Maika 5:1 - EBƆRƐ BE KAWƆL

¹ Jerusalɛmebi, men gama men be benapo abar so n wora shiriya, ŋkpal manɛ so, bedoŋ kulti anyi nna n wɔtɔ! Baa fin kekɔ Israɛlebi be ewura kena ŋ ŋe mbe ketaya kedibi nna.

Maika 5:1 ပူးပေါင်းရင်းမြစ်များ

Jɛnesis 35:19

Reechel ka wu nɛ b puli mo ashi Efraf be ekpa to. Ndoŋ koŋwule na e la Bɛtlɛhɛm na.

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

1 Bewura 22:24

Ndoŋ nna nɛ anebi Zɛdikaya yɔ anebi Mikaya kutɔ n ya kpa mo etaŋ anishito nseŋ bishi mo le: “Saŋɛ mo nɛ Enyɛnpe Ebɔrɛ yige ma nseŋ ya malga fo kutɔ?”

2 Bewura 24:2

Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

Job be kawɔl 16:10

Basa bee gbɛlɛ ma nna nsaa mɛr nnɔ a ŋini ma. Baa gama nna a kpa ma anishito etaŋ nsaa wora ma eyurto.

Aŋasa 8:23

Sososo kikɛ nɛ e to ma. N wɔtɔ nna pɔɛŋ nɛ durnya fara.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 8:9

Efuli pɔtɛana so ebi, men gama abar so kufuso! Menyi bumo nɛ men wɔ durnya be mboŋ wɔfɔ wɔfɔ e kaŋ asoe n nu nfe. Men bela ase nɛ kekɔ kena, ama men baa ŋana kufu! Kashenteŋto, men bela ase, ama men baa ŋana kufu!

Aizaaya 9:5

Benapo nɛ b bɛ abar so a nite be asɛbtagboŋ nɛ bumo be asɔbuuso nɛ ŋklaŋ gbiti na kikɛ beeŋ chɔɔ edɛ to m mur.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 4:7

Kananɛ buluŋ bee shi kumo be eŋanakpa a lar na nɛ bekɔpo nɛ baa mur efuliana na lar a ba. Baa ba nɛ b ba mur Juda nna nɛ kumo be ndegboŋ e ki alambure nɛ esa kikɛ maaŋ naa wɔ amo to.

Nfabel 3:30

Hale nɛ b bri anyi nseŋ tege anyi gba, an sɔ kumo loŋ.

Ezikɛl 21:32

Menyeeŋ ki fanɛ ndibi puga edɛ, menyi be ŋklaŋ beeŋ wurge menyi be kasawule so nɛ esa kikɛ maaŋ naŋ nyiŋi menyi kikɛ; ŋkpal manɛ so, ma Enyɛnpe Ebɔrɛ na e malga na.”

Ezikɛl 24:2

“Dimɛdi pibi, Ezikɛl, sibɛ kabre be kachɛ ere n nase, ŋkpal manɛ so, k la kachɛ nɛ Babilɔn be ewura kre kena m ba kulti Jerusalɛm n wɔtɔ a kɔ nna.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Jowɛl 3:9

Nɛ Anebi Jowɛl kaŋɛ: “Men ta le be kubɔya ere n sa efuli pɔtɛana so ebi kikɛ fanɛ b bela ase ŋ kɔ kena. Ekama e tre mbe benapo ŋ gbargbar n shin nɛ b lar m wora shiriya.

Eemɔs 2:3

Meeŋ mɔ Mowab be ewura nɛ mbe benimu kikɛ.” Ma Enyɛnpe Ebɔrɛ na e malga na.

Habakuk 1:6

Meeŋ shin nɛ Babilɔnebi nɛ b la ŋgbene kpakpasowuraana a maa ŋana shɛŋ nsaa maŋ kɔ kechena n wushi kikɛ na e ji eleŋ. Baa lar nna a ba nɛ b ba kɔ durnya be kasawule kama so be basa kena.

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

Matiu 26:67

Ndoŋ nna nɛ b tuu echɔl n fea mbe anishito nsaa ŋmɛa a ŋmɛa mo

Matiu 27:30

Kumo be kaman nɛ b tuu echɔl n fea mo nseŋ ta kekpabi ŋ ŋmɛa mbe kumu.

Matiu 5:39

Ama ma e kaŋɛ menyi na fanɛ, nɛ esa lubi ko wora menyi kulubi, men sa maŋ wora mo kulubi n tal to. Nɛ esa baŋ kpa fo jisoso be ketaya etaŋ, fo naŋ kilgi fo bena so be ketaya gba n sa mo.

Baru lela nɛ Jɔn kute na 18:22

Yesu ka malga le ere n loge nɛ bekumpo nɛ b daa yil ndoŋ na be eko kpa mo etaŋ nseŋ bishi mo le: “Le nɛ baa malga bɔrɛmatapo nimuso kutɔ a?”

Baru lela nɛ Jɔn kute na 19:3

nsaa yɔ a yɔ mo kutɔ n ya kaa kaŋɛ mo le: “Ebɔrɛ e sa Juwebi be Ewura na ŋkpa tenteŋ,” nseŋ kpa ŋ kpa mo etaŋ.

Ashuŋ Shunso 23:2

Ndoŋ nna nɛ bɔrɛmatapo nimuso Ananiyas shin nɛ basa nɛ b daŋ yili n taga to Pɔɔl na ŋmɛa Pɔɔl be kɔnɔ.

2 Kɔrintebi 11:20

Kashenteŋto, menyee tiŋ a nyiti ekama nɛ e bee ta menyi fanɛ anya ŋko ekama nɛ e bee ji menyi so ŋko emo nɛ e bee dese kasawule a nya menyi ŋko emo nɛ e bee keni menyi a bɔl ŋko emo nɛ e bee kpa menyi etaŋ.

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.

Ditɛronɔmi 33:27

Ebɔrɛ nɛ e wɔtɔ mbaanaayɔ na e la menyi be ekumpo. Mo e kɔ menyi mbe enɔana to na. Mo koŋwule na e naa ju men doŋana ashi menyi so na. Mo e naa malga nɛ menyee mur men doŋana na.

Demujipoana 17:7

Livai be yiri to be kabrantiɛbia ko daŋ shi kade nɛ baa tre Bɛtlɛhɛm nɛ k wɔ Juda be efuli so nna