Malakai 1:2 - EBƆRƐ BE KAWƆL

² E yɛ: “Israɛlebi, saŋkama, ma kasha wɔ menyi so nna ga.” Ama le nɛ bumo alɛ daŋ kaŋɛ: “Ekpa mo so nɛ fo ŋini anyi kasha?” Ndoŋ nna nɛ Enyɛnpe Ebɔrɛ kaŋɛ: “Isɔɔ nɛ Jeekɔb la esa nɛ mo sipo nna, ama Jeekɔb nɛ mbe kaman to ebi nɛ n lara a sha ga,

Malakai 1:2 ပူးပေါင်းရင်းမြစ်များ

Jɛnesis 25:23

Ndoŋ nna nɛ Enyɛnpe Ebɔrɛ kaŋɛ mo le: “Mbia anyɔ nɛ baaŋ ba ki efuli anyɔ be bejuŋkparpo anyɔ a wɔ fo epun to. Bumo alɛ beeŋ ba barga to a wɔtɔ. Eko beeŋ ba kaa kɔ eleŋ a chɔ mo barkasa, nɛ enimuso na e ba kaa shuŋ ekekarso so na.”

Jɛnesis 25:25

Emo nɛ e daŋ juŋkpar n lar na daŋ pere nna kpaw nɛ mbe eyur kikɛ so kɔ afuibi fanɛ e ka buu afuibi be kale na. Ŋkpal loŋ so nɛ b nase mo ketre Isɔɔ.

Jɛnesis 25:26

Isɔɔ ka lar na be kaman nɛ mo sipo malɛ pɛ mbe kenaŋkuŋ to m bɛ mo so m ba lar. Ŋkpal loŋ so nɛ b nase mo ketre Jeekɔb. Saŋɛ nɛ Rebɛka kurge mbia ere na nɛ Aizek la nfɛ adeshe nna.

Jɛnesis 27:33

Nɛ Aizek be eyur kikɛ chicha mo nɛ e bishi: “To, nɛ wanɛ malɛ e ya ji kekpaŋ n daŋɛ m bar ma na? M baŋ ji kumo nna pɔɛŋ nɛ fo ba na. Ma alɛ teŋ nɛfa amodoŋwura. Kashenteŋto malɛ, m maaŋ naŋ tiŋ n laŋɛ nɛfa na.”

Jɛnesis 48:4

nseŋ kaŋɛ ma le: ‘Meeŋ sa fo mbia damta nɛ b wora keshi ŋ ki efuli damtawuraana. Meeŋ ta kasawule ere n sa fo kanaŋ to ebi nɛ k baa la bumo peya mbaanaayɔ.’ ”

1 Bewura 10:9

Kemaŋkura e baa la Enyɛnpe fo Ebɔrɛ na peya. Mbe kagbene fuli fo so ga nna so nɛ e ta fo ŋ ki Israɛlebi be ewura nɛ fo baa ji bumo so eleŋ. Ŋkpal kasha nɛ e kɔ n sa mbe basa Israɛlebi na ka maŋ kɔ ekar so, nɛ e ta fo ŋ ki bumo be ewura nɛ fo baa ji asheŋ nɛ amo be ekpa so nsaa wora asɔ nɛ a niŋi ekpa a sa bumo na.”

2 Bewura 3:8

Nnɛ nɛ anyeeŋ bɔla n ya kɔ bumo?” Nɛ Joram yɛ: “Anyeeŋ bɔla Edɔm be efuli so be keshishɛrsawule na so n yɔ.”

Aizaaya 43:4

Meeŋ kplaŋ efuli pɔtɛana na so nseŋ mɔlga menyi, ŋkpal menyi be asheŋ ka bee par ma ga so. Ma alɛ bee sha menyi nna nsaa maŋkura menyi.

Aizaaya 63:1

Wanɛ e shi Edɔm be efuli so be kadegboŋ nɛ baa tre Bozra na ŋ kre to nɛnɛ m buu epiŋi peper a tia aya eleŋ so a ba ere? Enyɛnpe Ebɔrɛ nɛ e kɔ eleŋ ga nɛ e tiŋ m mɔlga basa na e naa ba nɛ e ba bɔ mbe kekɔmpɔɔso be kubɔya.

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Jɛremaya 2:5

E yɛ: “Men nananyɛnana daa maŋ wu ma kulubi kikɛ, ama b daŋ lar ma kaman nseŋ shuŋ agbir nɛ e maŋ kɔ tɔnɔ nseŋ ki basa nɛ b maŋ kɔ tɔnɔ n sa ma.

Jɛremaya 31:3

n daa wɔ kufɔ nna nseŋ lara ma kumu ŋ ŋini menyi. Ŋ ka bee sha menyi saŋɛ kama na so, nɛ mee ŋini menyi ma kasha nɛ k wɔtɔ mbaanaayɔ na.

Eemɔs 1:11

Enyɛnpe Ebɔrɛ yɛ: “Edɔm be basa wora alubi n ya baŋ so. Amoso abaanaaworashɛŋ meeŋ gberge bumo kusoe. B ju m buu bumo kurgepoana Israɛlebi so n ya mɔ bumo. B daŋ maŋ wu bumo kuwɔr ŋkpal bumo be asheŋ ka daa pɛ bumo agbo nɛ b nya agbo n wɔtɔ bumo ga so.

Malakai 2:17

Men shin nɛ menyi be mmalga fi Enyɛnpe Ebɔrɛ, ama le nɛ menyee bishi: “Nuso nɛ anyi be mmalga wora n fi mo? Ŋkpal men ka bee kaŋɛ fanɛ Enyɛnpetale na bee fɛ fanɛ belubiworapo bre e walɛ so, nseŋ naa kaŋɛ fanɛ bumo be asheŋ bee par mo so.” Kumo be kaman nɛ men naa kaŋɛ le: “Nnɛ nɛ Ebɔrɛ nɛ e bee ji asheŋ nɛ amo be ekpa so na wɔ?”

Luuk 10:29

Ama mbraŋinipo na daa sha na fanɛ e malga n lar nseŋ kpal loŋ so m bishi Yesu: “Esa mo e la m barkasa?”

Baru lela nɛ Jɔn kute na 15:12

Ma kamalga naseso nde: ‘Men baa sha abar fanɛ kananɛ mee sha menyi na.’

Ditɛronɔmi 10:15

Enyɛnpe Ebɔrɛ na daŋ sha men nananyɛnana na ga so nna nɛ e lara menyi nseŋ yige basa nɛ b ka na. Hale nɛ mbre men kraa la mbe basa laraso nna.

Ditɛronɔmi 23:5

Ama Enyɛnpe menyi be Ebɔrɛ na daŋ maŋ nu n sa Balaam. Kusɔ nɛ e daŋ wora e la fanɛ e kilgi shoduu na nna ŋ ki nɛfa ŋkpal e ka bee sha menyi so.

Ditɛronɔmi 33:3

Enyɛnpe Ebɔrɛ na bee sha mbe basa nna, nsaa kuŋ bekama nɛ b la mo peya. Amoso anyeeŋ gbir m bunyaŋ mo nseŋ wora kusɔ nɛ e kaŋɛ kenishipere so na kasonu.

Ditɛronɔmi 4:37

Kasha nɛ Enyɛnpe Ebɔrɛ na kɔ n sa men nananyɛnana na so nɛ e lara menyi nɛ men baa la mo gbagba be basa nseŋ bɔla mbe yukugboŋ so n lara menyi ashi Ijipt be efuli so m ba.