Maika 4:4 - EBƆRƐ BE KAWƆL

⁴ Loŋ be jemanɛ na, ekama na beeŋ chena mbe ndibi sɔrso be kudɔ to nɛ kayurwushi nɛ esa kikɛ maaŋ naa funti mo. Ŋkpal manɛ so, Enyɛnpetale Ebɔrɛ na be kɔnɔ naseso nna na.

Maika 4:4 ပူးပေါင်းရင်းမြစ်များ

1 Bewura 4:25

Juda nɛ Israɛl be efuli nɛ k yili Dan nɛ k wɔ kelargato be esoso n ya fo Bɛshiba ashi kelargato be kaseto kikɛ daa kɔ kayurwushi nna saŋɛ nɛ ewura Sɔlɔmɔn wɔ ŋkpa to na. Ekama nɛ mbe kanaŋ daa chena mbe kefeelebi nɛ k bee sɔr asɔrso nɛ baa tre greep na nɛ figi be ndibi be afito kagbenewushiso nna.

1 Bewura 5:5

Ŋkpal Enyɛnpe Ebɔrɛ ka nase kɔnɔ n sa n tuto ewura Deevid fanɛ mbe kebia e naaŋ ba ki ewura nseŋ pɔr bɔrɛlambu nɛ baaŋ baa bunyaŋ Enyɛnpe Ebɔrɛ kumo to mbe kaman na so nɛ n yili kumo fanɛ meeŋ pɔr kumo nɛ b baa bunyaŋ Enyɛnpe ma Ebɔrɛ na kumo to.

Job be kawɔl 11:19

Fo maaŋ naa ŋana fo doŋana. Basa damta malɛ beeŋ baa fin kechɛto fo kutɔ.

Nshɛ 72:3

Shin nɛ kayurwushi nɛ keji asheŋ nɛ amo be ekpa so e baa wɔ basa nɛ b tase abeegboŋ nɛ abeebi kikɛ so.

Aŋasa 3:25

Ŋko a fɔŋ etɔrɔ purgiso nɛ a bee kaa ba basa lubi so fanɛ afugboŋ na so.

Aizaaya 1:20

Ama nɛ men kplaŋ ma so bre, kumo ere menyeeŋ wu kena to. Ma, Enyɛnpe Ebɔrɛ na, e kaŋɛ na.”

Aizaaya 17:2

Siriya be efuli so be ndegboŋ beeŋ ki nde nɛ ekama shile ka amo nɛ a dese fuloŋ. A beeŋ ki mbolpɔ nɛ ana be ejikpa nɛ esa kikɛ maaŋ baa ju amo a lar ndoŋ.

Aizaaya 22:25

Naniere bre keyir na gbir kasawule to kpakpa nna na, ama kachako bee ba nɛ k gbuŋgbuŋ n tia n tɔr. Saŋɛ na so asɔ kama nɛ amo be egbɛ daa deŋ kumo so na gba beeŋ mur.” Kusɔ nɛ Enyɛnpe Ebɔrɛ na kaŋɛ nna na.

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Aizaaya 32:17

Ŋkpal ekama ka beeŋ baa wora kusɔ nɛ k daga so, kayurwushi beeŋ ba nɛ kufu maaŋ naa kɔ esa kama mbaanaayɔ.

Aizaaya 36:16

Men sa maŋ nu n sa ewura Hɛzekaya! Men nu n sa ma ewurgboŋ na. Menyi alɛ e ta menyi be amu n sa mo. E beeŋ shin nɛ men baa kraa kɔ menyi be waindibi be adɔana nɛ efigi be ndibi be asɔrso a ji nsaa nu menyi be atirbu to be nchu

Aizaaya 40:5

Saŋɛ na so, Enyɛnpe Ebɔrɛ na be keshi nɛ kemaŋkura beeŋ lar efuli nɛ basa kikɛ e wu kumo. Enyɛnpe Ebɔrɛ na gbagba e nase kumo be kɔnɔ!”

Aizaaya 54:14

Fo basa be kewora kusɔ nɛ k daga nɛ bumo be kewora asheŋ nɛ amo be ekpa so beeŋ shin nɛ fo baa kɔ eleŋ. Ma alɛ beeŋ lara bumo be kafɔŋ kikɛ ashi fo to, nɛ a maa naŋ taga fo to gba kuraa.

Aizaaya 58:14

menyeeŋ nya kagbenefuli nɛ k shi kebaashuŋ ma, Enyɛnpe Ebɔrɛ na to. Meeŋ shin nɛ men nya bunyaŋ ashi durnya be kaplɛkama nɛ menyi alɛ e naŋ ji kasawule nɛ n sa menyi nananyɛn Jeekɔb na be ebel. Ma Enyɛnpe Ebɔrɛ e kaŋɛ na!”

Jɛremaya 23:4

Ma alɛ beeŋ lara bejuŋkparpo nɛ baŋ keni bumo so kananɛ k daga nɛ kufu maaŋ naa kɔ bumo nɛ b baa chicha kufuso. M maaŋ naŋ gberge bumo kusoe kikɛ. Bumo be ekoŋwule gba maaŋ foe bumo to. Ma, Enyɛnpe Ebɔrɛ e kaŋɛ na.”

Jɛremaya 30:10

Ma basa, men sa maa lɔ kufu; Israɛl be basa, men sa maa chicha kufuso. Meeŋ kɔ n suge menyi ashi efuli wɔfɔ be basa be enɔ to, nɛ kasawule nɛ men la anya kumo so be basa be enɔ to na. Menyi beeŋ bɛta m ba epe m baa kaa wɔ kayurwushi to; nɛ shɛŋ shɛŋ maaŋ naa tɔrɔ menyi; esa kikɛ malɛ maŋ naa ta kufu a da menyi.

Ezikɛl 34:25

Ma nɛ bumo beeŋ wora kɔnɔkoŋwule be ŋkre nɛ k beeŋ bar bumo kayurwushi. Ma alɛ beeŋ ju kupuŋ to be asɔbɔya lubi na kikɛ kasawule na so, saŋɛ na so ma mbolpɔ maaŋ naa ŋana kufu.

Ezikɛl 34:28

Loŋ be jemanɛ so, efuli pɔtɛana maaŋ naŋ tiŋ m ba kɔ n suge bumo be asɔbɔya, nɛ kupuŋ to be asɔ lubi gba maaŋ naŋ pɛ bumo n ji. Baaŋ chena kayurwushi so nna nɛ esa kama maa naa funti bumo.

Ezikɛl 38:11

Fo alɛ beeŋ baa sha kekɔ m pɔɔ efuli nɛ kumo be basa chena kayurwushi so ashi nde nɛ b maŋ pɔr egbalana a kuŋ amo na so.

Ezikɛl 39:26

B kaŋ ba chena bumo gbagba be kasawule so kayurwushi so nɛ esa kikɛ maŋ naa funti bumo na, baaŋ teŋ bumo be anishinyɔr nɛ b daŋ ji ŋkpal b ka daŋ debɔr ma na so.

Levitikɔs 26:6

Meeŋ sa menyi kayurwushi menyi be kasawule so, nɛ men baa dese a di nsaa maa lɔ kufu ŋkpal esa kikɛ so. Meeŋ mur asɔbɔya lubi kikɛ kasawule na so, nseŋ shin nɛ kena maaŋ naa wɔ ndoŋ.

Maika 5:3

Amoso Enyɛnpe Ebɔrɛ na beeŋ kplaŋ mbe basa so nɛ b baa kraa wɔ bumo doŋana be enɔ to n ya fo jemanɛ nɛ eche nɛ e beeŋ kurge loŋ be ewura na beeŋ kurge ebinyɛn. Saŋɛ na so nɛ Israɛl be basa nɛ b wɔ kenyaya to ashi efuli pɔtɛana so na e bɛta m ba ti bumo peebiana so a wɔtɔ.

Zefanaiya 3:13

Israɛl be basa nɛ b ka na bre maaŋ wora kulubi, bumo alɛ maaŋ ku efɛ ŋko a na a fule basa. Asheŋ beeŋ baa nite nɛnɛ a sa bumo nɛ shɛŋ maaŋ naa fɔŋ bumo. Esa kikɛ maaŋ naŋ tiŋ n ta kufu n da bumo.

Zakareya 3:10

Kachɛ na kaŋ fo ekama beeŋ kela n tre mo kurgepoana nɛ b ba chena n ji kekurge kagbenewushiso ashi bumo be ndibi sɔrso be afito.