Maika 7:19 - EBƆRƐ BE KAWƆL

¹⁹ Fo e naa wu anyi kuwɔr fanɛ kananɛ fo daa wora na. Fee chichi anyi be alubi so nna a ta amo a lɛ teku be kechimbi to.

Maika 7:19 ပူးပေါင်းရင်းမြစ်များ

2 Samuɛl 24:14

Nɛ Deevid kaŋɛ le: “Nuso be asheŋ nde? Asheŋ ere be kekama maŋ bɔ! Ama maa sha keji tɔrɔ dimɛdi be enɔ to. Amoso shin nɛ Enyɛnpe Ebɔrɛ gbagba e gberge ma kusoe, ŋkpal manɛ so e la kuwɔrwu be Ebɔrɛ nna.”

Nshɛ 103:12

Kananɛ epeŋilarkpa nɛ epeŋitɔrkpa barga abar a wɔ kufɔ na, aloŋ nɛ Enyɛnpe Ebɔrɛ na lara anyi be alubi ashi anyi so.

Nshɛ 130:8

Israɛlebi, Enyɛnpe Ebɔrɛ na beeŋ mɔlga menyi ashi menyi be alubi kikɛ to.

Nshɛ 85:3

Fo daŋ kaa kagbene nna, n nya agbo n wɔtɔ bumo.

Aizaaya 33:24

Enyɛnpe Ebɔrɛ na beeŋ ta menyi be alubi m paŋ menyi, nɛ esa kama nɛ e wɔ anyi be kasawule so maaŋ naŋ fubel ŋ kaŋɛ le: “Mee lɔ nna!”

Aizaaya 38:17

Ma nɛnɛ so nɛ fo shin nɛ asheŋ kpakpaso ere tu ma. Ama fo kasha kuŋ ma, nɛ m maŋ wu n yɔ bubuni to. Fo alɛ kpele fo anishi n lɛ ashi ma alubi so.

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Jɛremaya 31:34

Bumo be ekama maaŋ naŋ ŋini mo barkasa kananɛ e beeŋ wora m pin Enyɛnpe Ebɔrɛ na, ŋkpal manɛ so, bumo be bewura nɛ bebɔlpo kikɛ beeŋ pin ma nsaa wora ma kasonu. Ma alɛ beeŋ ta bumo be alubi m paŋ bumo nsaa maaŋ naŋ nyiŋi amo kikɛ. Ma, Enyɛnpe Ebɔrɛ e kaŋɛ na.”

Jɛremaya 33:8

B daŋ wora alubi n da ma so nseŋ kini ma n lar ma kaman, ama ma alɛ beeŋ ta bumo be alubi nɛ bumo be kekini ma na m paŋ bumo.

Jɛremaya 50:20

Loŋ be jemanɛ na kaŋ fo, kulubi kikɛ maaŋ naa wɔ Israɛl be efuli so, nɛ kumu kpakpaso kikɛ malɛ maaŋ naa wɔ Juda be efuli so. Ŋkpal manɛ so, meeŋ ta basa nɛ n yige bumo nɛ b ji efute na be alubi m paŋ bumo. Ma, Enyɛnpe Ebɔrɛ e kaŋɛ na.”

Nfabel 3:22

Kumo e la fanɛ, Enyɛnpe Ebɔrɛ na be alelasheŋ maa loge! E daa maa wu kuwɔr nna, n dafanɛ anyi kikɛ mur.

Nfabel 3:32

Hale nɛ e shin nɛ awurfoŋ ba anyi so gba, e kraa kɔ kushuso n sa anyi ŋkpal mbe kasha ka shi ga so.

Ezikɛl 18:22

Baaŋ nya bumo be alubi kikɛ be ketampaŋ, ŋkpal b ka wora asheŋ nɛ a daga so.

Ezikɛl 39:29

Ma alɛ maaŋ naaŋ lar Israɛl be basa na kaman kikɛ, ŋkpal manɛ so, meeŋ ta ma kiyoyu n wɔtɔ bumo to. Ma, Enyɛnpetale Ebɔrɛ na e kaŋɛ na.”

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Hoziya 14:2

Men bɛta m ba Enyɛnpe Ebɔrɛ na kutɔ nseŋ shin nɛ le be kabɔrɛkule ere e baa la sarga n sa mo. “Ta anyi be alubi m paŋ anyi nseŋ nu anyi be kabɔrɛkule saŋɛ na so anyeeŋ di fo epaŋ fanɛ kananɛ an nase kɔnɔ na gbagba.

Hoziya 14:4

Enyɛnpe Ebɔrɛ yɛ: “Meeŋ shin nɛ ma basa e naŋ bɛta m ba ŋ kutɔ, nɛ n ta ma kagbene kikɛ n sha bumo; a maaŋ naŋ nya agbo n wɔtɔ bumo kikɛ.

Zakareya 3:4

Ndoŋ nna nɛ malaika na kaŋɛ basa nɛ b daa yil ndoŋ na le: “Men lara kanyɛn ere be asɔ biriso nɛ e buu ere.” Kumo be kaman nɛ e kaŋɛ Joshuwa malɛ le: “N lara fo alubi ashi fo so, ma alɛ beeŋ naŋ sa fo asɔbuuso popɔr nɛ fo buu.”

Romebi 6:14

A maŋ daga alubi ka ji menyi so kuwura, ŋkpal manɛ so, men maŋ naa wɔ mbra na to. Ebɔrɛ be kakɛ na be kebaawɔtɔ to nɛ men wɔ.

Romebi 8:13

Ŋkpal manɛ so, nɛ men baa bɛ menyi be kapɔr lubiana ere be keŋini so, menyeeŋ wu, ama nɛ men baŋ bɔla Kiyoyu na so n jija kapɔr lubi ere be ashuŋ lubi na, menyeeŋ nya ŋkpa.

Ditɛronɔmi 30:3

kumo ere Enyɛnpe menyi be Ebɔrɛ na beeŋ wu menyi kuwɔr. Mo alɛ beeŋ naŋ bɛta menyi n shi efuliana nɛ e pesaŋ menyi to n yɔ na so m ba nseŋ shin nɛ men naŋ dii dama.

Ditɛronɔmi 30:6

Ade be kaman, Enyɛnpe menyi be Ebɔrɛ na beeŋ sa menyi nɛ men be kaman to ebi ŋgbene nɛ a kɔ kasonu; saŋɛ na so, menyeeŋ tiŋ n sha mo nɛ menyi be ŋgbene kikɛ nseŋ naŋ chena kasawule na so.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 8:12

Meeŋ ta bumo be alubisheŋ m paŋ bumo ŋkaa maaŋ naŋ nyiŋi bumo be alubi na kikɛ.”

1 Jɔn 3:8

Esa kama malɛ nɛ e bee wora asheŋ lubi la alubipo na peya nna, ŋkpal manɛ so, durnya be sososo na kikɛ nɛ alubipo na wɔtɔ a wora alubi m ba fo mbre. To, loŋ malɛ so nɛ Ebɔrɛ Pibinyɛn na lar m ba nɛ e ba jija alubipo na be ashuŋ.