Maika 7:11 - EBƆRƐ BE KAWƆL

¹¹ O Jerusalɛmebi, saŋɛ fo nɛ b lɔŋɛ kadegboŋ na be egbalana m pɔr. Jemanɛ na kaŋ fo menyi be kasawule be egbaŋ beeŋ kpalga to n ti so.

Maika 7:11 ပူးပေါင်းရင်းမြစ်များ

Nehemaya 2:17

Ama ŋ ka bɛta n yɔ na nɛ n ya kaŋɛ bumo le: “Menyi alɛ gba wu tɔrɔ nɛ an wɔ kumo to ŋkpal Jerusalɛm ka bure a dese nɛ kumo be mbunagboŋana kikɛ chɔɔ n tɔr nna na! Men wora ania n shin nɛ an pɔr kadegboŋ ere be egbalana nɛ a tɔr ere, saŋɛ na so anyi maaŋ naŋ ji anishinyɔr.”

Nehemaya 2:8

Ma alɛ daa beeŋ baa sha kawɔl nɛ meeŋ ta n ya sa kanyɛn nɛ baa tre Asaf nɛ e bee keni ewura be kupo so na, saŋɛ na so Asaf beeŋ sa ma ekpa nɛ ŋ ku ndibi be kupo na to n lɔŋɛ mbuna n wɔtɔ ebu lempo jeŋgreŋ nɛ a yil m mata bɔrɛlambu na nɛ kadegboŋ na gba to be egbalana na nɛ laŋ nɛ ŋ gbagba beeŋ ya kaa wɔtɔ to na. Ebɔrɛ ka daa wɔ ŋ kutɔ so, ewura na daŋ shuli nna n sa ma kusɔ kama nɛ n daŋ kule mo.

Nehemaya 4:3

Jemanɛ na so nɛ Tobaya nɛ e shi Ammɔn be efuli so na yil mo kutɔ, nseŋ kaŋɛ le: “Nuso bre be egbal nɛ baa sha kepɔr ere? Jiŋkaamu gba beeŋ tiŋ ŋ ŋin kumo n lɛ!”

Nehemaya 4:6

Beshumpo na daŋ shuŋ ga nɛ an naŋ pɔr Jerusalɛm be egbal na n fo nferinto.

Aizaaya 54:11

Enyɛnpe Ebɔrɛ na yɛ: “O Jerusalɛm be kadegboŋ nɛ fee ji awurfoŋ nsaa maa kɔ echɛtopo, nɛ esa nɛ e bee lolo fo; meeŋ ta yawu kpakpaso be ajembu lela n tɔl fo gbaltɔlase.

Aizaaya 54:2

Kpalga wajɛbu nɛ fo wɔtɔ to na, nseŋ teŋi amo be efɔlana so nseŋ naŋ lɔŋɛ kumo be ayir ŋ gbir nɛnɛ!

Aizaaya 58:12

Menyi be basa beeŋ lɔŋɛ m pɔr mboŋ nɛ e bure a dese n chɛr na n yili amo be egbaltɔlase dra na so. Saŋɛ na so ekama beeŋ pin fanɛ men la basa nɛ baa lɔŋɛ egbalana nɛ alambure a pɔr nna.”

Aizaaya 61:4

Kumo be kaman nɛ b lɔŋɛ m pɔr ndegboŋ nɛ a bure n dese dra dra na kikɛ na.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.