Maika 6:5 - EBƆRƐ BE KAWƆL

⁵ Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Maika 6:5 ပူးပေါင်းရင်းမြစ်များ

Nshɛ 111:4

Enyɛnpe Ebɔrɛ na maa shin nɛ anyee teŋ mbe emamachisheŋ so; Mo alɛ la esa nsaa wu kuwɔr nna.

Nshɛ 143:11

Enyɛnpe Ebɔrɛ, baa kɔ a kuŋ ma fanɛ kananɛ fo nase kɔnɔ na. Bɔla fo kumɔlga be eleŋ na so m mɔlga ma ashi etɔrɔ to.

Nshɛ 36:10

Enyɛnpe Ebɔrɛ, baa ŋini bekama nɛ b nyi fo na kasha saŋkama; nsaa wora bumo nɛ baa wora asheŋ niŋiso na kelela.

Nshɛ 71:19

O Ebɔrɛ, fo kebaawɔtɔ niŋiso shi ga, k salga to hale n ya fo awɔlpa to. Fo e wora asheŋgboŋ ga, esa kikɛ maŋ du fanɛ fo.

Aizaaya 1:27

Ŋkpal Enyɛnpe Ebɔrɛ na ka niŋi so, e beeŋ mɔlga Jerusalɛm nɛ esa kama nɛ e beeŋ tuba n lar alubi to ashi ndoŋ.

Nɔmbɛs 22:41

Ŋklade kachipurso nɛ Ewura Balak keta Balaam n dii n yɔ Bamɔf Baal, kakpa nɛ Balaam beeŋ tiŋ n wu Israɛlebi na be beko.

Nɔmbɛs 23:27

Nɛ Ewura Balak kaŋɛ le: “Ba, nɛ n naŋ keta fo n yɔ kaboŋ ko. Ashere ndoŋ bre beeŋ bɔlɔ Ebɔrɛ kenishi nɛ e shin nɛ fo sho bumo kɔnɔ n sa ma.”

Nɔmbɛs 25:1

Saŋɛ nɛ Israɛlebi na daŋ wora bumo be keeyi to ashi kepla nɛ baa tre Akasia na, nɛ bumo be benyɛn ko fara a di Mowab be beche nɛ b wɔ ndoŋ na.

Nɔmbɛs 25:2

Le be beche ere daa tre Israɛlebi na nna a yɔ Mowab be kegbir na be esarga be kejigboŋ to. Israɛlebi na daa tu bumo a ji agbirjibi na nna nsaa bunyaŋ

Nɔmbɛs 31:16

Bumo e daŋ bɛ Balaam be keŋini so n fule Israɛlebi na nɛ b kini Enyɛnpe Ebɔrɛ n ya ka shuŋ kegbir nɛ baa tre Baal ashi Piyɔɔ, nɛ Enyɛnpe Ebɔrɛ shin nɛ aleblawu ba mbe basa so na.

Nɔmbɛs 31:8

n ta Evi nɛ Rekɛm nɛ Zur nɛ Hur nɛ Reeba nɛ b daa la Midianebi be bewura na n ti so. B daŋ mɔ Biyɔɔ pibinyɛn Balaam gba kena na to nna.

Ɛfesesebi 2:11

Amoso, men baa nyiŋi fanɛ menyi nɛ b kurge nnyamase nɛ bumo nɛ edimɛdi ta enɔana ŋ ku bumo atutu nɛ bumo koŋwule na bee tre menyi asoliwuraana ere, fanɛ menyi nɛ Kristo na daŋ barga abar nna.

Ditɛronɔmi 16:3

Nɛ menyi baa ji Kebansonchoŋ be kachɛgboŋ be ajibi na, men sa maŋ kaŋ ta bodobodo nɛ yiisi wɔ amo to n ti so n ji. Nchɛnshunu nɛ menyee ji bodobodo nɛ a maŋ kɔ yiisi amo to fanɛ kananɛ men daŋ wora jemanɛ nɛ k daŋ ba fanɛ men nya manaŋ n lar Ijipt be efuli so na. Menyeeŋ baa we le be bodobodo nna saŋɛ na so menyeeŋ baa nyiŋi kachɛ nɛ men ta n lar Ijipt be efuli nɛ k daa la awurfoŋ be kaboŋ n sa menyi na so. Baaŋ baa tre bodobodo na ‘awurfoŋ be bodobodo’.

Ditɛronɔmi 23:6

Amoso menyi nɛ Mowabebi ŋko Ammɔnebi e sa maŋ kaa wora kayurwushi be kebaawɔtɔ be kɔnɔkoŋwule be ŋkre kikɛ.

Ditɛronɔmi 8:18

Ama men baa nyiŋi fanɛ Enyɛnpe menyi be Ebɔrɛ na e sa menyi eleŋ nɛ men ta n fin kedamaya na. Mo alɛ wora loŋ nna a ŋini fanɛ, e bee ji kashenteŋ a sa mo nɛ men nananyɛnana be kɔnɔkoŋwule be ŋkre na nna hale nɛ mbre.

Ditɛronɔmi 8:2

Men baa nyiŋi kananɛ Enyɛnpe menyi be Ebɔrɛ na juŋkpar menyi ashi keshishɛrsawule so be enite tenteŋ to nfɛ adena nɛ a choŋ ere kikɛ. E daa sha kepin nna fanɛ kashenteŋto nɛ menyee sha kewora mo kasonu nseŋ ta menyi be amu n to mo so a?

Ditɛronɔmi 9:7

Men sa maŋ kaŋ teŋ kananɛ men daŋ shin nɛ Enyɛnpe menyi be Ebɔrɛ na nya agbo ashi keshishɛrsawule na so na. Yili kachɛ nɛ men lar Ijipt be efuli so m ba fo nfe, men baa la basa nɛ menyee lar Enyɛnpe Ebɔrɛ na kaman nna.

Joshuwa 2:1

Saŋɛ nɛ Israɛlebi na be keeyi to daa wɔ Shitim na nɛ Nun pibi Joshuwa shuŋi basa anyɔ fanɛ b dii Jɔɔdan be lɔr na be kaba ndoŋ n ya ŋana n dara Keenan be kasawule na, fɔnfɔŋ Jɛriko. Basa na ka fo Jɛriko be kade to nɛ b ya luri sakaleche ko nɛ baa tre Reehab be laŋ to.

Joshuwa 3:1

Kare ka chɛ kachipurdidi nɛ Israɛlebi na kikɛ lar Shitim be keeyi to n yɔ Jɔɔdan be lɔr na ase n ya wora bumo be keeyi to ndoŋ pɔɛŋ nseŋ dii lɔr na.

Joshuwa 4:19

Kafɛ to be kufɔl sososo be kachɛ kudusopo nɛ basa na daŋ dii Jɔɔdan be lɔr na n ya wora bumo keeyi ashi kade nɛ baa tre Gilgaal nɛ k wɔ Jɛriko be epeŋilarkpa be kaba so na.

2 Pita 2:15

B yige ekpa niŋiso na nseŋ foe m bɔla Biyɔɔ pibi Balaam nɛ e daŋ sha kebɔlɔ alubi so n dii dama na be ekpa.

1 Jɔn 1:9

Ama nɛ fanɛ an bugi to ŋ kaŋɛ Ebɔrɛ anyi be alubi bre, e la esa nɛ e niŋi nna nɛ anyeeŋ tiŋ n yirda mo nɛ e ta anyi be alubi kikɛ nyam m paŋ anyi nseŋ fɔr kulubi kikɛ nyam ashi anyi be ŋgbene to.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.

Kelaraŋŋini 2:14

Ama asɔ lubi gbrɛbi nɛ n wu menyi so nde: Men kɔ basa ko menyi to ndoŋ nɛ baa bɛ Balaam be keŋini so, Balaam mo nɛ e daŋ ŋini Balak kananɛ e beeŋ fule Israɛlebi nɛ b ji nlɔŋɛjibi nseŋ naŋ fule bumo n wɔtɔ kesakalea be keji to na.

Demujipoana 11:25

Mowab be ewura, fee tama fanɛ fo e bɔ Zippɔ pibinyɛn, Balak na a? Mo nɛ Israɛl daa maŋ nya kɔnɔgberge kikɛ, mo alɛ nɛ bumo daa maŋ bile kikɛ.

Demujipoana 5:11

basa nɛ baa boŋ nshɛ atirbu ase na be ebɔl; baa kute Enyɛnpe Ebɔrɛ na be kekɔmpɔɔso be asheŋ nna, nsaa kaŋɛ Israɛl be basa ka kɔ m pɔɔ so be asheŋ! Enyɛnpe Ebɔrɛ na be basa bɛ abar so nna n yɔ bumo be ndegboŋana be mbuna ase.

1 Samuɛl 12:7

Naniere men yili nfe nɛ n nyiŋi menyi asheŋ tumase nɛ Enyɛnpe Ebɔrɛ wora nɛ kananɛ e mɔlga menyi nɛ men nananyɛnana na.