Maika 7:2 - EBƆRƐ BE KAWƆL

² Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Maika 7:2 ပူးပေါင်းရင်းမြစ်များ

Nshɛ 10:9

Baa jo bumo be eŋanakpa nna fanɛ buluŋ na, a tɛ basa nɛ b maaŋ tiŋ m mɔlga bumo be amu nɛ b tɔr bumo be ajigbelɛ to, nɛ b pɛ bumo.

Nshɛ 12:1

Enyɛnpe Ebɔrɛ, chɛ ma to. Basa nɛ baa ŋana Ebɔrɛ maŋ naa wɔtɔ. Beshenteŋjipo loge durnya to.

Nshɛ 12:2

Ekama bee fule mo barkasa nna. Mmalga belbelso nɛ b kɔ a fule abar.

Nshɛ 57:6

Bedoŋ bee fe ma ajigbelɛ nna a da ma a lɛ. Baa kur amaŋ chiŋgeliŋ ma ekpa to nna, nsaa kilgi a tɔr amo to bumo gbagba.

Aŋasa 1:11

Nɛ b baŋ kaŋɛ fo le: “Ba tu anyi nɛ an ya ŋana n dese ekpakar n fin esa ko m mɔ kenyanyaŋɛso,

Aŋasa 12:6

Belubiworapo be mmalga bee bar kamɔ nna, ama basa cheembi bre be mmalga bee lara esa eyilikpa lubi to nna.

Aizaaya 3:5

Basa beeŋ baa kɔrfɛ abar. Mbifɔlbi maaŋ baa sa bumo be benimuana bunyaŋ. Basa jiga maaŋ naa bunyaŋ basa nɛ b daga bunyaŋ.

Aizaaya 57:1

Basa niŋiso bee wu nɛ ekama malɛ be shɛŋ maŋ wɔtɔ bumo to. Ama nɛ b baŋ wu malɛ b maŋ naa luri alubi to.

Aizaaya 59:7

Jemanɛ kikɛ asheŋ lubi nɛ menyee kre nsaa nya manaŋ a wora amo. Basa nɛ b maŋ wora shɛŋ be kemɔ maŋ du menyi so kpakpa. Basa nɛ asɔ be kejija n lɛ nɛ kemur nɛ menyee yige kaman ashi kaplɛkama nɛ men yɔ.

Aizaaya 9:19

Enyɛnpetale Ebɔrɛ na ka nya agbo so, mbe kasogberge bee chɔɔ nna fanɛ edɛ a mur basa na ashi kasawule na kikɛ so, nɛ k ki fanɛ ekama nɛ mbe kumu so be asheŋ nna na.

Jɛremaya 16:16

Kumo be kaman nɛ Enyɛnpe Ebɔrɛ na kaŋɛ le: “Mee shuŋi bedoŋ nna nɛ b ba pɛ menyi fanɛ ekɔrɔtɔ nseŋ naŋ mɔ menyi fanɛ bekpampo ka mɔ kupuŋ to be asɔbɔya ashi abeegboŋ nɛ abeebi so nɛ abeelaŋ to na.

Jɛremaya 5:16

Bumo be benapo nɛ b kɔ ata a kɔ kena na la belempo nɛ b maa wu kuwɔr nna.

Jɛremaya 5:26

Basa nɛ baa wora asheŋ lubi wɔ ma basa to nna a pɛ bumo anya fanɛ kananɛ basa bee sho ashewu a pɛ mbuibi na.

Jɛremaya 8:6

Ŋ kaŋ kusoe nɛ n nu men kutɔ, ama men maŋ ji ma kashenteŋ. Menyi to be ekoŋwule gba be kagbene maŋ jija mo nɛ e tuba; ŋkpal manɛ so men be amu du kpakpa nna. Ekoŋwule gba maŋ tiŋ m bishi le: ‘Manɛ nɛ n wora nɛ k maŋ nyalɛ?’ Menyi be ekama bɔla ekpa nɛ e bee sha so nna a wora asheŋ fanɛ egbaŋɛ nɛ e bee yɔ kena to nna.

Nfabel 4:18

Bedoŋ daa fin anyi nɛ b mɔ ashi kegbembi kama so nna. Amoso an daa maŋ naa tiŋ a nite agbembi so. Anyi be kemur be jemanɛ fo, anyi be nchɛ fo ekar nna na.

Ezikɛl 22:12

Ade kikɛ be kaman, basa na be beko wɔtɔ nna a sɔ amansherbi nsaa mɔ basa, nɛ beko malɛ bee wɔtɔ amansherbi nɛ b ta m paŋ bumo braana Israɛl be basa nchu ga a dii kedama nɛ kumo be loŋ maŋ daga. B teŋ ma, Enyɛnpetale Ebɔrɛ na so nna.

Ezikɛl 24:6

Kusɔ nɛ Enyɛnpetale Ebɔrɛ na bee kaŋɛ e la fanɛ asheŋ maaŋ nyalɛ n sa Jerusalɛm be kadegboŋ nɛ kumo to be basa bee mɔ basa ere! K du fanɛ kadaŋɛ kreŋ so nɛ b maŋ naŋ fɔr kumo na nna. Baa lara eblaŋ na kukoko to nna nɛ esa kikɛ be shɛŋ maŋ wɔ kusɔ nɛ k bee wora na to.

Hoziya 5:1

“Menyi bɔrɛmatapoana, e nu nfe! Israɛl be basa, men kaŋ kusoe n nu! Menyi nɛ men la kuwurji be kanaŋ to ebi, e nu nfe! Menyi ere e daga kebaaji asheŋ nɛ amo be ekpa so! Ama ŋkpal men ka maa wora loŋ so kasogberge beeŋ ba menyi so. Men ki ajigbelɛ nɛ ashewu nna n sho basa ashi Mizpa nɛ kebeegboŋ nɛ baa tre Tabɔɔ na so.

Hoziya 6:9

Bɔrɛmatapoana ki fanɛ besugepo nɛ baa pugi kupuŋ to a jo basa a suge bumo be asɔ nna. Baa mɔ basa Shɛkɛm gba be ekpa to. Bumo alɛ bee kute nna a shuŋ le be ashuŋ lubi ere!

Maika 2:8

Kumo be kaman nɛ Enyɛnpe Ebɔrɛ na kaŋɛ: “Menyi kaa kɔ ma basa kena fanɛ b ka la bedoŋ nna. B baŋ shi kena to a ba epe a fɛ fanɛ epe nɛ kagbenewushi wɔ, menyi kaa ŋana ekpa to nna a jo nɛ b ba nɛ men yuri bumo be asɔbuuso.

Maika 3:10

Kumukpakpaso nɛ kamɔ nɛ men ta ŋ ki menyi be karechɛ kikɛ be kebaawɔtɔ ashi Ebɔrɛ be kadegboŋ nɛ baa tre Jerusalɛm na to.

Maika 3:2

ama men kishi alela be kebaa wora nna nsaa sha alubi be kebaa wora. Men wɔtɔ nna a debɔr ma basa nsaa jija bumo be atre fanɛ kananɛ baa luu kusɔbɔya be kawɔl nsaa marga kumo be eblaŋ ashi awibi so na.

Zakareya 11:6

Nɛ Enyɛnpe Ebɔrɛ na naŋ kaŋɛ le: “M maaŋ naŋ shu ekama so ashi durnya ere to. Ŋ gbagba beeŋ ta basa na m bɔɔ bumo braana nɛ bewurjipoana enɔ nɛ b mur durnya ere cheche nɛ m maaŋ mɔlga kumo ashi bumo be enɔ to.”

Ashuŋ Shunso 24:9

Ndoŋ nna nɛ Juwebi na kikɛ shuli n chɛ Tetales to ŋ kaŋɛ fanɛ alubi nɛ b kaŋɛ fanɛ Pɔɔl wora na kikɛ la kashenteŋ nna.

1 Samuɛl 24:11

Yiramu, keni kusɔ nɛ ŋ keta ere, fo gbagba be piŋi be keyɛlbi nna na. Baa nyi fanɛ kananɛ m baŋ nya ekpa ŋ ku fo piŋi be keyɛlbi ere, loŋ be ekpa nɛ n daa kɔ nɛ n tiŋ m mɔ fo gba, ama ma alɛ maŋ wora loŋ. Amoso le e daga fo alɛ gba ka pin fanɛ ma ere maŋ kɔ nfɛra lubi kikɛ n sa fo. Kashenteŋ nna fanɛ maŋ wora fo shɛŋ, ama fo alɛ pere kenishi a fin ma kemɔ.

1 Samuɛl 26:20

Sa maŋ kaŋ mɔ ma ashi nnyamase be kasawule so, ashi kakpa nɛ Enyɛnpe Ebɔrɛ na maŋ taga to, ŋkpal manɛ so, m maŋ la shɛŋ. Kejaŋjaŋkɔrso gba chɔ ma! Nɛ manɛ e ba nɛ Israɛl be ewura bee fin ma alɛ le nɛ e mɔ fanɛ mbuibi ashi kebee so?”