Maika 7:18 - EBƆRƐ BE KAWƆL

¹⁸ O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Maika 7:18 ပူးပေါင်းရင်းမြစ်များ

Jɛnesis 4:7

Fo maŋ nyi fanɛ fo daŋ wora nɛnɛ nna asheŋ daŋ beeŋ nyalɛ n sa fo a? Ama ŋkpal fo ka maŋ wora nɛnɛ so, kulubi du fanɛ buluŋ nna a tɛ fo nɛ k jija fo, amoso wora ania m pɔɔ kumo so.”

1 Bewura 8:23

Enyɛnpe nɛ fo la Israɛl be Ebɔrɛ na, ashi esoso nɛ kasawule kikɛ, Ebɔrɛ kikɛ maŋ naa wɔtɔ fanɛ fo. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ nɛ b ta bumo be ŋgbene kikɛ a wora kasonu a sa fo na nna.

2 Kronikɛls 30:9

Men baŋ bɛta m ba Enyɛnpe Ebɔrɛ na kutɔ, kumo ere basa kama nɛ b kɔ n sɔ men kurgepoana na beeŋ wu bumo kuwɔr nseŋ shin nɛ b naŋ bɛta m ba epe. Men Nyɛnpe men be Ebɔrɛ na la esa ga nsaa wu kuwɔr, amoso nɛ men baaŋ bɛta m ba mo kutɔ, mo alɛ gba beeŋ sɔ menyi.”

2 Kronikɛls 6:21

Saŋkama nɛ ma nɛ fo basa Israɛlebi baŋ kilgi anishito n shoŋi kakpa ere a kule fo Ebɔrɛ, fo yili fo pe ebɔrɛso n nu n sa anyi nseŋ ta anyi be alubi m paŋ anyi.

Nshɛ 103:13

Kananɛ bekurgepo bee sha bumo be mbia ga na, aloŋ nɛ Enyɛnpe Ebɔrɛ gba bee sha bekama nɛ baa bunyaŋ mo na ga.

Nshɛ 130:4

Ama fee ta anyi be alubi a paŋ anyi nna; saŋɛ na so kɔnɔ beeŋ mɔ anyi ashi fo anishito.

Nshɛ 35:10

Nseŋ ta ma kagbene kikɛ ŋ kaŋɛ Enyɛnpe na le: “Esa kama maŋ du fanɛ fo. Fo e naa kuŋ bepɔshipo ashi belempo be enɔ to, nsaa mɔlga betirpo ashi basa lempo be kamɛaŋ to.”

Nshɛ 65:3

Anyi be alubi pɔɔ anyi so, nɛ fo ta anyi be aworandeso m paŋ anyi.

Nshɛ 65:4

Fo nɛfa bekama nɛ fo lara na nna, n shin nɛ b chena n sha fo ashi fo bɔrɛlambu to. Anyeeŋ ji anyi be amu ashi fo laŋ to nɛ fo bɔrɛlambu cheembi na to.

Nshɛ 71:19

O Ebɔrɛ, fo kebaawɔtɔ niŋiso shi ga, k salga to hale n ya fo awɔlpa to. Fo e wora asheŋgboŋ ga, esa kikɛ maŋ du fanɛ fo.

Nshɛ 86:15

Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Nshɛ 89:6

Ekama maŋ du fanɛ fo, Enyɛnpe Ebɔrɛ na ashi ebɔrɛso; Ekama malɛ maaŋ tiŋ n ta mbe kumu m ber fo ashi ndoŋ.

Nshɛ 89:8

Fo e la Enyɛnpetale Ebɔrɛ na. Ekama maŋ naa kɔ kasha nsaa ji kashenteŋ fanɛ fo.

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Ɛksodɔs 34:9

nseŋ kaŋɛ: “O, n Nyɛnpe Ebɔrɛ, nɛ ma asheŋ bee par fo, kumo ere mee kule fo nna nɛ fo tu anyi n yɔ. N nyi basa ere ka kɔ amu kpakpaso, ama ta anyi be ashuŋ lubi nɛ alubi kikɛ m paŋ anyi nseŋ ta anyi ŋ ki fo gbagba be basa.”

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Aizaaya 33:24

Enyɛnpe Ebɔrɛ na beeŋ ta menyi be alubi m paŋ menyi, nɛ esa kama nɛ e wɔ anyi be kasawule so maaŋ naŋ fubel ŋ kaŋɛ le: “Mee lɔ nna!”

Aizaaya 38:17

Ma nɛnɛ so nɛ fo shin nɛ asheŋ kpakpaso ere tu ma. Ama fo kasha kuŋ ma, nɛ m maŋ wu n yɔ bubuni to. Fo alɛ kpele fo anishi n lɛ ashi ma alubi so.

Aizaaya 40:18

Esa kikɛ maŋ du fanɛ Ebɔrɛ. Amoso esa maaŋ tiŋ ŋ ŋini kananɛ e du.

Aizaaya 40:25

Wanɛ bre nɛ esa beeŋ tiŋ n ta m ber Ebɔrɛ cheembi na? Esa mo e wɔtɔ a du fanɛ mo?

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Aizaaya 57:10

Menyee gben ga a fin agbir popɔr, ama menyi alɛ maa gben a yige to. Menyee fɛ nna fanɛ menyi be agbirana nɛ amo be asheŋ bee nu ma agbo na e naa sa menyi eleŋ, amoso nɛ menyee sha amo na.

Aizaaya 57:16

M maaŋ naaŋ nya agbo n wɔtɔ ma basa a wu bumo kulubi mbaanaayɔ. Ŋkpal manɛ so, ma e to bumo nsaa maa sha fanɛ bumo be aba e pɔ bumo.

Aizaaya 62:5

Kananɛ kabrantiɛbia bee wora kasuŋgurbia nɛ e maŋ nyi enyɛn kejafɔ a ta mo a ki mbe eche na nɛ Ebɔrɛ nɛ e to fo na gba beeŋ kre fo kejafɔ nɛ fo ki mbe eche. Kananɛ kejafɔ mo kul be kagbene bee fuli mbe kejafɔ so na, nɛ Ebɔrɛ gba be kagbene beeŋ baa fuli fo so.

Aizaaya 64:9

amoso sa maŋ nya agbo ga n wɔtɔ anyi ŋko a nyiŋi anyi be alubi mbaanaayɔ. Baa nyiŋi fanɛ fo basa e la anyi kikɛ, amoso wu anyi kuwɔr.

Aizaaya 65:19

Ŋ gbagba be kagbene beeŋ fuli ma ŋkpal Jerusalɛm nɛ kumo be basa so. Kushu nɛ kebɔltofinfin maaŋ naa wɔ ndoŋ.

Jɛremaya 3:12

E daŋ kaŋɛ ma nna fanɛ n ya kaŋɛ Israɛl le: “Israɛl nɛ e maa ji kashenteŋ ere, bɛta m ba ma kutɔ. Mee wu kuwɔr nna nsaa maaŋ nya agbo n wɔtɔ fo mbaanaayɔ.

Jɛremaya 3:5

Fo maaŋ nya agbo n wɔtɔ anyi mbaanaayɔ.’ Kusɔ nɛ menyi, Israɛl be basa, kaŋɛ ma nna na; ama menyi alɛ bee wora alubi nɛ menyee sha nna.”

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Jɛremaya 31:34

Bumo be ekama maaŋ naŋ ŋini mo barkasa kananɛ e beeŋ wora m pin Enyɛnpe Ebɔrɛ na, ŋkpal manɛ so, bumo be bewura nɛ bebɔlpo kikɛ beeŋ pin ma nsaa wora ma kasonu. Ma alɛ beeŋ ta bumo be alubi m paŋ bumo nsaa maaŋ naŋ nyiŋi amo kikɛ. Ma, Enyɛnpe Ebɔrɛ e kaŋɛ na.”

Jɛremaya 32:41

Kebaawora bumo kelela e naaŋ baa fuli ma kagbene. Amoso meeŋ shin nɛ b chena kasawule ere so hale mbaanaayɔ.

Jɛremaya 33:8

B daŋ wora alubi n da ma so nseŋ kini ma n lar ma kaman, ama ma alɛ beeŋ ta bumo be alubi nɛ bumo be kekini ma na m paŋ bumo.

Jɛremaya 38:8

Nɛ Ebedmɛlɛk yɔ ndoŋ n ya kaŋɛ ewura na le:

Jɛremaya 50:20

Loŋ be jemanɛ na kaŋ fo, kulubi kikɛ maaŋ naa wɔ Israɛl be efuli so, nɛ kumu kpakpaso kikɛ malɛ maaŋ naa wɔ Juda be efuli so. Ŋkpal manɛ so, meeŋ ta basa nɛ n yige bumo nɛ b ji efute na be alubi m paŋ bumo. Ma, Enyɛnpe Ebɔrɛ e kaŋɛ na.”

Jɛremaya 9:24

Bekama nɛ baa sha kepuchi, b baa puchi ŋkpal b ka bee shuŋ ma, Enyɛnpe Ebɔrɛ na so. Ŋkpal manɛ so, ma kasha maa chɛrga, kusɔ nɛ k bɔla ekpa nseŋ niŋi nɛ mee wora. Asɔ nɛ e bee par ma nna na. Ma, Enyɛnpe Ebɔrɛ e kaŋɛ na.”

Ezikɛl 18:23

Basa lubi be luwu maa par ma Enyɛnpe Ebɔrɛ na kikɛ. Kusɔ nɛ mee sha e la fanɛ b ka beeŋ tuba n lar bumo be alubi to nseŋ ji efute n chɛr.

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Ezikɛl 33:16

Meeŋ ta mbe alubi na m paŋ mo nɛ e ji efute, ŋkpal e ka wora asheŋ lela nɛ a daga na so.

Danɛl 9:9

Kashenteŋ nna fanɛ an kini kenu n sa fo nseŋ wora kumu kpakpaso, ama fo kraa wu anyi kuwɔr nsaa ta anyi be alubi a paŋ anyi.

Hoziya 14:2

Men bɛta m ba Enyɛnpe Ebɔrɛ na kutɔ nseŋ shin nɛ le be kabɔrɛkule ere e baa la sarga n sa mo. “Ta anyi be alubi m paŋ anyi nseŋ nu anyi be kabɔrɛkule saŋɛ na so anyeeŋ di fo epaŋ fanɛ kananɛ an nase kɔnɔ na gbagba.

Hoziya 14:5

Meeŋ ki fanɛ bunyaŋ nɛ k bee tɔr kasawule so n sa menyi, Israɛl be basa. Menyeeŋ ba ki fanɛ Lebanɔn be ndibi nɛ a kɔ atoto damta nɛ a bugi to a walɛ nɛ amo be nliŋi luri kasawule to m pɛ amo to kpakpa na.

Jowɛl 2:32

Ama Ebɔrɛ beeŋ mɔlga bekama nɛ b kule mo kechɛto fanɛ kananɛ e kaŋɛ na! E yɛ: ‘Basa nɛ b wɔ Zayɔn be kebee so nɛ Jerusalɛm to na bre beeŋ gelge loŋ be etɔrɔ na. Bekama nɛ n lara na bre beeŋ ji efute.’ ”

Eemɔs 1:11

Enyɛnpe Ebɔrɛ yɛ: “Edɔm be basa wora alubi n ya baŋ so. Amoso abaanaaworashɛŋ meeŋ gberge bumo kusoe. B ju m buu bumo kurgepoana Israɛlebi so n ya mɔ bumo. B daŋ maŋ wu bumo kuwɔr ŋkpal bumo be asheŋ ka daa pɛ bumo agbo nɛ b nya agbo n wɔtɔ bumo ga so.

Eemɔs 7:8

Ndoŋ nna nɛ Enyɛnpe Ebɔrɛ bishi ma le: “Eemɔs manɛ nɛ fo wu?” Nɛ ŋ kaŋɛ: “Efɔl nɛ baa ta a karga egbal be keniŋi na.” Nɛ Enyɛnpe Ebɔrɛ kaŋɛ: “N ta kumo nna a karga ma basa Israɛlebi fanɛ kananɛ baa karga egbal be keniŋi na. Ma alɛ maaŋ naaŋ ta m paŋ bumo kikɛ.

Eemɔs 8:2

nɛ e bishi ma le: “Eemɔs manɛ nɛ fo wu?” Nɛ n yɛ: “Asɔrso belso kelantaŋɛ be bɔlɔ nɛ n wu.” Nɛ Enyɛnpe Ebɔrɛ naŋ kaŋɛ ma le: “Kananɛ asɔrso ere bel ere aloŋ nɛ ma basa Israɛlebi be ekar fo. M maaŋ ta bumo be alubi m paŋ bumo kikɛ.”

Jona 4:2

Nseŋ kule Enyɛnpe Ebɔrɛ na ŋ kaŋɛ le: “O Enyɛnpe Ebɔrɛ, mannɛ le nɛ n daŋ kaŋɛ saŋɛ nɛ n kra wɔ epe na a? Loŋ so nɛ n nya manaŋ n shile n yɔ Tarshish na. N nyi fo ka la kasha nɛ kuwɔrwu be Ebɔrɛ, nsaa maa nya agbo manaŋ manaŋ. Fee wora kelela nna saŋkama nseŋ wora shiriya nɛ fo ta alubi m paŋ. Fo alɛ maa kuse a bar kasogberge basa so.

Maika 2:12

Ma, Enyɛnpe Ebɔrɛ na e naa nase kɔnɔ, fanɛ meeŋ naŋ bar ma basa Israɛlebi, nɛ baaŋ ji efute na abar so. Meeŋ gama bumo abar so fanɛ mbolpɔ ka wɔ kuluu to, saŋɛ na so basa beeŋ wora keshi n sɔ kasawule na so kikɛ.

Maika 4:7

Meeŋ shin nɛ ma basa nɛ b shir kaman kasawule na so nsaa du fanɛ ebobi na e naŋ ki efuli lempo so ebi. Ma alɛ beeŋ baa wɔ Zayɔn be kebee na so nna a ji kuwura bumo so hale mbaanaayɔ.”

Maika 5:3

Amoso Enyɛnpe Ebɔrɛ na beeŋ kplaŋ mbe basa so nɛ b baa kraa wɔ bumo doŋana be enɔ to n ya fo jemanɛ nɛ eche nɛ e beeŋ kurge loŋ be ewura na beeŋ kurge ebinyɛn. Saŋɛ na so nɛ Israɛl be basa nɛ b wɔ kenyaya to ashi efuli pɔtɛana so na e bɛta m ba ti bumo peebiana so a wɔtɔ.

Maika 7:14

O Enyɛnpe Ebɔrɛ, baa la fanɛ mbolpɔkpapo n sa fo basa laraso. Kashenteŋ nna fanɛ b pesaŋ to nna a wɔ kiyi to, ama kudɔsawule lela kulti bumo nna n wɔtɔ. Amoso shin nɛ b ya chena Bashan nɛ Giliad be nsawule lela so a nya a ji fanɛ kananɛ b daa nya a ji dra na.

Zefanaiya 3:17

Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Nɔmbɛs 23:21

Mee keni a wu fanɛ Israɛl be echefoso be kebaawɔtɔ maaŋ ba kɔ kumulubi nɛ tɔrɔ. Ŋkpal manɛ so Enyɛnpe, bumo be Ebɔrɛ na, wɔ bumo kutɔ nna. B yɛ, mo e la bumo be ewura.

Luuk 15:32

Nɛ kananɛ fo sipo ere ba le ere, a daga fanɛ an ji anyi be amu kagbenefuliso, ŋkpal manɛ so, fo sipo ere daŋ wu nna nseŋ naŋ ba ŋkpa to, e daŋ foe nna, ama an naŋ wu mo.’ ”

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Romebi 11:4

Elaija ka daŋ kaŋɛ loŋ, nuso nɛ Ebɔrɛ kaŋɛ mo? Ebɔrɛ yɛ: “Basa ŋgboŋ ashunu nɛ b maŋ gbir m bunyaŋ kegbir nɛ baa tre Baal na nɛ n yige n sa ma kumu.”

Ditɛronɔmi 33:26

Israɛl be basa, Ebɔrɛ kikɛ maŋ naa wɔtɔ fanɛ menyi be Ebɔrɛ na. Mo e naa lara mbe kemaŋkura a ŋini kuwɔlpa so, nsaa bɔla bɔrɛwɔlpa to a ba menyi be kechɛto to na.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.