Maika 7:12 - EBƆRƐ BE KAWƆL

¹² Basa beeŋ shi Asiriya be efuli nɛ k wɔ epeŋilarkpa be kaba so na nɛ Ijipt be efuli so be ndegboŋana to nɛ abonfu nɛ a wɔ Yufreetes be lɔr na nɛ nde wɔfɔ ashi etekuana nɛ abeegboŋana na so m ba menyi kutɔ.

Maika 7:12 ပူးပေါင်းရင်းမြစ်များ

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 11:16

Ekpagboŋ lela beeŋ dese n shi Asiriya be efuli so n sa mbe basa Israɛlebi nɛ b ji efute nseŋ ka a wɔ ndoŋ na nɛ b bɔla so, fanɛ kananɛ ekpa lela daa dese n sa bumo nanaana jemanɛ nɛ b daŋ lar Ijipt be efuli so na.

Aizaaya 43:6

Meeŋ kaŋɛ basa nɛ b wɔ kelargato be esoso nɛ bumo nɛ b wɔ kelargato be kaseto na kikɛ fanɛ, b sa menyi, nɛ men la ma basa, ekpa nɛ men baa yɔ! Ma alɛ beeŋ naŋ kaŋɛ bumo fanɛ b shin nɛ men shi efuli pɔtɛana nɛ a wɔ kufɔ kufɔ, nɛ durnya be kaplɛkama m bɛta m ba menyi gbagba be efuli so.

Aizaaya 49:12

Ma basa beeŋ shi kufɔ kufɔ m bɛta m ba epe. Baaŋ shi kelargato be esoso nɛ epeŋitɔrkpa be kaba so, nɛ kebonfu nɛ baa tre Aswan nɛ k wɔ kelargato be kaseto be kaba so na kikɛ m bɛta m ba epe.”

Jɛremaya 23:3

Meeŋ naŋ gama ma basa nɛ b daŋ pesaŋ to n yɔ efuli pɔtɛana so na abar so nseŋ bɛta bumo m ba bumo gbagba be kasawule so. Baaŋ ba kurge mbia damta n wora keshi n ti so.

Jɛremaya 3:18

Kumo be kaman nɛ Israɛl be basa e ti Juda be basa so nɛ b shi efuli nɛ k wɔ kelargato be esoso na m bɛta m ba kasawule nɛ n ta n sa bumo nananyɛnana mbaanaayɔ na so.

Jɛremaya 31:8

Ma, Enyɛnpe Ebɔrɛ na beeŋ bɛta ma basa nɛ b wɔ Babilɔn be efuli nɛ k wɔ kelargato be esoso na, nɛ bumo nɛ b wɔ durnya be kaplɛkama na m ba. Etanpo nɛ ebobi beeŋ ti bumo so, nɛ bedampoche nɛ beche nɛ kakurge ta bumo kikɛ beeŋ ti bumo so m ba. Baaŋ baa la efuligboŋ be basa nna m bɛta m ba.

Jɛremaya 46:27

“Ma basa, men sa maa lɔ kufu. Israɛl be basa, men sa maa chicha kufuso. Kachako meeŋ lara menyi ashi efuli pɔtɛana so m bar menyi epe. Menyi nɛ menyi be kaman to ebi kikɛ beeŋ ba kaa wɔ kayurwushi to nɛ esa kikɛ maaŋ naŋ ta kufu n da menyi.

Ezikɛl 29:21

Nɛ kumo be loŋ kaŋ wora, meeŋ shin nɛ Israɛl be basa e nya eleŋ, nɛ fo, Ezikɛl, e yili kakpa nɛ ekama beeŋ nu fo ebɔl nseŋ malga, saŋɛ na so baaŋ pin fanɛ ma e la Enyɛnpe Ebɔrɛ na.”

Ezikɛl 37:21

Ndoŋ nna nɛ fo kaŋɛ bumo fanɛ ma, Enyɛnpetale Ebɔrɛ na bee sha kelara ma basa kikɛ ashi efuliana nɛ b pesaŋ to n yɔ to na n shin nɛ b ba abar so ashi bumo gbagba be kasawule so.

Hoziya 11:11

Baaŋ shi Ijipt be efuli so m mel abar so m ba fanɛ mbuibi na. Nseŋ shi Asiriya be efuli so m ba fanɛ elɔpo na. Loŋ be saŋɛ na nɛ meeŋ bɛta bumo m ba chena bumo peana. Ma Enyɛnpe Ebɔrɛ na e kaŋɛ na.”