Maika 4:3 - EBƆRƐ BE KAWƆL

³ E beeŋ naŋ lɔŋɛ efuliana nɛ a wɔ kufɔ nɛ tatato kikɛ, nɛ kelaŋtokɔ wɔ bumo be kefɛato na nɛ b naŋ nyalɛ abar so. Saŋɛ na so nɛ b ta bumo be etokobi m bel ntekpa nseŋ ta bumo akpa malɛ m bel eloji. Efuliana na maaŋ naa ŋini bumo basa kena be kekɔ kikɛ ŋko n naŋ kɔ abar kena gba kuraa.

Maika 4:3 ပူးပေါင်းရင်းမြစ်များ

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Nshɛ 72:3

Shin nɛ kayurwushi nɛ keji asheŋ nɛ amo be ekpa so e baa wɔ basa nɛ b tase abeegboŋ nɛ abeebi kikɛ so.

Nshɛ 72:7

Shin nɛ ewura na e baa ji asheŋ nɛ amo be ekpa so a sa ekama, nseŋ shin nɛ kayurwushi nɛ kedamaya e sɔ kaplɛkama hale nɛ kufɔl e ya wu.

Nshɛ 82:8

O Ebɔrɛ, koso n ji durnya demu, ŋkpal manɛ so, efuliana na kikɛ la fo peya nna.

Nshɛ 96:13

n sa Enyɛnpe Ebɔrɛ na. E bee ba nɛ e ba bɔla ekpa niŋiso nɛ kashenteŋ so nna n ji basa nɛ b wɔ durnya to demu.

Nshɛ 98:9

Ŋkpal manɛ so, mo e naa ba nɛ e ba ji kuwura kasawule so. E beeŋ ba bɔla ekpa niŋiso so n ji esa kama nɛ e wɔ kasawule so demu nɛ e maŋ kpɛa ekama to.

Aizaaya 2:4

Enyɛnpe Ebɔrɛ na beeŋ naŋ lɔŋɛ efuligboŋana nɛ kelantokɔ wɔ amo be basa to na nɛ b naaŋ nyalɛ abar so. Kumo be kaman nɛ b ta bumo be etokobi m bɛl ntekpa nseŋ ta bumo be akpa malɛ m bɛl eloji. Efuliana na maaŋ naa ŋini bumo be basa kena be kekɔ kikɛ, ŋko n naaŋ kɔ abar kena gba kuraa.

Aizaaya 25:3

Basa nɛ b wɔ efuli lempoana so beeŋ kpaŋ fo; nɛ bumo nɛ b wɔ ndegboŋana nɛ a wɔ efuliana nɛ b maa wu kuwɔr na to e ŋana fo.

Aizaaya 51:5

Meeŋ nya manaŋ m ba mɔlga bumo; ŋkpal manɛ so, ma kekɔmpɔɔso be jemanɛ taga to. Efuliana nɛ a wɔ keplasawule so kufɔ kufɔ na bee keni ma ekpa nna; ŋkpal manɛ so, baa tama fanɛ meeŋ baa mɔlga bumo nseŋ ji kuwura bumo so nna.

Aizaaya 60:12

Ama efuli ŋko kuwurji kama be basa nɛ b maaŋ shuŋ menyi be basa kikɛ beeŋ mur cheche kuraa.

Aizaaya 65:25

Ekuŋtuŋ nɛ mbolpɔ fɔlbi beeŋ tu abar a ji nɛ ebuluŋ e ji afitiri fanɛ ana. Awɔ beeŋ baa ji eshishɛr, amo alɛ maaŋ naa duŋ basa a mɔ. Kusɔ lubi kikɛ maaŋ naa wɔ ma kebee cheembi nɛ baa tre Zayɔn na so. Ma, Enyɛnpe Ebɔrɛ e kaŋɛ na.”

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Hoziya 2:18

Loŋ be saŋɛ na, meeŋ shin nɛ men baa wɔ kagbenewushi to nɛ kupuŋ to be asɔbɔya nɛ mbuibi ŋko kena to be adoŋsɔ gba maaŋ tiŋ n tɔrɔ menyi.

Hoziya 2:20

Meeŋ bɛ kɔnɔ nɛ n nase na so n ta fo ŋ ki meya, saŋɛ na so, feeŋ pin fanɛ ma e la Enyɛnpe Ebɔrɛ na kashenteŋto.

Jowɛl 3:2

Meeŋ gbargbar efuli pɔtɛana kikɛ so ebi m ba shɛr ketaŋɛ nɛ baa tre Jehoshafat na to n ji bumo demu ŋkpal asɔ lubi kama nɛ b wora ma basa na so. B pesaŋ Israɛlebi na to n wɔtɔ efuli pɔtɛana to nseŋ ta ma kasawule m barga to n sa abar.

Maika 5:15

Meeŋ nya agbo ga m bishi efuliana nɛ amo be basa kini kewora ma kasonu na kuwule.”

Zakareya 14:3

Kumo be kaman nɛ Enyɛnpe Ebɔrɛ na e lar n ya kɔ efuli pɔtɛana na, fanɛ kananɛ e daŋ wora jemanɛ nɛ k choŋ na.

Zakareya 8:20

Kede be kaman nɛ Enyɛnpetale Ebɔrɛ na naŋ kaŋɛ: “Jemanɛ ko bee ba nɛ basa damta e shi efuli pɔtɛana so be ndegboŋ damta to m ba Jerusalɛm to.

Zakareya 9:10

Enyɛnpe Ebɔrɛ na yɛ: “Meeŋ lara kena to be egbaŋɛturko nɛ egbaŋɛ ashi Israɛl be efuli so nɛ Jerusalɛm to. Ata nɛ b lɔŋɛ ŋkpal kena so na beeŋ buri to. Meeŋ bar kayurwushi efuliana na so, nɛ menyi be ewura e yili teku ko ase a ji kuwura n ya fo teku nyɔsopo ase. Mbe kuwurji beeŋ shi Yufreetes be Lɔr na ase n ya fo durnya be ekar kikɛ.”

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.

1 Samuɛl 2:10

Bekama nɛ baa kɔ fo Enyɛnpe Ebɔrɛ na beeŋ mur cheche. Feeŋ shin nɛ bɔrɛ e shi esoso m ponte ŋ kɔ bumo. Fo Enyɛnpe Ebɔrɛ na beeŋ ji durnya ere kikɛ demu, nseŋ ta eleŋ nɛ yuku n sa fo ewura lara so.”