Maika 7:1 - EBƆRƐ BE KAWƆL

¹ Asheŋ malɛ tu ma bre! N du fanɛ esa nɛ akoŋ kɔ nɛ mo alɛ maŋ nya kusɔrso kama kedibisɔrso ŋko kefeelebi so nɛ e chuge n ji nna. B chuge afeelebi be asɔrso nɛ baa tre greeps na nɛ figidibi be asɔrso na kikɛ nyam.

Maika 7:1 ပူးပေါင်းရင်းမြစ်များ

Nshɛ 120:5

Ma kechena menyi to gba lubi nna, fanɛ ŋ ka chena Mɛshɛk be efuli so, kakpa wɔfɔ ŋko Kɛda be basa be ewajɛbu nɛ a maŋ taga to nfe na to.

Aŋasa 20:6

Basa damta bee tre bumo amu beshenteŋjipo nna, ama kashenteŋ be beshenteŋjipo maa tiŋ a nya.

Aizaaya 17:6

Basa gbrɛbi ko e naŋ ji efute nɛ Israɛl e ki fanɛ ɔlif be kedibi nɛ b chuge kumo so be asɔrso kikɛ nseŋ ka anyɔ ŋko asa ko ashi kumo be awɔlto ŋko asɔrso gbrɛbi ko ashi kumo be kaseto be ayabi so na. Ma, Enyɛnpe, Israɛl be Ebɔrɛ na e kaŋɛ na.”

Aizaaya 24:13

Kusɔ nɛ k beeŋ wora efuliana nɛ a wɔ durnya kikɛ to nna na. K beeŋ baa du fanɛ kasɔteŋi be jemanɛ nɛ b ŋeri ndibi kikɛ be asɔrso n lɛ nseŋ chuge waindibi be asɔrso koko na malɛ kikɛ na nna.

Aizaaya 24:16

Anyeeŋ nu b kaa bee boŋ nshɛ a kpaŋ Israɛl nɛ k la efuli niŋiso na ashi durnya be mboŋ wɔfɔ wɔfɔ kikɛ. Ama tama maŋ wɔtɔ n sa ma ere! Ma ere be asheŋ jija n loge nna na! Bedebɔrpo kraa wɔtɔ nna a debɔr basa, nɛ bumo be kedebɔre na malɛ bee daŋɛ so.

Aizaaya 28:4

Bumo be kemaŋkura nɛ k bee terge na beeŋ foe fanɛ asɔrso nɛ a juŋkpar m bel kafɛ to, nɛ basa bee fuu amo a ji na.

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Jɛremaya 15:10

Ade kikɛ be kaman nɛ Jɛremaya fɛ le ashi mbe kagbene to: “N la esa nɛ mbe kagbene jija mo ga nna! Manɛ nna nɛ n nio kurge ma m ba durnya to bre? Ma nɛ ekama bee bile nna kasawule ere so. Ma alɛ maŋ naŋ yɔ esa kikɛ kutɔ n ya paŋ amansherbi ŋko n ta amansherbi m paŋ esa kikɛ ŋ ku so, ama ekama bee shoduu ma nna.”

Jɛremaya 24:2

Sososo be kelantaŋɛ na daa kɔ asɔrso lela nɛ e daŋ pere manaŋ nna nɛ kenyɔsopo na malɛ daa kɔ asɔrso lubi nɛ e maŋ daga keji nna.

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 45:3

E yɛ: “Baruk, fee kaŋɛ le: ‘M maaŋ naŋ wora shɛŋ! Enyɛnpe Ebɔrɛ na shin nɛ ma etɔrɔbi naŋ ti so nna. M baŋ shu nna n ya gben. M maaŋ naŋ tiŋ n shu gba!’

Jɛremaya 5:1

Jerusalɛm to be basa, men nite agbembi so ŋ keni kusɔ nɛ k bee wora, Men keni ŋ kulti, menyi gbagba beeŋ wu fanɛ esa ko wɔtɔ a wora kusɔ nɛ keniŋi nsaa wora ania fanɛ e beeŋ baa ji kashenteŋ a sa Ebɔrɛ a? Menyeeŋ wu loŋ be esa ashi kakpa nɛ menyi bee ji kebɛ a? Nɛ men kaŋ nya loŋ be esa ma, Enyɛnpe Ebɔrɛ na beeŋ ta Jerusalɛm be basa be alubi m paŋ bumo.

Hoziya 9:10

Enyɛnpe Ebɔrɛ yɛ: “Saŋɛ nɛ n fara n wu Israɛlebi na, b daa du nna fanɛ esa ka ya wu asɔrso nɛ baa tre greep ashi keshishɛrsawule so na. Saŋɛ nɛ n wu men nananyɛnana na, b daa du nna fanɛ esa ka wu figi be kedibi ka fara a futi na. Ama b ka ba kebeegboŋ nɛ baa tre Piyɔɔ na ase m ba ta bumo be kumu n sa kegbir nɛ baa tre Baal na, nɛ n fara ŋ kishi bumo alegaiso fanɛ kananɛ ŋ kishi kegbir na gbagba na.

Nɔmbɛs 18:13

Amo kikɛ la menyeya nna nɛ men be laŋ to be esa kama nɛ e walɛ so daŋkare be ekpa so beeŋ tiŋ n ji amo.