Maika 7:8 - EBƆRƐ BE KAWƆL

⁸ N doŋana, men sa maŋ shin nɛ menyi be ŋgbene e fuli nɛ men baa ji njɔŋ ma so. Hale nɛ n tɔr gba, ŋ kraa beeŋ koso. Nɛ n chena tentembiri to gba, Enyɛnpe Ebɔrɛ na e la ma kefulto.

Maika 7:8 ပူးပေါင်းရင်းမြစ်များ

Job be kawɔl 31:29

Ma kagbene maŋ naŋ fuli ŋkpal n doŋana be awurfoŋ so, ŋko jemanɛ nɛ b ji jɛrbi so.

Nshɛ 112:4

Basa nɛ baa wu kuwɔr nsaa la basa a wora asheŋ niŋiso na du fanɛ kefulto nna ashi tentembiri to.

Nshɛ 143:3

Bedoŋ bee ju ma nna a kulti nɛ mee tɔr a koso. Tentembiri mina to nɛ n wɔ, fanɛ esa nɛ e wu a dese nchaŋ to dra dra kikɛ na.

Nshɛ 20:8

Loŋ be basa na beeŋ fiti n tɔr, ama anyi ere baa yil nna kiŋkiŋ. Shɛŋ shɛŋ maa gbuŋgbuŋ anyi.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 35:19

Sa maŋ shin nɛ ma doŋana, befɛpo na, be ŋgbene e fuli bumo ŋkpal b ka pɔɔ ma so so. Sa maŋ shin nɛ bumo nɛ b kishi ma kenyanyaŋɛso na e mushe ma ŋkpal ŋ ka wɔ tɔrɔ to so.

Nshɛ 37:21

Belubiworapo bee paŋ asɔ nna, nsaa kini keka. Ama basa nɛ baa wora asheŋ nɛ a niŋi na bre bee bugi kagbene nna a kɛ basa asɔ saŋkama.

Nshɛ 37:24

E fiti gba, e maaŋ tɔr; ŋkpal manɛ so, Enyɛnpe Ebɔrɛ gbagba e naŋ pɛ mo to n yili.

Nshɛ 38:16

Sa maŋ shin nɛ b wora ma eyurto; ŋko a wu bumo be amu n wɔtɔ ma ŋkpal ŋ ka fɛrge n tɔr so.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Nshɛ 97:11

Kefulto bee nyaŋɛ a yuu basa niŋiso so nna, nɛ ŋgbenefufulwuraana malɛ bee nya kagbenefuli.

Aizaaya 2:5

Naniere, Israɛlebi, men shin nɛ an baa wora asheŋ ashi Enyɛnpe Ebɔrɛ na be kefulto nɛ kebaanyi mbe kebaawɔtɔ to!

Aizaaya 49:9

Kumo be kaman nɛ ŋ kaŋɛ basa nɛ b wɔ kabuti to le: “Men lar kabuti to!” Ma alɛ beeŋ kaŋɛ bumo nɛ b wɔ tentembiri to le: “Men lar tentembiri na to m ba kefulto to!” Baaŋ baa du fanɛ mbolpɔ nɛ a bee ji abeemase nna.

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Aizaaya 9:2

Basa nɛ baa nite tentembiri to na wu kefultogboŋ ko. Kumo e la kebaanyi Ebɔrɛ na. Kefultogboŋ na lar nna n fulto n yuu ekama nɛ e wɔ kasawule nɛ k la luwu be tentembiri mina na so so.

Jɛremaya 48:27

Mowab be basa, men baa nyiŋi kananɛ men daŋ wora Israɛl be basa eyurto. Men daŋ wora bumo nna fanɛ b ka la beyu nɛ besugepo na.

Jɛremaya 50:11

Ade be kaman nɛ Enyɛnpe Ebɔrɛ na naŋ kaŋɛ le: “Babilɔn be basa, men daŋ suge ma basa be asɔ nna nɛ k par menyi ga nɛ menyee wora awɔr fanɛ mbrantiɛfɔlbi nɛ baa beri ayu ŋko gbaŋɛ ka bee shu na.

Jɛremaya 8:4

Kumo be kaman nɛ Enyɛnpe Ebɔrɛ na kaŋɛ ma fanɛ ŋ kaŋɛ mbe basa le: “Nɛ esa baŋ tɔr, e maŋ naa kpa a ŋini to nna a? Nɛ esa baŋ foe ekpa, e maŋ naa bɛta mbe ayamu so nna a?

Ezikɛl 25:6

Kusɔ nɛ ma, Enyɛnpetale Ebɔrɛ na bee kaŋɛ e la fanɛ men daŋ kpla enɔ nseŋ daŋ tɛto kagbenefuliso a ŋini kekishi nɛ men kɔ n sa Israɛl be basa nna.

Ezikɛl 35:15

fanɛ kananɛ men ji eyur jemanɛ nɛ ma basa Israɛlebi na daŋ mur na. Edɔm be efuli nɛ kumo be nsawule kikɛ beeŋ mur cheche, a maaŋ naa la shɛŋ. Kumo be kaman nɛ ekama e pin fanɛ ma e la Enyɛnpe Ebɔrɛ na.”

Ezikɛl 36:5

Ma, Enyɛnpetale Ebɔrɛ na malga agbogboŋ so nna ŋ gbiti efuliana nɛ a kulti fo Israɛl be efuli na kikɛ, fɔŋfɔŋ Edɔm be efuli na. Ŋkpal manɛ so, bumo e daŋ ji eyur ga nseŋ daŋ sɔ ma kasawule nɛ kumo be asɔbɔya be ejikpa ŋ ki bumo peya.

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

Obadaya 1:12

A daa maŋ daga fanɛ men baa yil a mushe men niopibiana Jeekɔb be kanaŋ to ebi saŋɛ nɛ tɔrɔ nɛ kachɛ lubi tu bumo ashi bumo be kemur be saŋɛ so na.

Maika 4:10

Men baa shu nsaa kii nnɔ to fanɛ eche nɛ kakurge ta na, ŋkpal manɛ so, k maaŋ chɛr nɛ men lar kadegboŋ na to n yaa kaa wɔ kupuŋ to. Baaŋ pɛ menyi n yɔ kufɔ kufɔ Babilɔn be efuli so, ama ma, Enyɛnpe Ebɔrɛ na, beeŋ mɔlga menyi ashi men doŋana be enɔ to ndoŋ.

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Zakareya 12:8

Loŋ be jemanɛ na, ma Enyɛnpe Ebɔrɛ na e naaŋ baa kuŋ bekama nɛ b wɔ Jerusalɛm to, nseŋ shin nɛ bumo to be bepɔshipo gba e baa kɔ eleŋ fanɛ ewura Deevid. Ewura Deevid be kamanebi beeŋ baa juŋkpar bumo fanɛ Ebɔrɛ be malaika gbagba na.

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Matiu 4:16

basa nɛ b wɔ tentembiri to na wu kefulto gboŋ ko. Kefulto na nyaŋɛ a yuu basa nɛ b wɔ luwu be tentembiri be kasawule so na.”

Baru lela nɛ Jɔn kute na 16:20

Ma e kaŋɛ menyi kashenteŋto na fanɛ menyi ere beeŋ boŋ to nseŋ shu anishichubi, ama durnya ere to ebi bre be ŋgbene beeŋ fuli bumo. Kashenteŋ nna fanɛ menyi be ŋgbene bee jija menyi, ama menyi be kagbenejija na beeŋ ba ki kagbenefuli.

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

2 Kɔrintebi 4:9

Baa tɔrɔ anyi, ama Ebɔrɛ maa kini anyi. Baa ŋmɛa anyi a lɛ, ama anyi alɛ maa mur.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

Kelaraŋŋini 22:5

Kanyɛ maaŋ naa wɔ ndoŋ. Fitila be kefulto ŋko epeŋi be kefulto be asheŋ maaŋ naŋ tir bumo, ŋkpal manɛ so, Enyɛnpe Ebɔrɛ e naaŋ baa sa bumo kefulto. Bumo alɛ beeŋ ji kuwura mbaanaayɔ.