Maika 7:10 - EBƆRƐ BE KAWƆL

¹⁰ Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Maika 7:10 ပူးပေါင်းရင်းမြစ်များ

2 Samuɛl 22:43

N nɔkɔr ma doŋana nɛ b ki fanɛ kasawule so be shishɛr, nseŋ chichi bumo so nɛ b ki fanɛ ekpa to be depɔ.

Nshɛ 109:29

Fo e naŋ shin nɛ anishinyɔr e ki fanɛ asɔbuuso m buu basa nɛ baa wu ma kulubi na.

Nshɛ 115:2

Manɛ e ba nɛ efuliana na be basa bee kaŋɛ le: “Men be Ebɔrɛ na wɔ nnɛ?”

Nshɛ 18:42

Nɛ n nɔkɔr bumo fanɛ kepumpuŋ nɛ afu bee ta na, nseŋ chichi bumo so fanɛ ekpa to be depɔ na.

Nshɛ 35:26

Shin nɛ bumo nɛ bumo be ŋgbene bee fuli ŋkpal ma awurfoŋ so na be nfɛra e wea to nɛ b kɔ n tɔr cheche. Shin nɛ bumo nɛ baa kaŋɛ fanɛ b bɔ ma na e ji nyɔmɔ nseŋ sipa.

Nshɛ 42:10

Ma eyur to kikɛ bee besa ma nna nɛ bedoŋ bee wora ma eyurto a bishi fanɛ ma Ebɔrɛ na wɔ nnɛ?

Nshɛ 42:3

M ma anishichubi e ki ma kapa nɛ kanyɛ be ajibi. Nɛ saŋkama basa bee bishi ma fanɛ nnɛ nɛ fo Ebɔrɛ na wɔ.

Nshɛ 58:10

Nɛ belelaworapo baŋ wu alubiworapoana ka nya bumo be alubi be kasogberge, bumo be ŋgbene beeŋ fuli bumo nɛ b fɔr bumo be aya ashi bumo doŋana na be ŋklaŋ to.

Nshɛ 79:10

Manɛ nna nɛ efuli pɔtɛana na bee bishi anyi fanɛ, nnɛ nɛ menyi be Ebɔrɛ na wɔ? Shin nɛ an wu kasogberge nɛ k bee ba efuliana na so, ŋkpal b ka chulgi basa nɛ b shuŋ fo be ŋklaŋ n wurge so.

Nshɛ 92:12

Basa lela beeŋ dii dama fanɛ ŋkubadibi ka purge na; baaŋ daŋ n yili fanɛ Lebanɔn be ndibi nɛ baa tre sida na.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Aizaaya 41:25

Ma, Enyɛnpe Ebɔrɛ na lara esa ko nɛ e wɔ epeŋilarkpa. Men shin nɛ e shi kelargato be esoso m ba kɔ kena. E bee chichi bewura so nna fanɛ b ka la eshii, ŋko fanɛ kananɛ mpuliya be epɔrpo bee chichi ebɔ so na nna.

Jɛremaya 49:15

Enyɛnpe Ebɔrɛ na malɛ beeŋ shin nɛ men ki basa pɔso nɛ esa kama maaŋ naa sa menyi bunyaŋ.

Jɛremaya 51:24

Ade kikɛ be kaman nɛ Enyɛnpe Ebɔrɛ naŋ kaŋɛ le: “Ma basa, menyi gbagba e naaŋ wu kananɛ meeŋ ka Babilɔn be efuli nɛ kumo be basa kukɔ ŋkpal kulubi nɛ b wora Jerusalɛm so.

Jɛremaya 51:51

Anishinyɔr nɛ nyɔmɔ kɔ menyi nna ŋkpal befɔ ka luri ma bɔrɛlambu be mboŋ cheembi to so ashi Jerusalɛm.

Ezikɛl 7:18

Baaŋ ta ebɔtɛ ŋ ki asɔbuuso m buu a ŋini fanɛ bumo be ŋgbene jija bumo nna, nɛ kufugboŋ e tɔr bumo so. Anishinyɔr beeŋ pɛ bumo nseŋ shin nɛ ekama e she mbe kumu nɛ k baa la ŋaba n sa mo.

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Jowɛl 2:17

Men shin nɛ bɔrɛmatapoana nɛ baa shuŋ Enyɛnpe Ebɔrɛ na e shɛr bɔrɛlambu na to be bɔrɛsure na be kabuna to n shu ŋ kule Ebɔrɛ ŋ kaŋɛ le: ‘Enyɛnpe Ebɔrɛ, wu fo basa kuwɔr. Sa maŋ shin nɛ efuli pɔtɛana so ebi e wora anyi eyurto, nseŋ bishi anyi fanɛ, men be Ebɔrɛ na wɔ nnɛ naniere?’ ”

Obadaya 1:10

Ŋkpal menyi Edɔmebi ka diewu n ta kumu kpakpaso n shuŋ men kurgepoana Jeekɔb be kanaŋ to ebi kushuŋ lubi na so, anishinyɔr beeŋ ba menyi so. Menyi alɛ beeŋ mur kuraa.

Obadaya 1:12

A daa maŋ daga fanɛ men baa yil a mushe men niopibiana Jeekɔb be kanaŋ to ebi saŋɛ nɛ tɔrɔ nɛ kachɛ lubi tu bumo ashi bumo be kemur be saŋɛ so na.

Maika 4:11

Efuli damtaana gama abar so nna nɛ b kɔ menyi kena. B yɛ: “A daga fanɛ Jerusalɛm ka mur! Anyi be kenishi pere nna a fin kewu kumo be ŋaba.”

Maika 7:8

N doŋana, men sa maŋ shin nɛ menyi be ŋgbene e fuli nɛ men baa ji njɔŋ ma so. Hale nɛ n tɔr gba, ŋ kraa beeŋ koso. Nɛ n chena tentembiri to gba, Enyɛnpe Ebɔrɛ na e la ma kefulto.

Zefanaiya 3:15

Ŋkpal manɛ so, Enyɛnpe Ebɔrɛ na shin nɛ menyi be kasogberge fo ekar. E shin nɛ men doŋana bɛta ashi menyi so. Mo alɛ e la Israɛl be Ebɔrɛ nɛ e wɔ menyi kutɔ na, men sa maŋ naa ŋana kufu kusɔ ko so.

Zakareya 10:5

Juda be basa beeŋ sɔ kelempo fanɛ benapo nɛ b kɔ m pɔɔ bumo doŋana so nsaa chichi bumo so fanɛ ekpa to be depɔ na. Ŋkpal Enyɛnpe Ebɔrɛ na ka wɔ bumo kutɔ so, baaŋ kɔ m pɔɔ bedoŋ nɛ b dii egbaŋɛ a kɔ gba so.

Malakai 1:5

Israɛl be basa beeŋ wu kumo nseŋ kaŋɛ le: “Enyɛnpe Ebɔrɛ na be eleŋ bee ji a baŋ Israɛl be efuli gba so nna!”

Malakai 4:3

Kachɛ nɛ meeŋ ba ji asheŋ nɛ amo be ekpa so na, menyeeŋ pɔɔ belubiworapoana so nɛ b ki fanɛ menyi be aya to be shishɛr. Ma Enyɛnpetale na e malga na.

Matiu 27:43

E yirda Ebɔrɛ, ŋkpal manɛ so, e yɛ: ‘Ebɔrɛ Pibinyɛn e la ma.’ Amoso, nɛ Ebɔrɛ bee sha mo, e mɔlga mo.”

Joshuwa 7:9

Keenanebi nɛ bekama nɛ b wɔ efuli ere so kikɛ beeŋ nu kesheŋ ere nseŋ kulti anyi n wɔtɔ m mɔ anyi kikɛ! Nɛ loŋ malɛ wora, nnɛ nɛ fo bunyaŋ naa wɔ?”

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”