Malakai 1:3 - EBƆRƐ BE KAWƆL

³ nsaa maa sha Isɔɔ nɛ mbe kaman to ebi malɛ be asheŋ nseŋ mur bumo be abee so be efuli na nɛ k ki ejiŋkaamu pe.”

Malakai 1:3 ပူးပေါင်းရင်းမြစ်များ

Jɛnesis 25:23

Ndoŋ nna nɛ Enyɛnpe Ebɔrɛ kaŋɛ mo le: “Mbia anyɔ nɛ baaŋ ba ki efuli anyɔ be bejuŋkparpo anyɔ a wɔ fo epun to. Bumo alɛ beeŋ ba barga to a wɔtɔ. Eko beeŋ ba kaa kɔ eleŋ a chɔ mo barkasa, nɛ enimuso na e ba kaa shuŋ ekekarso so na.”

Aizaaya 35:7

nɛ shishɛrpumpuŋ tushiso e ki apa, nɛ nsawule nɛ a wɔl a dese kikɛ e nya abuye amo so. Kakpa nɛ ejiŋkaamu daa wɔ na, beeŋ ki kakpa nɛ agasa nɛ achufitiri bee kɔr.

Jɛremaya 49:10

Ama ma ere beeŋ ta kusɔ kama nɛ k la menyi Isɔɔ be kaman to ebi peya nseŋ bugi menyi so n lɛ ashi kakpa nɛ menyeeŋ ŋana, saŋɛ na so menyi maaŋ naŋ tiŋ n ta menyi be amu ŋ ŋana. Edɔm be efuli so be basa kikɛ beeŋ mur nɛ ekoŋwule gba maaŋ ka.

Jɛremaya 49:20

Amoso men nu kusɔ nɛ ŋ kre a laŋɛ Edɔm be basa be kaplɛa so nseŋ naŋ nu kusɔ nɛ mee sha kewora basa nɛ b wɔ kadegboŋ nɛ baa tre Tɛman na to na. Bedoŋ beeŋ pɛ menyi be mbia katinso ŋ gberge bumo n yɔ efuli pɔtɛana so nɛ menyi be efuli na e mur.

Jɛremaya 49:33

Hazɔɔ beeŋ ki keshishɛrsawule mbaanaayɔ nɛ ejiŋkaamu e baa wɔ kumo so. Esa kikɛ maaŋ naŋ chena kumo so kikɛ. Ma, Enyɛnpe Ebɔrɛ e kaŋɛ na.”

Jɛremaya 49:7

Kusɔ nɛ Enyɛnpetale Ebɔrɛ na kaŋɛ a laŋɛ Edɔm be efuli so nde: “Edɔm be basa maŋ kɔ nfɛra nna a? Basa nɛ baa ji bumo asoeto na maa kaŋɛ bumo kusɔ nɛ baaŋ baa wora nna a? Bumo be kanyiasheŋ kikɛ loge nna a?

Jɛremaya 49:8

Menyi basa nɛ men wɔ kadegboŋ nɛ baa tre Dedan na e shile n ya ŋana! Meeŋ shin nɛ Isɔɔ be kaman to ebi e ji jɛrbi, ŋkpal manɛ so, jemanɛ fo nɛ ŋ gberge bumo kusoe.

Jɛremaya 51:37

Babilɔn be efuli na beeŋ bure a dese, nseŋ ki kupuŋ to be asɔbɔya fanɛ ejiŋkaamu be kakpa. Basa beeŋ baa mushe kumo. Ama bumo alɛ beeŋ baa ŋana kebɔla alambure na to n choŋ.

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Nfabel 4:22

Zayɔn be kadegboŋ na to be basa bre teŋ ka bumo be alubi be kukɔ nna na. Enyɛnpe Ebɔrɛ na maaŋ naŋ shin nɛ an baa wɔ kenyaya to ashi efuli pɔtɛ wɔfɔ so. E beeŋ shin nɛ an bɛta m ba epe. Ama menyi Edɔm be efuli so be basa bre, e beeŋ gberge menyi kusoe nseŋ shin nɛ menyi be asheŋ lubi e dii efuli nɛ ekama e pin amo.

Ezikɛl 36:7

Ma, Enyɛnpetale Ebɔrɛ na bɔ ntaŋ fanɛ efuliana na beeŋ ji anishinyɔr.

Ezikɛl 36:9

N nyi menyi Israɛlebi be asheŋ nɛ men be asheŋ tir n sa ma. Ma alɛ beeŋ shin nɛ men naaŋ dɔ menyi be adɔsawule so n duu adɔjibi.

Jowɛl 3:19

Ijipt be kasawule beeŋ ki kiyi to chil, kakpa nɛ basa maaŋ baa wɔ, nɛ Edɔm be kasawule malɛ kikɛ e jija ŋ ki keshishɛrsawule ŋkpal b ka kɔ Juda be efuli so ebi kena nseŋ mɔ basa nɛ b maŋ wora alubi na so.

Obadaya 1:10

Ŋkpal menyi Edɔmebi ka diewu n ta kumu kpakpaso n shuŋ men kurgepoana Jeekɔb be kanaŋ to ebi kushuŋ lubi na so, anishinyɔr beeŋ ba menyi so. Menyi alɛ beeŋ mur kuraa.

Luuk 14:26

“Esa kama nɛ e ba ma kutɔ nsaa maŋ kishi mo tuto gbagba nɛ mo nio nɛ mbe eche nɛ bibi nɛ besiponyɛnana nɛ besipocheana hale mo gbagba be kumu be aparsheŋ, e maaŋ tiŋ a la ma ebɛsopo.