Maika 6:4 - EBƆRƐ BE KAWƆL

⁴ Ma e lara menyi nseŋ mɔlga menyi ashi kenyaya to ashi Ijipt be efuli so. Mosis nɛ Ɛɛrɔn nɛ Miriam nɛ n daŋ shuŋi fanɛ b ya juŋkpar menyi n lar ndoŋ.

Maika 6:4 ပူးပေါင်းရင်းမြစ်များ

2 Samuɛl 7:23

Efuli pɔtɛana so ebi kikɛ malɛ maŋ naa wɔtɔ a du fanɛ Israɛl be efuli so ebi nɛ fo lara kenyaya to ashi Ijipt be efuli so nseŋ ta bumo ŋ ki fo gbagba be basa ere so. Fo asheŋ tumase damta nɛ fo wora nɛ fo ketre dii na so e shin nɛ efuli pɔtɛana kikɛ ta bumo agbirana n shile efuliana na so, saŋɛ na so, fo basa beeŋ sɔ ndoŋ n chena.

Nshɛ 77:20

Fo daŋ bɔla Mosis nɛ Ɛɛrɔn so nna n juŋkpar fo basa fanɛ mbolpɔkpapo na.”

Ɛksodɔs 12:51

Kumo be kamɔnchɛ malɛ kikɛ nɛ Enyɛnpe Ebɔrɛ lara Israɛl be basa kanaŋ kanaŋ so nɛ mbuna mbuna so ashi Ijipt to.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 3:10

Amoso mee shuŋi fo Ijipt be ewura Fɛɛro kutɔ nna naniere nɛ fo ya lara ma basa Israɛlebi ashi efuli na so.”

Ɛksodɔs 4:10

Ndoŋ nna nɛ Mosis kaŋɛ le: “O, Enyɛnpe Ebɔrɛ, jande, sa maŋ shuŋi ma! Ŋkpal manɛ so m maŋ nyi kamalga to. Nɛ mannɛ fo ka bee malga ma fo kenya kutɔ nfe ere so, ma nɛ esa kikɛ maŋ naŋ malga le kikɛ. N la esa nɛ m maa tiŋ kamalga nna.”

Ɛksodɔs 4:16

Ɛɛrɔn beeŋ ki dɔɔtɛ m malga n sa basa na n sa fo. Nɛ fo alɛ e baa kaŋɛ mo asɔ nɛ Ebɔrɛ kaŋɛ fo na.

Ɛksodɔs 6:27

Mosis nɛ Ɛɛrɔn ere e daŋ malga n sa Ijipt be ewura Fɛɛro fanɛ e sa Israɛl be basa ekpa nɛ b lar ashi Ijipt na.

Jɛremaya 32:21

Emamachisheŋ nɛ asheŋ tumase nɛ fo wora na ta kufugboŋ nna n lɛ an doŋana so.

Eemɔs 2:10

Ma e lara menyi ashi Ijipt be kasawule so dra dra na ŋ keta menyi n nite kiyi to nfɛ adena nseŋ sɔ Amɔriebi be kasawule n sa menyi.

Nɔmbɛs 12:1

Miriam nɛ Ɛɛrɔn daŋ malga nna ŋ gbiti Mosis ŋkpal e ka ta Kush be efuli so be eche so.

Nɔmbɛs 33:1

Mosis nɛ Ɛɛrɔn ka daŋ juŋkpar Israɛlebi na n lar Ijipt be efuli so a yɔ na,

Ashuŋ Shunso 7:36

Mo e daŋ juŋkpar bumo n wora emamachisheŋ nɛ kashenteŋ be etɔɔnɛsheŋ damta ashi Ijipt nɛ Teku Peper na to nɛ jemanɛ nɛ b daa wɔ kiyi to nfɛ adena na kikɛ.

Ditɛronɔmi 15:15

Men baa nyiŋi fanɛ menyi alɛ gba daa la anya nna ashi Ijipt be efuli so nɛ Enyɛnpe menyi be Ebɔrɛ na sɔ menyi n yige. Amoso nɛ mee ta mbra ere a sa menyi na.

Ditɛronɔmi 24:18

Men baa nyiŋi fanɛ men daa la anya ashi Ijipt be efuli so nna nɛ Enyɛnpe menyi be Ebɔrɛ na sɔ menyi n yige. Amoso nɛ mee sa menyi mbra ere na.

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 5:6

‘Ma e la Enyɛnpe, menyi be Ebɔrɛ nɛ e kɔ n suge menyi ashi Ijipt, kakpa nɛ menyi daa la anya na.

Ditɛronɔmi 7:8

Ama Enyɛnpe Ebɔrɛ na lara menyi ŋkpal e ka bee sha menyi so nɛ ŋkpal e ka bee sha kewora m bɔlɔ mbe kɔnɔ naseso nɛ e nase n sa men nananyɛnana na so. Amoso nɛ e bɔla mbe eleŋgboŋ so n sɔ menyi n yige kenyaya to ashi Ijipt be efuli so na.

Ditɛronɔmi 9:26

Ndoŋ nna nɛ ŋ kule Ebɔrɛ ŋ kaŋɛ: “Enyɛnpetale Ebɔrɛ, sa maŋ kaŋ mur fo gbagba be basa nɛ fo bɔla fo yuku nɛ eleŋgboŋ so ŋ kɔ n suge ashi Ijipt be efuli so na.

1 Samuɛl 12:6

Nɛ Samuɛl kaŋɛ bumo le: “Enyɛnpe Ebɔrɛ na e lara Mosis nɛ Ɛɛrɔn nseŋ lara men nananyɛnana ashi Ijipt be efuli so dra dra na.