Malakai 1:5 - EBƆRƐ BE KAWƆL

⁵ Israɛl be basa beeŋ wu kumo nseŋ kaŋɛ le: “Enyɛnpe Ebɔrɛ na be eleŋ bee ji a baŋ Israɛl be efuli gba so nna!”

Malakai 1:5 ပူးပေါင်းရင်းမြစ်များ

2 Kronikɛls 29:8

Ŋkpal le be asheŋ ere so, Enyɛnpe Ebɔrɛ daŋ nya agbo nna ga n wɔtɔ Juda nɛ Jerusalɛm ebi nseŋ wora bumo kusɔ nɛ k pɛ ekama kufu nseŋ mɔ ekama kɔnɔ. Men gbagba ere nyi le be kesheŋ ere nɛnɛ.

Ezikɛl 38:16

ŋ kre m ba buu bumo so fanɛ bɔrɛfugboŋ ka ba kasawule na so na. Jemanɛ na kaŋ fo, meeŋ shin nɛ men kɔ m pɔɔ ma kasawule so nɛ efuliana na e pin esa nɛ e la ma ashi kusɔ nɛ meeŋ bɔla menyi so n wora a ŋini ma kecheembiya na.”

Ezikɛl 38:23

Kananɛ meeŋ ŋini efuliana na kikɛ ma keshi nɛ kecheembiya nna na. Aloŋ nɛ baaŋ pin fanɛ ma e la Enyɛnpe Ebɔrɛ na.”

Ezikɛl 39:9

Nɛ basa nɛ b wɔ Israɛl be ndegboŋ to na e lar n ya tise n tise bumo doŋana be akɔsɔ nɛ baaŋ yige n lɛ na m ba wɔtɔ edɛ. Baaŋ ta abɛlso be asɔ kuŋamuso nɛ ata nɛ atanyembi nɛ akpa nɛ mprɛ m wɔtɔ edɛ to. Nfɛ ashunu nɛ baa chɔɔ amo.

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Ditɛronɔmi 11:7

Kashenteŋto, menyi gbagba e wu asheŋgboŋ nɛ Enyɛnpe Ebɔrɛ na wora ere kikɛ kenishiso.

Ditɛronɔmi 4:3

Men gbagba wu kusɔ nɛ Enyɛnpe Ebɔrɛ na wora ashi kebeegboŋ nɛ baa tre Piyɔɔ na ase. E daŋ mur ekama nɛ e daŋ shuŋ kegbir nɛ baa tre Baal na nna ashi ndoŋ.

Joshuwa 24:7

b shu ŋ ŋini ma fanɛ n chɛ bumo to. Nɛ n ta tentembiri n wɔtɔ bumo nɛ Ijiptebi na be kefɛato nseŋ shin nɛ teku na ba mur Ijiptebi na kikɛ. Menyi gbagba ere wu kusɔ nɛ n wora Ijiptebi na. Kumo be kaman nɛ men daŋ chena keshishɛrsawule so n chɛr ga.

1 Samuɛl 12:16

Amoso men baa yil to kakpa nseŋ keni kusɔ nɛ Enyɛnpe Ebɔrɛ be eleŋ beeŋ wora.