Malakai 1:6 - EBƆRƐ BE KAWƆL

⁶ Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Malakai 1:6 ပူးပေါင်းရင်းမြစ်များ

Nshɛ 123:2

Mbita bee keni bumo b bechepeana be anishito nna. Ama anyi ere bee keni fo, Enyɛnpe, anyi be Ebɔrɛ na, nɛ fo wu anyi kuwɔr nna.

Ɛksodɔs 20:12

Men baa bunyaŋ men nioana nɛ men tutoana, saŋɛ na so men be ŋkpa beeŋ teŋi so ashi kasawule nɛ mee ta a sa menyi na so.

Aŋasa 17:6

Benanabi du fanɛ kuwurwuro nna n sa bumo nanaana; nɛ mbia malɛ bee ji njɔŋ ŋkpal bumo kurgepoana so so.

Aŋasa 30:11

Basa ko bee sho bumo tutoana kɔnɔ nna nsaa maa keni bumo nioana a bɔlɔ kenishi.

Aŋasa 30:17

Ejita e naŋ ji bekama nɛ baa fɛl bumo tutoana nsaa keni bumo nioana jiga na be eblaŋ kupuŋ to.

Aizaaya 1:2

Ndoŋ nna nɛ Enyɛnpe Ebɔrɛ naŋ kaŋɛ: “Basa nɛ b wɔ ebɔrɛso nɛ kasawule so kikɛ e kaŋ asoe n nu kusɔ nɛ mee kaŋɛ ere! Mbia nɛ m bela e kilgi a kɔ ma na.

Aizaaya 43:23

Menyi maŋ ta mbolpɔ n lara esarga chɔɔso n sa ma, ŋko n ta menyi be esarga m bunyaŋ ma. Ma alɛ maŋ yili menyi so a fin ayu be esarga ŋko efɛa belbelso be eduwu be esarga n shin nɛ ebɔl e lar menyi.

Aizaaya 45:10

Esa ko wɔtɔ nɛ e tiŋ m bishi basa nɛ b kurge mo le: ‘Manɛ nna nɛ men kurge ma kananɛ n du ere?’ ”

Aizaaya 64:7

Esa kikɛ maŋ naa tre fo kabɔrɛkule to ŋko a fin fo kechɛto gba. Anyi be alubi so, fo ta fo kumu nna ŋ ŋana nseŋ kplaŋ anyi so.

Aizaaya 64:8

Ama fo, Enyɛnpe Ebɔrɛ na e la an tuto. Anyi ere du fanɛ ebɔ nna nɛ fo alɛ du fanɛ mba nɛ mpuliya be epɔrpo. Fo e to anyi,

Jɛremaya 23:11

Nɛ Enyɛnpe Ebɔrɛ na kaŋɛ le: “Anebiana na nɛ bɔrɛmatapoana na maa ŋana Ebɔrɛ. Ŋkpal manɛ so, m pɛ bumo nɛ baa wora asheŋ lubi ashi bɔrɛlambu na to gbagba.

Jɛremaya 3:4

Naniere kusɔ nɛ menyee kaŋɛ ma nde: ‘Fo e la an tuto. Anyi be kebia to kikɛ nɛ fee sha anyi.

Jɛremaya 31:9

Ma basa beeŋ ta kushu kabɔrɛkule nna a ba, saŋɛ nɛ n juŋkpar bumo m bɛta a ba epe na. Meeŋ juŋkpar bumo m bɔla ekpa nɛ k walɛ nɛ b maaŋ fiti kumo so n yɔ mbombi be nchu ase. Ŋkpal manɛ so, ma e la Israɛl mo tuto nɛ Efrayim malɛ la m pibinyɛn wurkoŋ.”

Jɛremaya 35:16

Jonadab be kaman to ebi bre wora kusɔ nɛ bumo nananyɛn kaŋɛ bumo kenishipereso na kasonu, ama menyi ere maŋ wora ma kasonu.

Ezikɛl 22:26

Israɛl be bɔrɛmatapoana bee gal ma mbraana nna a nase nsaa keni ma asɔ cheembi jiga. B maa barga asɔ nɛ a du cheembi nɛ amo nɛ a maŋ du cheembi to. Bumo alɛ maa ŋini basa kananɛ asɔ nɛ a walɛ so nɛ amo nɛ a maŋ walɛ so kɔr abar to. Ade kikɛ be kaman, b maa bɛ ma kewushiachɛ na so. Israɛl be basa maa sa ma bunyaŋ.

Hoziya 12:8

Men yɛ: ‘Damawuraana e la anyi nɛ an kɔ amansherbi nɛnɛ. Esa kama malɛ maaŋ tiŋ ŋ kaŋɛ anyi fanɛ an puni nna ŋ ki damawuraana.’

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Hoziya 5:1

“Menyi bɔrɛmatapoana, e nu nfe! Israɛl be basa, men kaŋ kusoe n nu! Menyi nɛ men la kuwurji be kanaŋ to ebi, e nu nfe! Menyi ere e daga kebaaji asheŋ nɛ amo be ekpa so! Ama ŋkpal men ka maa wora loŋ so kasogberge beeŋ ba menyi so. Men ki ajigbelɛ nɛ ashewu nna n sho basa ashi Mizpa nɛ kebeegboŋ nɛ baa tre Tabɔɔ na so.

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Zefanaiya 3:4

Kumo be anebiana malɛ daa kɔ ŋkpensheŋ be kebaawɔtɔ nna nɛ basa maaŋ tiŋ n yirda bumo. Nɛ bɔrɛmatapoana malɛ bee ta eyurpi a yɔ kakpa cheembi nɛ baa bunyaŋ Ebɔrɛ, nsaa bɔla mbe mbra na so a nya bumo be aparsheŋ.

Malakai 2:1

Le nɛ Enyɛnpetale daŋ kaŋɛ bɔrɛmatapoana na: “Ŋ kɔ le be kenishipere be kamalga ere nna a sa menyi bɔrɛmatapoana ere:

Malakai 2:10

Mannɛ etuto koŋwule nɛ anyi kikɛ kɔ a? Ŋko mannɛ Ebɔrɛ koŋwule e to anyi a? Nɛ manɛ e ba nɛ anyee kini kebɛ nnɔ nɛ an nase n sa abar na so? Manɛ e ba nɛ anyee kplaŋ ŋkre nɛ Ebɔrɛ nɛ an nananyɛnana kre na so?

Malakai 2:8

Ama menyi bɔrɛmatapoana na kini kashenteŋ be ekpa na naniere. Men be keŋini gba shin nɛ basa damta bee wora alubi nna. Men jija kɔnɔ naseso be ŋkre nɛ ma nɛ menyi nananyɛn Livai nase n sa abar na.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Matiu 15:4

Ŋkpal manɛ so, Ebɔrɛ kaŋɛ: ‘Bunyaŋ fo tuto nɛ fo nio nɛ ekama nɛ e malga ŋ gbiti mo nio nɛ mo tuto, b mɔ amodoŋwura.’

Matiu 15:6

To, kananɛ menyee keni Ebɔrɛ be kamalga na jiga nsaa bɛ menyi gbagba be edaŋkaresheŋ so nna na.

Matiu 19:19

baa bunyaŋ fo tuto nɛ fo nio nsaa sha fo barkasa fanɛ fo kumu.”

Matiu 6:9

Men baa kule mo le: ‘An Tuto nɛ fo wɔ ebɔrɛso, shin nɛ fo ketre cheembi na e baa nya bunyaŋ,

Matiu 7:21

Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Maak 10:19

Fo nyi mbraana nɛ a bee kaŋɛ: Sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda, sa maŋ kaŋ puni, baa bunyaŋ fo tuto nɛ fo nio.”

Maak 7:10

Ŋkpal manɛ so, anebi Mosis daŋ kaŋɛ fanɛ: ‘Bunyaŋ fo tuto nɛ fo nio,’ nɛ: ‘Ekama nɛ e malga ŋ gbiti mo nio nɛ mo tuto, b mɔ amodoŋwura.’

Luuk 10:29

Ama mbraŋinipo na daa sha na fanɛ e malga n lar nseŋ kpal loŋ so m bishi Yesu: “Esa mo e la m barkasa?”

Luuk 18:20

Fo nyi mbraana nɛ a bee kaŋɛ, sa maa ji kubojua, sa maŋ kaŋ mɔ, sa maŋ kaŋ yuri, sa maŋ kaŋ ji efɛ be shɛda, baa bunyaŋ fo tuto nɛ fo nio na ŋko?”

Luuk 6:36

Amoso, men baa wu kuwɔr fanɛ kananɛ men Tuto bee wu kuwɔr na.

Luuk 6:46

Manɛ e ba nɛ menyee tre ma Enyɛnpe, Enyɛnpe, nsaa maa wora kusɔ nɛ mee kaŋɛ menyi?

Ɛfesesebi 6:2

Men baa bunyaŋ men tutoana nɛ men nioana, ŋkpal manɛ so, loŋ be ntaŋ na e baa la ntaŋ koŋwule nɛ k kɔ le be nɛfa be kɔnɔ naseso ere:

Ditɛronɔmi 1:31

nɛ keshishɛrsawule so na. Men wu kananɛ e keta menyi, fanɛ kananɛ etuto bee keta mbe kebia a nite na, m ba nfe kayurwushiso.’

Ditɛronɔmi 32:6

Menyi bewulpo nɛ basa nɛ b maŋ kɔ nfɛra ere, le a daga fanɛ men wora Enyɛnpe Ebɔrɛ na a? Enyɛnpe Ebɔrɛ na e la men tuto, mo e to menyi, nseŋ shin nɛ men ki efuli koŋwuleso be basa.

Ditɛronɔmi 5:16

Men baa bunyaŋ men tutoana nɛ men nioana, fanɛ kananɛ ma, Enyɛnpe, menyi be Ebɔrɛ na yili n sa menyi na; saŋɛ na so, asheŋ beeŋ nyalɛ n sa menyi nɛ menyi alɛ e chena kasawule nɛ n ta a sa menyi ere so n chɛr.

1 Pita 1:17

Ŋkpal men ka bee tre esa nɛ e bee ji dimɛdi kikɛ be aworbi demu ŋkaa maa kpɛa mo to na men Tuto ere so, a daga fanɛ men baa wɔ durnya ere to fanɛ befɔ a ŋana Ebɔrɛ.