Maika 7:7 - EBƆRƐ BE KAWƆL

⁷ Ama ma ere bee keni Enyɛnpe Ebɔrɛ na be anishito nna nseŋ ta tama a jo mo nɛ e mɔlga ma. Ma Ebɔrɛ na malɛ beeŋ nu ma kekule.

Maika 7:7 ပူးပေါင်းရင်းမြစ်များ

Jɛnesis 49:18

O, Enyɛnpe, mee jo fo kenya be kesɔnyige nna.

Nshɛ 109:4

Ma ere ta bumo fanɛ nteriana nna, a kule Ebɔrɛ a sa bumo, ama b kraa malga mmalga lubi nna a gbiti ma.

Nshɛ 130:5

Ma kagbene kikɛ nɛ ŋ kɔ a jo Enyɛnpe Ebɔrɛ na! Ma tama kikɛ malɛ wɔ mbe kamalga na to nna.

Nshɛ 25:5

Ta fo kashenteŋ na n ŋini ma ekpa. Ŋkpal manɛ so, fo e la Ebɔrɛ a mɔlga ma, nɛ ma tama deŋ fo so saŋkikɛ.

Nshɛ 37:7

Baa kɔ kanyiti a jo Enyɛnpe be saŋɛ. Sa maŋ shin nɛ k baa tɔrɔ fo ŋkpal asheŋ ka bee nite nɛnɛ a sa belubiworapo so.

Nshɛ 38:15

Fo Enyɛnpe Ebɔrɛ na nɛ n yirda; amoso, jande wora kusɔ ko.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 65:2

Ekama beeŋ ba fo kutɔ ŋkpal fo ka bee nu kekule so.

Nshɛ 85:5

Feeŋ nya agbo n wɔtɔ anyi nɛ anyi be nnaŋ to ebi mbaanaayɔ a?

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 17:7

Loŋ be kachɛ na kaŋ fo, basa beeŋ bɛta n yɔ bumo be etopo nɛ e la Israɛl be Ebɔrɛ cheembi na kutɔ n ya fin kechɛto.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Aizaaya 8:17

Enyɛnpe Ebɔrɛ na ta mbe kumu nna ŋ ŋana mbe basa so, ama amo nɛ amo kikɛ ma ere kraŋ yirda mo nseŋ ta ma tama n wɔtɔ mo to nna.

Nfabel 3:24

Kusɔ nɛ mee kaŋɛ ma kagbene to e la: “Enyɛnpe Ebɔrɛ na e baa la ma; mo nɛ meeŋ tiŋ n ta ma tama n to so!”

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Hoziya 12:6

Amoso menyi Jeekɔb be kanaŋ to ebi, men yirda menyi be Ebɔrɛ nseŋ bɛta m ba mo kutɔ. Men ta kasha nɛ kashenteŋji a jo menyi be Ebɔrɛ na kanyitiso nɛ e ba kɔ n sa menyi.

Jowɛl 1:19

Enyɛnpe Ebɔrɛ, fo nɛ mee shu a tre na, ŋkpal manɛ so, asɔbɔya be afitiri jiso kikɛ wɔl n chɔɔ n fige to nyam.

Habakuk 2:1

Meeŋ dii n yili egbal lempo jeŋgreŋ nɛ b pɔr ŋ kulti kadegboŋ na so a jo kusɔ nɛ Enyɛnpe Ebɔrɛ na beeŋ tuge pɔɛŋ nɛ m bugi to ŋ kaŋɛ kusɔ nɛ k ba nɛ mee fubel.

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Nɔmbɛs 5:28

Ama nɛ fanɛ eche na maŋ jija ebu bre, kumo ere shɛŋ shɛŋ maaŋ wora mo. Mo alɛ beeŋ kurge mbia.