyi to ere, fo nɛ fo eche nɛ fee sha na e baa ji menyi be amu nɛnɛ. Ŋkpal manɛ so, kusɔ nɛ k wɔtɔ n sa menyi ashi menyi be kegben kikɛ to nna na.

Sɔlɔmɔn 1:15

N jipo, fo kebita maŋ kɔ ebarkasa, fo anishi du fanɛ lepɔ be anishi nna.

Aizaaya 54:6

Menyi, Israɛlebi, du fanɛ eche fɔlbi nɛ mo kul kini mo nɛ e bee shu kagbenejijaso nna. Ama Enyɛnpe Ebɔrɛ na naŋ tre menyi m ba, nsaa kaŋɛ menyi le:

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Jɛremaya 42:5

Ndoŋ nna nɛ b kaŋɛ ma le: “Enyɛnpe Ebɔrɛ na gbagba e naaŋ baa la anyi be kashenteŋ be shɛdajipo fanɛ an nase kɔnɔ fanɛ anyeeŋ wora kusɔ kama nɛ e beeŋ bɔla fo so ŋ kaŋɛ anyi.

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Jɛremaya 9:2

N daa yɛlga kenya kakpa ashi keshishɛrsawule so, nɛ n lar ma basa to n ya chena ndoŋ. Ŋkpal manɛ so, bumo kikɛ maŋ kɔ kashenteŋji n sa Ebɔrɛ, bumo alɛ kikɛ la bedebɔrpo nawule nna.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Maika 1:2

Menyi basa nɛ men wɔ durnya ere be efuliana kikɛ so e nu nfe! Menyi basa kama nɛ men wɔ kasawule ere kikɛ so gba e nu asheŋ ere! Enyɛnpetale Ebɔrɛ nɛ e wɔ mbe bɔrɛlambu cheembi to na, e naa shin nɛ e ji shɛda ŋ gbiti menyi.

Malakai 2:15

Ebɔrɛ maŋ ta menyi nna m ber abar so nɛ men ki kukoŋwule a? Manɛ so nɛ e wora loŋ? E daŋ wora loŋ nna saŋɛ na so menyeeŋ kurge mbia nɛ b la Ebɔrɛ be basa kashenteŋto. Amoso k maŋ daga ekama ka kini mbe eche.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Malakai 3:8

Kusɔ nɛ mee bishi menyi e la fanɛ, k daga dimɛdi ka bee yuri Ebɔrɛ a? Ayai, loŋ maŋ daga, ama menyi alɛ bee yuri ma. Men yɛ: ‘Nuso nɛ anyee yuri fo?’ Menyi be esarga nɛ men be kudukudusopo nɛ a la meya na to nɛ menyee yuri ma.

Demujipoana 11:10

Nɛ Giliad be benimu na yɛ: “Kashenteŋ nɛ anyee ji. Enyɛnpe Ebɔrɛ na malɛ ji kusɔ nɛ anyee kaŋɛ ere be shɛda.”

1 Samuɛl 12:5

Nɛ Samuɛl kaŋɛ basa na le: “Enyɛnpe Ebɔrɛ nɛ mbe ewura laraso na e la ma eshɛdajipo fanɛ men maŋ wu kulubi kikɛ ma so.” Nɛ bumo alɛ kaŋɛ le: “Mm, Enyɛnpe Ebɔrɛ na e la anyi be shɛdajipo.”