Maika 7:17 - EBƆRƐ BE KAWƆL

¹⁷ Kumo be kaman nɛ b dese kasawule a gbeye fanɛ awɔ nsaa chicha kufuso a lar mboŋ lempoana nɛ b daa wɔtɔ to na. Bumo alɛ beeŋ kilgi kufuso m bɛta m ba Enyɛnpe Ebɔrɛ na kutɔ.

Maika 7:17 ပူးပေါင်းရင်းမြစ်များ

2 Samuɛl 22:46

Bumo be tama loge nɛ b shi bumo be kekuŋ be kumɔlga be kakpa n chicha a ba.

2 Kronikɛls 17:10

Enyɛnpe daŋ shin nɛ kufu pɛ efuli nɛ a kulti Juda na nna nɛ b maŋ tiŋ ŋ kɔ Ewura Jehoshafat kena.

Nshɛ 18:45

Bumo be aba pɔ bumo, nɛ baa lar bumo be ekuŋkpa lempoana to a chicha kufuso a ba.

Nshɛ 72:11

Kumo be kaman nɛ bewura kikɛ e ba jɔŋɛ mo ase. Nɛ efuliana na be basa kikɛ e shuŋ mo.

Nshɛ 72:9

Saŋɛ na so keshishɛrsawule so be basa beeŋ ba jɔŋɛ mo ase m bunyaŋ mo. Nɛ b tintiŋ mo doŋana nɛ b ba dese kasawule ashi mbe anishito.

Nshɛ 9:20

Enyɛnpe Ebɔrɛ, shin nɛ kufugboŋ e tɔr efuli pɔtɛana na so, nɛ b pin fanɛ b la edimɛdi nna ashi fo anishito.

Aizaaya 25:3

Basa nɛ b wɔ efuli lempoana so beeŋ kpaŋ fo; nɛ bumo nɛ b wɔ ndegboŋana nɛ a wɔ efuliana nɛ b maa wu kuwɔr na to e ŋana fo.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Aizaaya 59:19

Yili epeŋilarkpa m ba choŋ epeŋitɔrkpa, ekama beeŋ baa ŋana Enyɛnpe Ebɔrɛ na nɛ mbe eleŋgboŋ nseŋ bunyaŋ mo. E beeŋ ba fanɛ lɔr to be nchu nɛ a bee shile eleŋso ŋko afugboŋ nɛ a bee ber eleŋso na.

Aizaaya 60:14

Kumo be kaman, men doŋana be kaman to ebi beeŋ baa jɔŋɛ menyi ase a sa menyi bunyaŋ. Bekama nɛ b daa keni menyi jiga beeŋ fara a bunyaŋ menyi, nsaa tre menyi be kadegboŋ na Enyɛnpe Ebɔrɛ na be Kadegboŋ; ŋko Zayɔn, Israɛl be Ebɔrɛ cheembi na be Kadegboŋ.

Aizaaya 64:2

A beeŋ baa chicha fanɛ nchu ka bɛ edɛ so a falte na. Lara fo eleŋgboŋ ŋ ŋini fo doŋana n shin nɛ kufu e pɛ efuli pɔtɛana na nɛ bumo alɛ gba e baa chicha fo anishito!

Aizaaya 65:25

Ekuŋtuŋ nɛ mbolpɔ fɔlbi beeŋ tu abar a ji nɛ ebuluŋ e ji afitiri fanɛ ana. Awɔ beeŋ baa ji eshishɛr, amo alɛ maaŋ naa duŋ basa a mɔ. Kusɔ lubi kikɛ maaŋ naa wɔ ma kebee cheembi nɛ baa tre Zayɔn na so. Ma, Enyɛnpe Ebɔrɛ e kaŋɛ na.”

Aizaaya 7:19

Baaŋ mel abar so n sɔ ataŋɛ chiŋgeliŋ to nɛ abeelaŋ to nɛ kupuŋ to kikɛ nɛ asɔbɔya be ejikpa kikɛ so n chena.

Jɛremaya 16:16

Kumo be kaman nɛ Enyɛnpe Ebɔrɛ na kaŋɛ le: “Mee shuŋi bedoŋ nna nɛ b ba pɛ menyi fanɛ ekɔrɔtɔ nseŋ naŋ mɔ menyi fanɛ bekpampo ka mɔ kupuŋ to be asɔbɔya ashi abeegboŋ nɛ abeebi so nɛ abeelaŋ to na.

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Nfabel 3:29

Kebar anyi be amu kaseto awurfoŋ be jemanɛ beeŋ shin nɛ an koya kusɔ ko; ŋkpal manɛ so, tama kraa wɔtɔ n sa anyi.

Zakareya 14:5

Kumo be kaman nɛ men bɔla ketaŋɛ nɛ kebee na baŋɛ to anyɔ n dese n ya fo kakpa nɛ baa tre Azɛl na n shile. Kananɛ men nanaana daŋ shile saŋɛ nɛ kasawule daŋ gbuŋgbuŋ Juda be ewura Uziya be jemanɛ so na gbagba chap nɛ menyi alɛ gba beeŋ shile m mɔlga menyi be amu. Kumo be kaman nɛ Enyɛnpe Ebɔrɛ na nɛ mbe emalaika kikɛ e ba.

Ditɛronɔmi 32:24

Meeŋ shin nɛ akoŋgboŋ nɛ alɔ mɔso e mɔ menyi. Ma alɛ beeŋ shin nɛ kupuŋ to be asɔbɔya lubi e pɛ menyi, nɛ awɔ nɛ e kɔ kebɔr lubi malɛ gba e duŋ menyi.

Joshuwa 9:24

Nɛ Gibiɔnebi na malɛ kaŋɛ Joshuwa le: “Fo nyɛrbi nu kananɛ Enyɛnpe, menyi be Ebɔrɛ na kaŋɛ mbe kayɛrbi Mosis fanɛ e ta kasawule na kikɛ n sa menyi nɛ men mɔ basa kama nɛ b tase kumo so na kikɛ. Kumo be kufu e daŋ pɛ anyi so nɛ an fule menyi na.

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.

1 Samuɛl 14:11

Ndoŋ nna nɛ b shin nɛ Filistiebi na wu bumo nseŋ kaŋɛ le: “Men keni Israɛlebi na ka lar amaŋ nɛ b daŋ ŋana amo to na a ba.”