Maika 6:7 - EBƆRƐ BE KAWƆL

⁷ N ta mbolpɔ ŋgboŋto ŋgboŋto ŋko ɔlif be ŋku nɛ e du fanɛ lɔr be bɔlɔ m ba mo kutɔ, k beeŋ par mo a? N ta ma wurkoŋnyɛn n lara sarga n sa mo ŋkpal ma alubi so a?

Maika 6:7 ပူးပေါင်းရင်းမြစ်များ

2 Bewura 16:3

E daŋ bɛ Israɛl be bewura be kebaawɔtɔ lubi so nna. E daŋ ta mo gbagba pibinyɛn nna n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daa ba kasawule na so na to nna.

2 Bewura 21:6

E daŋ ta mo gbagba pibinyɛn nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipoana kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

2 Bewura 23:10

Ewura Josaya daŋ bɔla daŋkare be ekpa so nna n jija Tofɛf nɛ k wɔ Bɛnhinnɔm be ketaŋɛ to be bɔrɛsure na, saŋɛ na so b maaŋ naa ta bumo be bibinyɛn ŋko bibiche a lara sarga a sa Mɔlɛk be kegbir na.

2 Bewura 3:27

Ade kikɛ be kaman nɛ e ta mo pibinyɛn nimuso nɛ e beeŋ sɔ mo so n ji kuwura na n lara sarga n sa Mowab be kegbir ashi kade na be egbal be esoso. Nɛ kumo be loŋ daŋ pɛ Israɛlebi na kufu ga nɛ b bɛta n yɔ bumo be efuli so.

Job be kawɔl 29:6

N daa nya kenyipochu damta ga nna ashi ma ana nɛ mboe to, nseŋ daa nya ŋku ga ashi ma ɔlif be ndibi be asɔrso to.

Nshɛ 50:9

Mannɛ men be egbolu nɛ mboe nɛ a shibi a wɔ men be aluu to nɛ mee sha.

Nshɛ 51:16

Esarga nɛ etoto daa bɔlɔ fo kenishi nna, n daa beeŋ bar fo amo.

Nshɛ 51:18

Enyɛnpe Ebɔrɛ, jande, shin nɛ asheŋ e nyalɛ Zayɔn to, nɛ b pɔr Jerusalɛm be egbal na.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 21:3

Kewora kusɔ nɛ k niŋi nɛ kashenteŋji bee par Enyɛnpe Ebɔrɛ a chɔ sarga be kelara.

Aizaaya 1:1

Kubɔya nɛ Ebɔrɛ lara ŋ ŋini Aizaaya, nɛ e la Amɔz pibinyɛn, a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so jemanɛ nɛ Uziya nɛ Jotam nɛ Ahaz nɛ Hɛzekaya daa ji kuwura Juda be efuli so na, e wɔ kawɔl ere to na.

Aizaaya 40:16

Nɛ esa ta Lebanɔn be kupo to be asɔbɔya kikɛ n lara sarga n sa anyi be Ebɔrɛ na, a kraŋ maaŋ fo mo; kumo to be ndibi kikɛ gba maaŋ fo m puga sarga be edɛ.

Jɛremaya 19:5

nseŋ pɔr agbirsure n yili abeebi so n sa kegbir nɛ baa tre Baal na, saŋɛ na so baaŋ baa chɔɔ bumo be mbia a lara esarga amo so a sa kegbir na. Ma alɛ maŋ yili kumo loŋ n sa bumo. Loŋ maŋ naŋ ba ma nfɛra to gba kuraa.

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Jɛremaya 7:31

Bumo alɛ naŋ pɔr kegbirsure nɛ baa tre Tofɛf na ashi Hinnɔm be ketaŋɛ to, saŋɛ na so baaŋ baa chɔɔ bumo be mbia edɛ to a lara esarga kumo so. N daŋ maŋ yili loŋ n sa bumo fanɛ b baa wora. M maŋ naŋ fɛ kumo be asheŋ gba kuraa.

Ezikɛl 23:37

B bɔla kagbirshuŋ so n ji kubojua, kumo e la fanɛ b maŋ ji kashenteŋ n sa ma nseŋ ta ma mbia n m mɔ n lara esarga n sa agbirana.

Hoziya 5:6

Baa ta bumo be mbolpɔ nɛ ana nna a lara esarga a sa Enyɛnpe Ebɔrɛ na, ama amo nɛ amo kikɛ, kelela kikɛ maa lar amo to a sa bumo. Bumo alɛ maa ba nɛ b naŋ wu mo kikɛ, ŋkpal manɛ so, e lar bumo be asheŋ to.

Hoziya 6:6

Mannɛ menyi be asɔbɔya be esarga nɛ mee sha, ama menyi be karechɛ kama be kasha nɛ menyeeŋ baa kɔ a sa ma na nɛ mee sha. Kusɔ nɛ mee sha e la ma basa ka beeŋ baa nyi ma, mannɛ esarga chɔɔso be kebaa lara e sa ma.

Levitikɔs 18:21

Sa maŋ kaŋ ta fo pibi kama n sa nɛ b lara sarga n sa kegbir nɛ baa tre Mɔlɛk na, ŋkpal manɛ so, k beeŋ ŋaba men Nyɛnpe Ebɔrɛ na be ketre.

Levitikɔs 20:1

Ndoŋ nna nɛ Enyɛnpe Ebɔrɛ naŋ kaŋɛ Mosis

Eemɔs 5:22

Hale nɛ men lara esarga chɔɔso nɛ ayu be esarga gba m ba sa ma, maaŋ sɔ amo. Men be asɔbɔya danso duliduli lela gba be asheŋ maaŋ bɔlɔ ma kenishi.

Failimɔn 1:12

Mee bɛta mo nna a bar fo a sha fo ka pin fanɛ ma ere kutɔ ŋ gbagba be kaba nɛ mee ta a shoŋi fo na.

Demujipoana 11:31

kusɔ kama nɛ k beeŋ shi ma laŋ to n lar n ba shɛr ma to jemanɛ nɛ meeŋ bɛta n shi anyi nɛ Ammɔnebi be kena na to m ba na meeŋ ta kumo n lara sarga n sa fo.”

Demujipoana 11:39

Afɔl anyɔ na ka fo nɛ e bɛta m ba mo tuto kutɔ nɛ e ta mo n tia mbe kɔnɔ naseso nɛ e nase n sa Enyɛnpe Ebɔrɛ na. Ŋkpal loŋ so e daŋ maŋ pin enyɛn pɔɛŋ nseŋ wu. Kananɛ Israɛlebi be daŋkare ere jɔŋɛ nna na.

1 Samuɛl 15:22

Ndoŋ nna nɛ Samuɛl kaŋɛ le: “Ade be kumo bre nɛ Enyɛnpe Ebɔrɛ na bee sha ga? Kebaakɔ kasonu ŋko kebaalara esarga? Kebaakɔ kasonu bɔ fo kaa ta mbolpɔ duliduli a lara esarga e sa mo.