Malakai 1:12 - EBƆRƐ BE KAWƆL

¹² Ama menyi ere jija ma ketre nna ŋkpal men ka maa tre ma bɔrɛsure na shɛŋ nsaa ta ajibi nɛ men maa sha gba a lara sarga a deŋi kumo so so.

Malakai 1:12 ပူးပေါင်းရင်းမြစ်များ

2 Samuɛl 12:14

Ama ŋkpal fo ka maŋ keni Enyɛnpe Ebɔrɛ m bɔlɔ kenishi nseŋ shin nɛ mo doŋana keni mo jiga so, fo pibinyɛn nɛ eche na kurge na beeŋ wu.”

Ezikɛl 41:22

bɔrɛsure nɛ b ta ndibi wora nna. Kumo be jeŋgreŋ daŋ fo fanɛ ayadra anu nɛ kumo be mparto malɛ daŋ fo fanɛ ayadra ana. Ndibi nɛ b ta n lɔŋɛ kumo be kaplɛkama. Ndoŋ nna nɛ kanyɛn na kaŋɛ ma le “Kede la kanyiŋi nna fanɛ Enyɛnpe Ebɔrɛ na bee keni mbe bɔrɛlambu so jemanɛ kikɛ nna.”

Ezikɛl 44:16

Zadɔk be kabuna ebi na nawule e naŋ tiŋ n luri bɔrɛlambu na to n shuŋ bɔrɛsure na ase nseŋ naŋ tiŋ n juŋkpar basa nɛ baa shuŋ ma na.

Hoziya 13:9

Ŋkpal menyi Israɛl be basa ka bee kɔ ma, nɛ n la men be echɛtopo na so nɛ men mur na.

Levitikɔs 18:21

Sa maŋ kaŋ ta fo pibi kama n sa nɛ b lara sarga n sa kegbir nɛ baa tre Mɔlɛk na, ŋkpal manɛ so, k beeŋ ŋaba men Nyɛnpe Ebɔrɛ na be ketre.

Eemɔs 2:7

B daa ŋin bepɔshipo nɛ basa nɛ b maaŋ tiŋ n chɛ bumo be amu to nna a lɛ kasawule a chichi bumo so nsaa maa ji betirpo be asheŋ nɛ amo be ekpa so. Ma ketre cheembi na jija nna ŋkpal mbia nɛ bumo tutoana ka bee di beche koŋwule so.

Malakai 1:13

Kumo be kaman le nɛ men kraa kaŋɛ: ‘Ebɔl lar anyi ere nna.’ Men wɔtɔ gba nna a kpa mmuna to a wɔtɔ ma. Kayu be asɔbɔya nɛ asɔbɔya nɛ b la ebobi nɛ asɔbɔya nɛ baa lɔ nɛ men ta a lara sarga a sa ma. Men fɛ fanɛ meeŋ shuli n sɔ amo nna a?

Malakai 2:8

Ama menyi bɔrɛmatapoana na kini kashenteŋ be ekpa na naniere. Men be keŋini gba shin nɛ basa damta bee wora alubi nna. Men jija kɔnɔ naseso be ŋkre nɛ ma nɛ menyi nananyɛn Livai nase n sa abar na.

Romebi 2:24

Loŋ koŋwule na malɛ nɛ abɔrɛsibɛ na bee kaŋɛ na fanɛ: “Menyi, Juwebi so nɛ nnyamase bee malga a ji Ebɔrɛ emɔrɔ.”