Maika 5:7 - EBƆRƐ BE KAWƆL

⁷ Israɛl be basa nɛ baaŋ ji efute na beeŋ baa du fanɛ bunyaŋ ŋko bɔrɛchu nɛ k bee sa kayul nseŋ shi Enyɛnpe Ebɔrɛ na kutɔ a ba efuli damtaana so nna.

Maika 5:7 ပူးပေါင်းရင်းမြစ်များ

2 Samuɛl 17:12

Loŋ beeŋ shin nɛ an tɔr mo nɛ mbe basa so fanɛ kananɛ bunyaŋ bee tɔr kasawule so na m mur bumo kikɛ ashi kaplɛkama nɛ b wɔ.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Nshɛ 133:3

Kumo alɛ naa du fanɛ bunyaŋ ka shi Hɛɛmɔn be kebeegboŋ na so a wurge Jerusalɛm be abee so nna. Ndoŋ nɛ Enyɛnpe Ebɔrɛ daŋ nase kɔnɔ fanɛ e beeŋ ta ŋkpa nɛ k maŋ kɔ ekar n nɛfa mbe basa na.

Nshɛ 72:6

Shin nɛ e baa kɔ kechɛto a sa basa fanɛ kananɛ bɔrɛchu bee sa adɔsawule kayul na.

Aŋasa 19:12

Ewura be agbo du fanɛ buluŋ ka bee ponte to nna nɛ mbe kuwɔrwu malɛ du fanɛ bunyaŋ ka tɔr afitiri so.

Aizaaya 32:15

Ama Ebɔrɛ kraa beeŋ naŋ sa anyi mbe kiyoyu. Nsawule pɔso na beeŋ naŋ ki nsawule lela nɛ a kɔ eleŋ nɛ adɔsawule e wora adɔjibi nɛnɛ ga.

Aizaaya 44:3

Meeŋ shin nɛ kasawule nɛ k wɔl a baŋɛ ŋ ki mbombi e shile kumo so. Meeŋ shin nɛ ma kiyoyu e gbelge menyi be mbia so nɛ ma nɛfa e ba menyi be kaman to ebi so.

Aizaaya 55:10

Ma mmalga du fanɛ bunyaŋ nɛ bɔrɛchu nɛ a bee shi awɔlpa to a ba, a shin nɛ kasawule so bee nya kayul nna. Kananɛ bunyaŋ nɛ bɔrɛchu bee shin nɛ basa bee nya a ji nsaa nya asɔduuso a du na,

Aizaaya 66:19

nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Ezikɛl 14:22

Nɛ esa ko kaŋ ji efute nseŋ mɔlga mbe mbia gba, baaŋ bar bumo Babilɔn be efuli so. Ezikɛl, nɛ fo wu kebaawɔtɔ lubi nɛ fo be basa kɔ na nɛ feeŋ pin kusɔ nɛ k ba nɛ m mur Jerusalɛm to be basa.

Ezikɛl 47:1

Ade kikɛ be kaman nɛ kanyɛn na bɛta ma n yɔ bɔrɛlambu na to, ndoŋ nɛ n wu kabombi ko ka bee shile kabuna na be kaseto a yɔ epeŋitɔrkpa be kaba so. K fara bɔrɛlambu na be kelargato be esoso na nna a shile m ba bɔla bɔrɛsure na ase m baŋɛ kelɔnɛ na to a yɔ epeŋilarkpa be kaba so.

Ezikɛl 5:5

Kumo be kaman nɛ Enyɛnpe Ebɔrɛ na naŋ kaŋɛ: “Jerusalɛm nɛ n ta n yili durnya kikɛ be nferinto nɛ efuliana kulti kumo ŋ wɔtɔ a keni kumo a yɛlga nna na.

Danɛl 11:32

Ewura na beeŋ bɔla kafule be ekpa so n nya bekama nɛ b teŋ kini bumo be kabɔrɛshuŋ na nɛ b bɛ mo so ama bekama nɛ baa bɛ Ebɔrɛ so na bre maaŋ shuli so n sa mo.

Hoziya 14:5

Meeŋ ki fanɛ bunyaŋ nɛ k bee tɔr kasawule so n sa menyi, Israɛl be basa. Menyeeŋ ba ki fanɛ Lebanɔn be ndibi nɛ a kɔ atoto damta nɛ a bugi to a walɛ nɛ amo be nliŋi luri kasawule to m pɛ amo to kpakpa na.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Jowɛl 2:32

Ama Ebɔrɛ beeŋ mɔlga bekama nɛ b kule mo kechɛto fanɛ kananɛ e kaŋɛ na! E yɛ: ‘Basa nɛ b wɔ Zayɔn be kebee so nɛ Jerusalɛm to na bre beeŋ gelge loŋ be etɔrɔ na. Bekama nɛ n lara na bre beeŋ ji efute.’ ”

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Maika 2:12

Ma, Enyɛnpe Ebɔrɛ na e naa nase kɔnɔ, fanɛ meeŋ naŋ bar ma basa Israɛlebi, nɛ baaŋ ji efute na abar so. Meeŋ gama bumo abar so fanɛ mbolpɔ ka wɔ kuluu to, saŋɛ na so basa beeŋ wora keshi n sɔ kasawule na so kikɛ.

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Maika 4:7

Meeŋ shin nɛ ma basa nɛ b shir kaman kasawule na so nsaa du fanɛ ebobi na e naŋ ki efuli lempo so ebi. Ma alɛ beeŋ baa wɔ Zayɔn be kebee na so nna a ji kuwura bumo so hale mbaanaayɔ.”

Maika 5:3

Amoso Enyɛnpe Ebɔrɛ na beeŋ kplaŋ mbe basa so nɛ b baa kraa wɔ bumo doŋana be enɔ to n ya fo jemanɛ nɛ eche nɛ e beeŋ kurge loŋ be ewura na beeŋ kurge ebinyɛn. Saŋɛ na so nɛ Israɛl be basa nɛ b wɔ kenyaya to ashi efuli pɔtɛana so na e bɛta m ba ti bumo peebiana so a wɔtɔ.

Maika 5:8

Ama bekama nɛ b shir a wɔ efuli pɔtɛana so na bre beeŋ ki fanɛ buluŋ nɛ e bee kɔ a fin kusɔ jiso ashi kiyi to na nna. E baŋ nya n luri mbolpɔ to e beeŋ baa tɛ nna a yuu bumo so nsaa kpɛa bumo to a we nɛ esa kikɛ malɛ maaŋ tiŋ n sɔ bumo n yige.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Zefanaiya 3:13

Israɛl be basa nɛ b ka na bre maaŋ wora kulubi, bumo alɛ maaŋ ku efɛ ŋko a na a fule basa. Asheŋ beeŋ baa nite nɛnɛ a sa bumo nɛ shɛŋ maaŋ naa fɔŋ bumo. Esa kikɛ maaŋ naŋ tiŋ n ta kufu n da bumo.

Zakareya 14:8

Kachɛ na kaŋ fo, nchu nɛ a bee sa ŋkpa beeŋ shi Jerusalɛm to a shile. Nchu na be bargato beeŋ baa shile a luri teku nɛ baa tre Teku Wuso na to nɛ bargato malɛ e baa shile a luri kumo nɛ baa tre Mɛditerenia be Teku na to. Ketarso nɛ kechali so kikɛ nɛ nchu na beeŋ baa shile.

Zakareya 9:13

Meeŋ ta Judaebi fanɛ enapo be keta na, nseŋ ta Israɛlebi malɛ fanɛ ma atanyembi.” Ma alɛ beeŋ naŋ ta Zayɔn be basa fanɛ ma tokobi, ŋ kɔ Griikebi kena.

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Ashuŋ Shunso 11:15

Ŋ ka fara a malga nɛ Kiyoyu Cheeŋ na gbelge bumo so fanɛ kananɛ e daŋ gbelge anyi so sososo na.

Ashuŋ Shunso 13:46

Ama Pɔɔl nɛ Baanabas daŋ kplaŋ bumo so nna nsaa malga kenyɛnso a kaŋɛ: “Menyi nɛ b daŋ yili kumo fanɛ b fara m malga Ebɔrɛ be kamalga na n sa, ama men ka kini kumo nsaa ta menyi be amu fanɛ men maŋ daga Ebɔrɛ be ŋkpa nɛ k maŋ kɔ ekar na bre so, anyeeŋ yige menyi nseŋ yɔ nnyamase kutɔ.

Ashuŋ Shunso 16:9

Kumo be kamɔnchɛ be kanyɛso nɛ Pɔɔl ku bɔrɛdare ko n wu Masɛdonia be kanyɛn ko ka yil a kule mo: “Dii a ba Masɛdonia nfe m ba chɛ anyi to!”

Ashuŋ Shunso 9:15

Nɛ Enyɛnpe kaŋɛ: “Fo ere e yɔ de, ŋkpal manɛ so, ma e lara mo nɛ e baa shuŋ ma n shin nɛ nnyamase nɛ bewura nɛ Israɛlebi e pin ma.

Romebi 10:20

Ama anebi Aizaaya ji kenyɛn a chɔ loŋ ŋ kaŋɛ fanɛ le nɛ Ebɔrɛ yɛ: “Basa nɛ b daa maa fin ma e bante ma nɛ n lara ma kumu ŋ ŋini basa nɛ b daa maa bishi ma asheŋ.”

Romebi 11:12

Juwebi be alubi so nɛ durnyaebi nya nɛfa gboŋgboŋi nɛ bumo be kabɔrɛŋana wuso malɛ gba bar nnyamase nɛfa gboŋgboŋi. Nɛ kananɛ k la loŋ ere, nɛ Juwebi kikɛ na ba ti so, kumo ere nɛfa nɛ k beeŋ ba na beeŋ ba kaa shi pasaa.

Romebi 9:30

To, naniere, nuso nɛ anyeeŋ kaŋɛ? Kumo kikɛ nde fanɛ saŋɛ na nnyamase daa maa fin bumo nɛ Ebɔrɛ be nferinto be kelela, ama naniere bre b bɔla yirda so n nya loŋ be kebaawɔtɔ.

1 Kɔrintebi 3:6

An baa du fanɛ basa nɛ b wɔ ndɔ to a shuŋ nna. Ma e duu asɔ duuso nɛ Apɔlɔs wora nchu n wurge amo so, ama Ebɔrɛ e shin nɛ a daŋ.

Ditɛronɔmi 32:2

Ma keŋini beeŋ ba fanɛ bɔrɛchu nɛ kasawule e pɔ fanɛ bunyaŋ ka tɔr. Ma mmalga beeŋ tɔr to fanɛ bɔrɛ ka bee ba asɔduuso popɔrbi so ŋko fanɛ bɔrɛ ka bee furi afitiri wurbi so.

Demujipoana 6:36

Nɛ Gidiɔn kule Ebɔrɛ ŋ kaŋɛ: “Nɛ feeŋ bɔla ma so m mɔlga Israɛlebi fanɛ kananɛ fo nase kɔnɔ na,