Maika 5:8 - EBƆRƐ BE KAWƆL

⁸ Ama bekama nɛ b shir a wɔ efuli pɔtɛana so na bre beeŋ ki fanɛ buluŋ nɛ e bee kɔ a fin kusɔ jiso ashi kiyi to na nna. E baŋ nya n luri mbolpɔ to e beeŋ baa tɛ nna a yuu bumo so nsaa kpɛa bumo to a we nɛ esa kikɛ malɛ maaŋ tiŋ n sɔ bumo n yige.

Maika 5:8 ပူးပေါင်းရင်းမြစ်များ

Jɛnesis 49:9

Juda, fo du fanɛ buluŋ nna, mo e naa pɔɔ mo braana asɔbɔya so a mɔ bumo, nsaa bɛta a yɔ mbe eŋanakpa n ya kaa teŋi to a dese na. Wanɛ e naaŋ tiŋ n tɔrɔ mo?

Nshɛ 104:20

Fo e to tentembiri nɛ kanyɛ bee biri, nɛ kupuŋ to be asɔbɔya bee nya lar a nite a kulti a fin kusɔ jiso a ji.

Nshɛ 44:5

Fo eleŋgboŋ na e shin nɛ an ŋmɛa an doŋana n lɛ nseŋ chichi bumo so.

Nshɛ 50:22

Men kplaŋ ma so, amoso men kaŋ kusoe n nu nfe, nɛ mannɛ aloŋ meeŋ mur menyi nɛ esa kama maaŋ chɛ menyi to.

Aŋasa 30:30

Buluŋ nɛ e la asɔbɔya to be enyɛn nsaa maa tu shɛŋ a bɛta kaman na,

Aizaaya 5:29

Bumo be benapoana bee munto nna fanɛ ebuluŋ ka pɛ kusɔbɔya nsaa gbeye kumo a yɔ kakpa nɛ shɛŋ maaŋ tiŋ n suge kumo bumo kutɔ na.

Ezikɛl 39:10

B maaŋ naŋ yɔ kupuŋ to n ya fin ndibi puga edɛ ŋko ŋ ku ndibi kiyi to kikɛ, ŋkpal manɛ so akɔsɔ nɛ b shile ŋ ka na ba ako beeŋ ndibi puga edɛ n sa bumo. Bumo alɛ beeŋ suge basa nɛ b daŋ suge bumo be asɔ na be asɔ.” Ma, Enyɛnpetale Ebɔrɛ na e kaŋɛ na.

Hoziya 5:14

Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Maika 2:12

Ma, Enyɛnpe Ebɔrɛ na e naa nase kɔnɔ, fanɛ meeŋ naŋ bar ma basa Israɛlebi, nɛ baaŋ ji efute na abar so. Meeŋ gama bumo abar so fanɛ mbolpɔ ka wɔ kuluu to, saŋɛ na so basa beeŋ wora keshi n sɔ kasawule na so kikɛ.

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Maika 4:7

Meeŋ shin nɛ ma basa nɛ b shir kaman kasawule na so nsaa du fanɛ ebobi na e naŋ ki efuli lempo so ebi. Ma alɛ beeŋ baa wɔ Zayɔn be kebee na so nna a ji kuwura bumo so hale mbaanaayɔ.”

Maika 5:3

Amoso Enyɛnpe Ebɔrɛ na beeŋ kplaŋ mbe basa so nɛ b baa kraa wɔ bumo doŋana be enɔ to n ya fo jemanɛ nɛ eche nɛ e beeŋ kurge loŋ be ewura na beeŋ kurge ebinyɛn. Saŋɛ na so nɛ Israɛl be basa nɛ b wɔ kenyaya to ashi efuli pɔtɛana so na e bɛta m ba ti bumo peebiana so a wɔtɔ.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Zakareya 10:5

Juda be basa beeŋ sɔ kelempo fanɛ benapo nɛ b kɔ m pɔɔ bumo doŋana so nsaa chichi bumo so fanɛ ekpa to be depɔ na. Ŋkpal Enyɛnpe Ebɔrɛ na ka wɔ bumo kutɔ so, baaŋ kɔ m pɔɔ bedoŋ nɛ b dii egbaŋɛ a kɔ gba so.

Zakareya 11:6

Nɛ Enyɛnpe Ebɔrɛ na naŋ kaŋɛ le: “M maaŋ naŋ shu ekama so ashi durnya ere to. Ŋ gbagba beeŋ ta basa na m bɔɔ bumo braana nɛ bewurjipoana enɔ nɛ b mur durnya ere cheche nɛ m maaŋ mɔlga kumo ashi bumo be enɔ to.”

Zakareya 12:3

Ama loŋ be jemanɛ na kaŋ fo, meeŋ shin nɛ Jerusalɛm e ki fanɛ kejembu gbɛgbɛso, nɛ efuli kama so ebi maaŋ tiŋ n fifir kumo. Bekama nɛ b wora ania nɛ b fifir kumo beeŋ doro bumo be amu.

Zakareya 14:18

Nɛ fanɛ Ijiptebi gba kini keji Abuu to be Kachɛgboŋ na, kulɔ lubi nɛ Enyɛnpe Ebɔrɛ na shin nɛ b k tɔr efuli pɔtɛana nɛ kini mo na so na beeŋ pɛ bumo alɛ gba.

Zakareya 9:15

Enyɛnpetale Ebɔrɛ na beeŋ baa kuŋ mbe basa, nɛ b kɔ m pɔɔ bumo doŋana so m mur bumo. Baaŋ baa wora awɔr kena to fanɛ basa boo so nseŋ shin nɛ ŋklaŋ e lar bumo doŋana be eyurana so a shile fanɛ kananɛ bɔrɛmatapo bee chulgi sarga be asɔbɔya be ŋklaŋ a wurge bɔrɛsure na so na.

Malakai 4:3

Kachɛ nɛ meeŋ ba ji asheŋ nɛ amo be ekpa so na, menyeeŋ pɔɔ belubiworapoana so nɛ b ki fanɛ menyi be aya to be shishɛr. Ma Enyɛnpetale na e malga na.

Nɔmbɛs 24:9

Bumo be efuli du nna fanɛ buluŋ lempo na. K baa di, wanɛ e naaŋ tiŋ n ya tiŋi kumo. Esa kama nɛ e nɛfa Israɛl, gba bee nya nɛfa nna; Esa kama malɛ nɛ e sho Israɛl kɔnɔ, bee nya kɔnɔsho nna.”

Matiu 10:14

Nɛ kowu kama ŋko kade kama malɛ to nɛ men yɔ nɛ b maŋ sɔ menyi ŋko ŋ kini kenu men be kubɔya na, men lar ŋ gbaŋgbaŋ men be aya to be shishɛr n lɛ bumo.

Ashuŋ Shunso 18:6

Nɛ b ji mo emɔrɔ kpakpaso nseŋ tege mo. Nɛ mo alɛ gbaŋgbaŋ mbe asɔbuuso to be shishɛr n lɛ bumo n wora bumo kusha ŋ kaŋɛ: “Menyi be ŋklaŋ e baa wɔ menyi gbagba be amu so, mannɛ ma e bar kumo. Yili kabre a yɔ nnyamase kutɔ nɛ meeŋ baa yɔ n ya kaa bɔ kubɔya na a sa bumo.”

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.