Maika 7:3 - EBƆRƐ BE KAWƆL

³ Alubi be kewora deŋ ekama nna. Ekrachi nɛ demujipoana bee tu basa nna a sɔ asɔ pɔɛŋ nsaa shuŋ bumo be ashuŋ a sa bumo. Ekama nɛ e kɔ eyilikpa basa to bee bɔla mbe eyilikpa so nna a fin asɔ a sa mbe kumu nna. Ekama wora kɔnɔ nna a shin nɛ loŋ be asheŋ bee wora.

Maika 7:3 ပူးပေါင်းရင်းမြစ်များ

Aŋasa 16:30

Esa nɛ e bee ŋe basa anishi bee ku asheŋ nna, nɛ esa nɛ e duŋ kɔnɔwuro malɛ yil kulubi be kewora so.

Aŋasa 17:23

Edemujipo lubiana nɛ baa ŋana a sɔ brɔbu na maa tiŋ a ji demu nɛ kumo be ekpa so.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Aizaaya 26:21

Keni, Enyɛnpe Ebɔrɛ na beeŋ shi ebɔrɛso m ba gberge durnya to be basa kusoe ŋkpal bumo alubi so. Basa kama nɛ b mɔ ashiri to na be asheŋ beeŋ lar efuli nɛ b nya kumo be kasogberge.

Aizaaya 3:5

Basa beeŋ baa kɔrfɛ abar. Mbifɔlbi maaŋ baa sa bumo be benimuana bunyaŋ. Basa jiga maaŋ naa bunyaŋ basa nɛ b daga bunyaŋ.

Aizaaya 32:7

Esa nɛ e maa ji kashenteŋ la esa lubi nna nsaa wora asheŋ lubi nawule. E bee kre kebɔla efɛ so nna m mur betirpo nseŋ kuŋ bumo ekpa nɛ b sa maŋ nya kusɔ nɛ k daga bumo.

Aizaaya 5:23

Ŋkpal menyi be kebaasɔ brɔbu basa kutɔ so, basa nɛ b daga fanɛ b ji n tɔr na bee nya bumo be amu nna a ji. Menyi alɛ bee ji demu nna a puni basa nɛ b maŋ wora alubi na.

Jɛremaya 3:5

Fo maaŋ nya agbo n wɔtɔ anyi mbaanaayɔ.’ Kusɔ nɛ menyi, Israɛl be basa, kaŋɛ ma nna na; ama menyi alɛ bee wora alubi nɛ menyee sha nna.”

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 8:10

Ŋkpal loŋ so meeŋ ta bumo be adɔsawule n sa basa pɔtɛ nɛ bumo be beche n sa benyɛn pɔtɛ. Menyi to be betirpo nɛ damawuraana kikɛ bee bɔla kapuni be ekpa so nna a fin amansherbi. Anebiana nɛ bɔrɛmatapoana gba bee puni basa nna.

Ezikɛl 22:12

Ade kikɛ be kaman, basa na be beko wɔtɔ nna a sɔ amansherbi nsaa mɔ basa, nɛ beko malɛ bee wɔtɔ amansherbi nɛ b ta m paŋ bumo braana Israɛl be basa nchu ga a dii kedama nɛ kumo be loŋ maŋ daga. B teŋ ma, Enyɛnpetale Ebɔrɛ na so nna.

Ezikɛl 22:27

Israɛl be benimuana na gba du fanɛ ekuntuŋ nɛ baa pɛ asɔbɔya a kpɛa to a we nna. Baa mɔ basa nna nsaa bɔla ekpa nɛ k maŋ daga so a dii dama.

Ezikɛl 22:6

Israɛl be bejuŋkparpoana na be ekama ta eleŋ nɛ e kɔ nna a mɔ basa.

Ezikɛl 34:21

Ŋkpal manɛ so, menyi bumo nɛ men kɔ eleŋ na bee ŋin bumo nɛ b maŋ kɔ eleŋ na nna a lar ekarso nsaa ta menyi be alambɛ a pur bumo a lar ma mbolpɔ to.

Ezikɛl 9:9

Nɛ Ebɔrɛ kaŋɛ ma le: “Israɛl nɛ Juda be basa be kulubi na shi m baŋ so. Basa be kemɔ e sɔ kasawule na kikɛ so nɛ ekishisheŋ malɛ sɔ Jerusalɛm be kade to kikɛ. Baa kaŋɛ nna fanɛ, ma, Enyɛnpe Ebɔrɛ na kplaŋ efuli na so nna; ma alɛ maa wu asheŋ nɛ baa wora na.

Hoziya 4:18

B baŋ nuu nsa m boo ŋ koso, baa luri kesakalea be keji to nna. Bumo alɛ shuli anishinyɔr ka ji bumo a chɔ b ka nya bunyaŋ.

Hoziya 7:3

Enyɛnpe Ebɔrɛ yɛ: “Basa na bee bɔla bumo be ŋkre lubi so nna a fule ewura na nɛ mbe benimuana.

Eemɔs 5:12

N nyi men be alubi damta nɛ menyee wora, nsaa nyi kananɛ menyee puni nsaa tɔrɔ basa lela. Menyee sɔ brɔbu nna nsaa ji betirpo durmu ashi demujikpa.

Maika 2:8

Kumo be kaman nɛ Enyɛnpe Ebɔrɛ na kaŋɛ: “Menyi kaa kɔ ma basa kena fanɛ b ka la bedoŋ nna. B baŋ shi kena to a ba epe a fɛ fanɛ epe nɛ kagbenewushi wɔ, menyi kaa ŋana ekpa to nna a jo nɛ b ba nɛ men yuri bumo be asɔbuuso.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Maika 3:2

ama men kishi alela be kebaa wora nna nsaa sha alubi be kebaa wora. Men wɔtɔ nna a debɔr ma basa nsaa jija bumo be atre fanɛ kananɛ baa luu kusɔbɔya be kawɔl nsaa marga kumo be eblaŋ ashi awibi so na.

Matiu 26:15

n ya bishi bumo le: “Nɛ n nya mo m bɔɔ menyi enɔ, manɛ nɛ menyeeŋ sa ma?” Ndoŋ nna nɛ b karga egbiti be ndarbi adesa n sa mo.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.