Maika 7:14 - EBƆRƐ BE KAWƆL

¹⁴ O Enyɛnpe Ebɔrɛ, baa la fanɛ mbolpɔkpapo n sa fo basa laraso. Kashenteŋ nna fanɛ b pesaŋ to nna a wɔ kiyi to, ama kudɔsawule lela kulti bumo nna n wɔtɔ. Amoso shin nɛ b ya chena Bashan nɛ Giliad be nsawule lela so a nya a ji fanɛ kananɛ b daa nya a ji dra na.

Maika 7:14 ပူးပေါင်းရင်းမြစ်များ

Nshɛ 100:3

Men baa nyi fanɛ Enyɛnpe na e la Ebɔrɛ! Mo e to anyi nɛ an la mbe basa; an du fanɛ mbe mbolpɔ nna nɛ e bee keni so.

Nshɛ 143:5

Mee nyiŋi asheŋ nɛ fo wora nfɛ damta nɛ a choŋ na kikɛ nna nsaa fɛ amo be asheŋ.

Nshɛ 28:9

Enyɛnpe Ebɔrɛ, mɔlga fo basa; nɛfa fo basa laraso. Baa keni bumo so fanɛ kananɛ mbolpɔkpapo bee keni mbe mbɔlpo so na mbanaayɔ na.

Nshɛ 95:7

Mo e la anyi be Ebɔrɛ, nɛ anyi alɛ la mbe basa. An du fanɛ mbe mbolpɔ nɛ e bee keni so nna. Men baŋ nu mbe ebɔl kabre,

Ɛksodɔs 33:16

Nɛ fo maŋ tu anyi n yɔ, nuso nɛ esa beeŋ wora m pin ma nɛ fo basa be asheŋ ka bee par fo? Fo kebaawɔ anyi kutɔ e naaŋ shin nɛ an baa kɔr bomin kikɛ to ashi durnya ere to.”

Sɔlɔmɔn 4:1

N jipo fo lar kebita nɛnɛ bre. Fo kebita maŋ kɔ ebarkasa. Keni kananɛ fo anishi walɛ nɛnɛ a wɔ shata to fanɛ lepɔ ka wɔ kesha to na. Nɛ fo emin bee gbungbuŋto fanɛ mboe ka shi Giliad be kebee so a gbelge to a ba na.

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Aizaaya 35:2

Kiyi beeŋ purge kaplɛkama nseŋ boŋ kagbenefuli be nshɛ. K beeŋ baa walɛ fanɛ Lebanɔn be abee nsaa kɔ eleŋ fanɛ kebee nɛ baa tre Kamɛl na, ŋko ketaŋɛ nɛ baa tre Sharɔn na be adɔsawule. Kumo be kaman nɛ ekama e wu Enyɛnpe Ebɔrɛ na be kemaŋkura, nɛ mbe keshi nɛ eleŋgboŋ.

Aizaaya 37:24

Fo daŋ shuŋi fo mbɔ nna nɛ b ba kaa puchi menyi ka daŋ ta menyi be egbaŋɛturko n dii n yɔ Lebanɔn be kebee be awɔlto n ya kɔ m pɔɔ so ashi ma Enyɛnpe Ebɔrɛ na be anishito. Men daa puchi fanɛ men daŋ tiŋ ŋ ku sida be ndibi tenteŋ nɛ seprɛs be ndibi lelaana n lɛ nna ashi kebee na so hale n ya fo kupo na be nferinto.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 49:10

Akoŋ nɛ achukoŋ maaŋ naŋ pɛ bumo kikɛ. Epeŋi nɛ keshishɛrsawule so be ebeldɛ maaŋ naŋ tɔrɔ bumo. Ma, Enyɛnpe Ebɔrɛ na beeŋ baa wu bumo kuwɔr nsaa juŋkpar bumo a yɔ mbombi ase.

Aizaaya 65:10

Kumo be kaman nɛ b baa shuŋ ma, Enyɛnpe Ebɔrɛ na ashi ndoŋ nsaa kpa bumo be mbolpɔ nɛ ana a yɔ Sharɔn be keplasawule nɛ k wɔ kasawule na be epeŋitɔrkpa be kaba so nɛ b ya ji afitiri lela nɛ Akɔ be Ketaŋɛ nɛ kumo alɛ wɔ epeŋilarkpa be kaba so na so.

Jɛremaya 49:31

‘Men shin nɛ an ya kɔ basa nɛ baa fɛ fanɛ shɛŋ maaŋ tiŋ n wora bumo na! Bumo be kadegboŋ na maŋ kɔ egbalana nɛ mbunagboŋana a kuŋ kumo.’

Nfabel 1:7

Jerusalɛm be basa bee nyiŋi dra na be kebaawɔtɔ lela nɛ b daa kɔ be asheŋ. Jemanɛ nɛ bumo doŋana ba kɔ m pɔɔ bumo so na, esa kikɛ daa maŋ chɛ bumo to. Ŋkpal b ka kɔ n tɔr so, bumo doŋana daŋ mushe nseŋ wora bumo eyur to nna.

Nfabel 5:21

O Enyɛnpe Ebɔrɛ, naŋ bɛta anyi m ba fo kutɔ! Nseŋ naŋ shin nɛ an nya anyi be kebaawɔtɔ lela dra na!

Ezikɛl 36:11

Ma alɛ beeŋ naŋ shin menyi be asɔbɔya kikɛ e salga n wora keshi nɛ men naaŋ chena kasawule na so fanɛ kananɛ men daŋ chena kumo so dra na. Menyeeŋ dii kedama ga a chɔ kananɛ men daa du na, saŋɛ na so nɛ menyeeŋ pin fanɛ ma e la Enyɛnpe Ebɔrɛ na.

Levitikɔs 27:32

Kowu be asɔbɔya kudu kikɛ to be ekoŋwule la Enyɛnpe Ebɔrɛ na peya nna. Nɛ b baa karga asɔbɔya, emo nɛ e beeŋ ti so kudusopo na la Enyɛnpe Ebɔrɛ na peya nna.

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

Obadaya 1:19

Keshishɛrsawule so ebi na beeŋ ba sɔ menyi lsɔɔ be kanaŋ to ebi be abeesawule a wɔtɔ, nɛ basa nɛ b wɔ abee be kaseto na malɛ e ba Filistiebi be nsawule ŋ ki bumo peya. Israɛlebi beeŋ ba sɔ Efreimebi nɛ Samɛriaebi be nsawule, nɛ Bɛnjaminebi malɛ e ta Gilead.

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Zefanaiya 3:13

Israɛl be basa nɛ b ka na bre maaŋ wora kulubi, bumo alɛ maaŋ ku efɛ ŋko a na a fule basa. Asheŋ beeŋ baa nite nɛnɛ a sa bumo nɛ shɛŋ maaŋ naa fɔŋ bumo. Esa kikɛ maaŋ naŋ tiŋ n ta kufu n da bumo.

Zakareya 10:10

Meeŋ ya keta bumo n shi Ijipt nɛ Asiriya be efuliana so m ba epe, nɛ b ba chena bumo gbagba be kasawule so. Meeŋ shin nɛ b chena Giliad nɛ Lebanɔn be nsawule gba so, n sɔ amo kikɛ so.

Zakareya 11:7

Ŋkpal loŋ so nɛ ŋ ki mbolpɔ nɛ b kɔ a yɔ nɛ b ya mɔ na be ekenipo, nseŋ ta akpabi anyɔ ŋ keta a kpa bumo na. N daa tre kuko ‘Kushuso’ nsaa tre kuko malɛ ‘Kɔnɔkoŋwule’ nna.

Malakai 3:4

Nɛ kumo be loŋ e shin nɛ Juda nɛ Jerusalɛm be basa be esarga nɛ b ta a bar Enyɛnpe Ebɔrɛ na e baa par mo fanɛ kananɛ a daa du dra na.

Nɔmbɛs 23:9

N yili kebee be esoso n wu bumo. N wɔ kebee so a keni bumo. B la basa nɛ b kɔr bekama to nna. Basa nɛ Ebɔrɛ nɛfa.

Nɔmbɛs 32:1

Ruben nɛ Gad be eyiriana nɛ b kɔ asɔbɔya ga na ka wu fanɛ Jeeza nɛ Giliad be kasawule na kɔ ana nɛ mbolpɔ nɛ mboe be ejikpa lela,

Matiu 2:6

‘Fo Bɛtlɛhɛm nɛ fo wɔ Judiya so na, fo maŋ la Juda be kasawule so be bewuraana be ebibiso kuraa, ŋkpal manɛ so, fo to nɛ ejuŋkparpo beeŋ lar n juŋkpar ma basa Israɛlebi.’ ”

Baru lela nɛ Jɔn kute na 17:16

Mannɛ durnya ere to be basa to nɛ b wɔ fanɛ kananɛ m maŋ wɔ durnya ere to be basa to na.

Ditɛronɔmi 33:28

Amoso kayurwushi to nɛ Jeekɔb be kaman to ebi kikɛ wɔ. B maa ŋana shɛŋ ashi kasawule nɛ k kɔ ayu nɛ yabra ga na so; kakpa nɛ bunyaŋ gba bee wushi kasawule na.