Maika 6:12 - EBƆRƐ BE KAWƆL

¹² Damawuraana na bee puni betirpo nna nɛ ekama malɛ bee ku efɛ.

Maika 6:12 ပူးပေါင်းရင်းမြစ်များ

Nshɛ 120:2

O Enyɛnpe Ebɔrɛ, mɔlga ma ashi befɛpo nɛ kafulewuraana be enɔ to.

Nshɛ 35:20

B maa malga kelɔposo kikɛ. B wɔtɔ nna a ku efɛ a sa basa nɛ ma nɛ bumo wɔtɔ kagbenewushiso na.

Nshɛ 78:36

Ama bumo be nnɔ to be mmalga kikɛ la efɛ nna. Asheŋ kama nɛ baa malga maa shi bumo be ŋgbene to.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Aizaaya 3:8

Kashenteŋto, asheŋ maaŋ nyalɛ n sa Jerusalɛmebi! Juda be efuli so malɛ baa mur nna na! Kusɔ kama nɛ baa kaŋɛ ŋko a wora bee gbiti Enyɛnpe Ebɔrɛ na nna. Baa tege Ebɔrɛ ekama be anishito nna.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Jɛremaya 9:8

Bumo be adonduloŋ du fanɛ atanyembi nɛ e kɔ kɔrtɔ nɛ k bee mɔ nna. Jemanɛ kikɛ baa ku efɛ nna. Ekama bee malga kelɔpo so nna a sa mbe echenashapo, ama kejigbelɛ nɛ e bee sho a nase nɛ e tɔr to na.

Hoziya 7:1

Saŋkama nɛ m baa sha keta ma basa nɛ b wɔ Israɛl be efuli so nɛ Samɛria be kade to be alubi m paŋ bumo nseŋ nɛfa bumo, kusɔ nɛ mee wu bumo to e la asheŋ lubi. B wɔtɔ nna a puni abar, nsaa bure elaŋana a luri to a yuri nsaa suge basa be asɔ ashi ekpaana to.

Hoziya 7:13

Ŋkpal b ka pal kaman n sa ma so bumo be lalaloge fo nna na. Bumo kikɛ beeŋ mur. N daa sha fanɛ m mɔlga bumo nna ama bumo be kananɛ baa bunyaŋ ma na, maŋ la kashenteŋ be bunyaŋ.

Eemɔs 2:4

Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

Eemɔs 6:4

Asheŋ maaŋ nyalɛ n sa menyi nɛ menyee dese asɔchenaso tenteŋ nɛ b ta asɔlnyii m mata m mata so n ji amo kebita na to a we mbolpɔ nɛ ana fɔlbi be eblaŋ na.

Zefanaiya 1:9

Meeŋ gberge bekama nɛ baa shuŋ nnyamase be agbir nɛ bekama nɛ baa yuri nsaa mɔ basa a sɔ asɔ a bɔlɔ bumo be agbir be ebuana na kusoe.

Zefanaiya 3:3

Kumo be ekrachi du fanɛ ebuluŋ nɛ a bee munto nna, nɛ kumo be demujipoana malɛ du fanɛ ejiŋkaamu nɛ a bee pɛ kusɔ kanyɛso a ji nɛ, kare be kechɛ kachipurso nɛ shɛŋ maŋ naŋ ka na nna.

Ashuŋ Shunso 24:9

Ndoŋ nna nɛ Juwebi na kikɛ shuli n chɛ Tetales to ŋ kaŋɛ fanɛ alubi nɛ b kaŋɛ fanɛ Pɔɔl wora na kikɛ la kashenteŋ nna.

Romebi 3:13

Ekama be kɔnɔ du fanɛ b ka kur nchaŋ nna n nase. Efɛ nɛ bumo be nnɔana na bee ku mmalga nɛ a bee lar bumo be nnɔana to du fanɛ wasa ka duŋ esa n lara kɔrtɔ n wɔtɔ mo to na.