Malakai 2:11 - EBƆRƐ BE KAWƆL

¹¹ Menyi Judaebi na kikɛ maŋ ji kashenteŋ n sa Ebɔrɛ, menyi alɛ nseŋ naŋ wora ekishisheŋ ashi Jerusalɛm nɛ efuli na kikɛ so. Men wora mbushusheŋ a jija bɔrɛlambu nɛ Enyɛnpe Ebɔrɛ bee sha ga na. Men be benyɛn ta beche nɛ baa shuŋ efuli pɔtɛ so be agbir.

Malakai 2:11 ပူးပေါင်းရင်းမြစ်များ

Ɛzra 10:2

Ndoŋ nna nɛ Jehiɛl pibinyɛn, Shekanaya, nɛ e shi Elam be kabuna kaŋɛ anebi Ɛzra: “Anyi maŋ ji kashenteŋ n sa Ebɔrɛ ŋkpal befɔche nɛ an ta a kil ere so. Ama tama kra wɔtɔ n sa Israɛlebi.

Ɛzra 9:12

Anebiana na daŋ kaŋɛ anyi fanɛ nɛ anyee sha kenu kasawule na be ebel nseŋ ji kumo ŋ ka n yili anyi be kaman to ebi bre, an sa maŋ ta bumo be beche, ŋko ŋ kil bumo be benyɛn. B yɛ anyi alɛ e sa maŋ kaŋ ji bumo keteri, ŋko n shin nɛ b ji eleŋ anyi so.

Nshɛ 106:28

Ebɔrɛ be basa na be beko daŋ ya kaa bɛ kegbir nɛ baa tre Baal Piyɔɔ na so nna, nseŋ daa ji agbir be nlɔŋɛjibi.

Jɛremaya 2:3

Israɛlebi, men la n nawule peya nna. Men daa la ma kapetɛ cheembi nna; nɛ ŋ kpal loŋ so n shin nɛ awurfoŋ nɛ jɛrbi damta ba bekama nɛ b daa mɛaŋ menyi na so.”

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Jɛremaya 7:10

Menyi alɛ naa wora asheŋ nɛ ŋ kishi nna nsaa ba m ba kaa yili ma anishi to ashi ma bɔrɛlambu to a kaŋɛ le, ‘Sheŋ maaŋ wora anyi!’

Ezikɛl 18:13

Ade kikɛ be kaman, e bee wɔtɔ mpaŋ kama nɛ e sa esa nchu ga nna. Esa kikɛ nɛ e la esa lubi fanɛ mo maa ba nɛ e ji efute n chɛr. Mo gbagba e wora le be ekishisheŋ ere, amoso mo e daga amo be luwu. Mo luwu na be turju beeŋ baa bɛ mo gbagba nna.

Ezikɛl 22:11

Basa ko wɔtɔ nna a ji kubojua nɛ beko bee di bumo be bibinyɛn be beche. Bede malɛ wɔtɔ a di bumo sipocheana nɛ bumo nɛ bumo la kututo ŋko kenio koŋwule.

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Levitikɔs 20:26

Men baa du cheembi nsaa la n nawule be basa, ŋkpal manɛ so, ma, Enyɛnpe Ebɔrɛ na du cheembi nna. Ma alɛ e lara menyi n yili nɛ men baa kɔr efuli pɔtɛana be basa to, saŋɛ na so menyeeŋ baa la ma nawule peya.

Malakai 1:1

Kubɔya nɛ Enyɛnpe Ebɔrɛ ta n sa kanyɛn ko nɛ baa tre Malakai fanɛ e sa Israɛl be basa nde.

Ditɛronɔmi 14:2

Menyi ere la basa nɛ Enyɛnpe menyi be Ebɔrɛ na lara nna nɛ men baa la mo gbagba be basa ashi edimɛdi nɛ b wɔ durnya kikɛ to.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Demujipoana 3:6

Israɛlebi na daa ta bumo be bibicheana nna a kil nseŋ naa shin nɛ bumo alɛ gba be bibinyɛnana bee ta Israɛlebi na be bibicheana a kil. Ŋkpal loŋ so nɛ b fara a shuŋ bumo be agbirana.