Malakai 1:4 - EBƆRƐ BE KAWƆL

⁴ Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”

Malakai 1:4 ပူးပေါင်းရင်းမြစ်များ

Job be kawɔl 12:14

Esa kikɛ maaŋ tiŋ n lɔŋɛ kusɔ nɛ Ebɔrɛ jija, ŋko n lara basa nɛ e ti ebu ashi kabuti na to.

Job be kawɔl 34:29

Nɛ Ebɔrɛ baŋ maŋ wora shɛŋ gba, esa ko ŋko efuli ko beeŋ tiŋ n wu mo kulubi a?

Job be kawɔl 9:4

Ebɔrɛ nyi asheŋ nsaa kɔ eleŋ ga, esa kikɛ maaŋ tiŋ n tu mo n ji emɔrɔ m pɔɔ so.

Nshɛ 127:1

Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Nshɛ 137:7

O Enyɛnpe Ebɔrɛ, nyiŋi kusɔ nɛ Edɔmebi na wora kachɛ nɛ Jerusalɛmebi kɔ n tɔr na. B yɛ: ‘Men bure kadegboŋ na! Men mur kumo kikɛ kuraa!’

Nshɛ 33:10

Enyɛnpe Ebɔrɛ na e naa jija efuliana be ŋkre. Mo e naa kuŋ bumo be nfɛra lubiana ekpa.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Aizaaya 10:4

Baaŋ mɔ menyi kena to ŋko ŋ gberge menyi n yɔ kenyaya to. Ama amo nɛ amo kikɛ, Enyɛnpe Ebɔrɛ na be agbo maaŋ wushi. E kraa beeŋ baa sha kegberge menyi kusoe n ti so.

Aizaaya 11:14

Baaŋ chɛ abar to ŋ kɔ Filistiebi nɛ b wɔ epeŋitɔrkpa na nseŋ suge basa nɛ b wɔ epeŋilarkpa na be asɔ eleŋso. Bumo alɛ beeŋ kɔ m pɔɔ Edɔm nɛ Mowab be basa so, nseŋ shin nɛ Ammɔn be basa e wora bumo kasonu.

Aizaaya 34:10

K beeŋ baa chɔɔ kapa nɛ kanyɛ nna, nɛ edishi malɛ e baa lar kumo to hale mbaanaayɔ. Edɔm beeŋ ki keshishɛrsawule a dese nfɛ damta nɛ esa maaŋ naŋ bɔla kumo to n choŋ kikɛ.

Aizaaya 34:5

Enyɛnpe Ebɔrɛ na kaŋ ta mbe tokobi n wora awɔlpa so be asɔ kusɔ nɛ e bee sha n loge, k beeŋ gbelge efuli nɛ baa tre Edɔm na be basa nɛ Enyɛnpe Ebɔrɛ na yili kumo fanɛ baaŋ mur na so.

Jɛremaya 31:17

Tama kraa wɔtɔ n sa fo echefoso. Fo mbia beeŋ bɛta m ba epe.’ Ma, Enyɛnpe Ebɔrɛ na e kaŋɛ.

Jɛremaya 49:20

Amoso men nu kusɔ nɛ ŋ kre a laŋɛ Edɔm be basa be kaplɛa so nseŋ naŋ nu kusɔ nɛ mee sha kewora basa nɛ b wɔ kadegboŋ nɛ baa tre Tɛman na to na. Bedoŋ beeŋ pɛ menyi be mbia katinso ŋ gberge bumo n yɔ efuli pɔtɛana so nɛ menyi be efuli na e mur.

Jɛremaya 49:7

Kusɔ nɛ Enyɛnpetale Ebɔrɛ na kaŋɛ a laŋɛ Edɔm be efuli so nde: “Edɔm be basa maŋ kɔ nfɛra nna a? Basa nɛ baa ji bumo asoeto na maa kaŋɛ bumo kusɔ nɛ baaŋ baa wora nna a? Bumo be kanyiasheŋ kikɛ loge nna a?

Jɛremaya 49:8

Menyi basa nɛ men wɔ kadegboŋ nɛ baa tre Dedan na e shile n ya ŋana! Meeŋ shin nɛ Isɔɔ be kaman to ebi e ji jɛrbi, ŋkpal manɛ so, jemanɛ fo nɛ ŋ gberge bumo kusoe.

Jɛremaya 5:17

Baaŋ ji menyi be adɔjibi m mur nseŋ mɔ menyi be mbia. Bumo alɛ beeŋ mur menyi be asɔbɔya nɛ ndibi sɔrso kikɛ. Bumo be benapo beeŋ bure menyi be ndeana nɛ men pɔr egbalana ŋ kulti a wɔ amo to nsaa fɛ fanɛ shɛŋ maaŋ tiŋ n wora menyi na kikɛ n lɛ.

Nfabel 3:37

Enyɛnpe Ebɔrɛ na maŋ sa kusɔ akpa k maaŋ tiŋ n wora kikɛ.

Ezikɛl 11:10

Baaŋ kɔ menyi kena m mɔ menyi ashi menyi gbagba be efuli so. Ndoŋ nɛ ekama beeŋ pin fanɛ ma, e la Enyɛnpe Ebɔrɛ na.

Ezikɛl 25:13

Amoso meeŋ gberge Edɔm be basa kusoe nseŋ mɔ bumo be basa nɛ asɔbɔya kikɛ kena to nɛ kasawule nɛ k yili kadegboŋ nɛ baa tre Tɛman n dese n ya fo kumo nɛ baa tre Dedan na e dese jiga.

Ezikɛl 25:14

Kumo be kaman nɛ n shin nɛ ma basa Israɛlebi na e wora n tal Edɔm be basa to, nɛ b pin kananɛ kanya agbo gboŋ du. Ŋ kaŋ gberge Edɔm be basa kusoe na, nɛ baaŋ pin fanɛ ma, e la Enyɛnpe Ebɔrɛ na.”

Ezikɛl 26:14

Ma alɛ beeŋ shin nɛ menyi be kasawule na a dese fanɛ kefalta fuloŋ nɛ ekɔrɔtɔ pɛpo e baa fata bumo be ashewu kumo so. Menyi maaŋ naŋ tiŋ n lɔŋɛ m pɔr menyi be kadegboŋ na kikɛ. Ma, Enyɛnpetale Ebɔrɛ na e kaŋɛ na.”

Ezikɛl 35:4

Ma alɛ beeŋ naŋ shin nɛ menyi be ndegboŋ e ki alambure a dese. Nɛ menyi be kasawule e ki kakpa nɛ ekama kini n lɛ. Aloŋ nɛ menyeeŋ pin fanɛ ma e la Enyɛnpe Ebɔrɛ na.

Ezikɛl 35:9

Saŋɛ na so nɛ menyi be efuli na e dese fuloŋ mbaanaayɔ, nɛ esa kikɛ maaŋ naa wɔ menyi be ndegboŋana to. Aloŋ e naaŋ shin nɛ men pin fanɛ ma e la Enyɛnpe Ebɔrɛ na.

Eemɔs 1:11

Enyɛnpe Ebɔrɛ yɛ: “Edɔm be basa wora alubi n ya baŋ so. Amoso abaanaaworashɛŋ meeŋ gberge bumo kusoe. B ju m buu bumo kurgepoana Israɛlebi so n ya mɔ bumo. B daŋ maŋ wu bumo kuwɔr ŋkpal bumo be asheŋ ka daa pɛ bumo agbo nɛ b nya agbo n wɔtɔ bumo ga so.

Eemɔs 3:15

Meeŋ bure bumo be elaŋ nɛ baa dese to kebleŋ to nɛ amo nɛ baa dese to awo to na kikɛ. Bumo be elaŋana nɛ b ta asɔlnyii n ji kebita nɛ bumo be elaŋgboŋ kikɛ beeŋ bure. Ma Enyɛnpe Ebɔrɛ na e malga na.”

Eemɔs 5:11

Ŋkpal men ka mɛaŋ betirpo nseŋ suge bumo be adɔjibi so, menyi alɛ gba maaŋ nya elaŋ lela nɛ men ta ajembu m pɔr na n luri to, ŋko n nya men be asɔrso nɛ baa tre greep na be yabra belbelso n nuu.

Eemɔs 6:11

Enyɛnpe Ebɔrɛ na baŋ malga, elaŋgboŋana nɛ afimbiana kikɛ bee bure to nna kpachɛrkpachɛrbi.

Eemɔs 6:2

Men yɔ Kalnee be kade to n ya keni. Kumo be kaman nɛ men naŋ yɔ kadegboŋ nɛ baa tre Hamaf na nseŋ yili ndoŋ n yɔ Filisti be efuli so be kade nɛ baa tre Gaaf na. Amo be amo e bɔ Juda nɛ Israɛl be efuliana? Ŋko loŋ be efuliana na e shishibi a chɔ menyeya a?

Obadaya 1:1

Kusɔ nɛ Enyɛnpetale Ewurgboŋ na kaŋɛ a laŋɛ Edɔm be kaplɛa so nɛ an nu nde: “Men koso n shin nɛ an yɔ nɛ anyi nɛ Edɔmebi e ya kɔ abar kena.”

Obadaya 1:10

Ŋkpal menyi Edɔmebi ka diewu n ta kumu kpakpaso n shuŋ men kurgepoana Jeekɔb be kanaŋ to ebi kushuŋ lubi na so, anishinyɔr beeŋ ba menyi so. Menyi alɛ beeŋ mur kuraa.

Malakai 1:3

nsaa maa sha Isɔɔ nɛ mbe kaman to ebi malɛ be asheŋ nseŋ mur bumo be abee so be efuli na nɛ k ki ejiŋkaamu pe.”

Matiu 12:30

Esa kama nɛ e maŋ la n teri la n doŋ nna nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna.