Maika 5:6 - EBƆRƐ BE KAWƆL

⁶ Anyi be bejuŋkparpo lempoana ere beeŋ keta benapo nɛ b kɔ eleŋ ga n ya kɔ m mɔlga anyi ashi Asiriyaebi nɛ baa shuŋ kegbir nɛ baa tre Nimrɔd na be enɔ to jemanɛ nɛ baaŋ ba bure n luri anyi be kasawule to na.

Maika 5:6 ပူးပေါင်းရင်းမြစ်များ

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

1 Kronikɛls 1:10

Kush pibinyɛn e daa la Nimrɔd. Nimrɔd e daa la durnya kikɛ be sososo be enapogboŋ.

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

Job be kawɔl 29:22

Ma alɛ baŋ malga n loge, b maŋ naa kaŋɛ shɛŋ a ti so. Ma mmalga daa luri bumo to nna fanɛ bɔrɛchu ka bee luri kasawule to na.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Nshɛ 72:6

Shin nɛ e baa kɔ kechɛto a sa basa fanɛ kananɛ bɔrɛchu bee sa adɔsawule kayul na.

Aizaaya 14:2

Efuli pɔtɛana so be basa beeŋ chɛ Israɛl be basa to nɛ b bɛta n yɔ kasawule nɛ Enyɛnpe Ebɔrɛ na sa bumo na so. Efuli pɔtɛ ebi na beeŋ ya kaa shuŋ Israɛlebi na fanɛ anya, nɛ Israɛlebi na e naa ji kuwura basa nɛ b daa kɔrfɛ bumo na so.

Aizaaya 14:25

Meeŋ mur Asiriya be efuli so be basa ashi ma kasawule nɛ k la Israɛl be fuli na so nseŋ chichi bumo so ashi ma abee so. Ma alɛ beeŋ mɔlga ma basa ashi bumo be etɔrɔ kikɛ nɛ bumo be kebaala Asiriyaebi be anya to.

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Aizaaya 37:36

Ade kikɛ be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi, nɛ bumo kikɛ wu a dese!

Aizaaya 37:37

Ndoŋ nna nɛ Asiriya be ewurgboŋ, Sennakerɛb bɛta n yɔ mbe ewurkpa ashi Asiriya be efuli so be kadegboŋ nɛ baa tre Ninɛve na.

Aizaaya 6:13

Basa kudu to be esa koŋwule gba ka kasawule na so, mo alɛ gba beeŋ mur. E beeŋ ki fanɛ kedibi gboŋgboŋi nɛ b ku n lɛ be keyimu.” (Keyimu na yili n sa Ebɔrɛ be basa ka beeŋ naŋ fara kepopɔr to nna.)

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Nahum 2:11

Naniere nnɛ nɛ Ninɛve nɛ k daa du fanɛ ebuluŋ be kelaŋ na naa wɔ? K daa du fanɛ kakpa nɛ ebuluŋ nyɛnso nɛ becheso kikɛ beeŋ lar ŋ ka bumo be bibi nɛ shɛŋ maaŋ wora bumo nna.

Zefanaiya 2:13

Enyɛnpe Ebɔrɛ na beeŋ ta mbe eleŋgboŋ m mur Asiriya be efuli nseŋ shin nɛ kadegboŋ nɛ baa tre Ninɛve na e bure n dese fanɛ keshishɛrsawule nɛ k maŋ kɔ nchu na.

Zefanaiya 3:12

Bekama nɛ b du boeŋ nsaa bar bumo be amu ase kashenteŋto na bre, m maaŋ ju bumo, ŋkpal b ka ta bumo be yirda n deŋi ma so so.

Luuk 1:71

‘E nase kɔnɔ fanɛ e beeŋ mɔlga anyi ashi an doŋana nɛ basa nɛ b kishi anyi kikɛ be eleŋ to.’

Luuk 1:74

nseŋ bɔ fanɛ e beeŋ mɔlga anyi ashi an doŋana kutɔ

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Ditɛronɔmi 32:2

Ma keŋini beeŋ ba fanɛ bɔrɛchu nɛ kasawule e pɔ fanɛ bunyaŋ ka tɔr. Ma mmalga beeŋ tɔr to fanɛ bɔrɛ ka bee ba asɔduuso popɔrbi so ŋko fanɛ bɔrɛ ka bee furi afitiri wurbi so.