Maika 4:2 - EBƆRƐ BE KAWƆL

² m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee na so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ mo alɛ bee shi Zayɔn be kebee so a malga a sa mbe basa.”

Maika 4:2 ပူးပေါင်းရင်းမြစ်များ

Nshɛ 110:2

Enyɛnpe Ebɔrɛ na beeŋ n shin nɛ fo kuwurji be eleŋ e shi Jerusalɛm n salga to, hale nɛ fo ji kuwura fo doŋana so.

Nshɛ 119:1

Kagbenefuli la bekama nɛ bumo be kebaawɔtɔ maŋ kɔ saŋgre kikɛ nɛ baa wora asheŋ a bɛ Enyɛnpe Ebɔrɛ be mbra be ekpa so na peya nna.

Nshɛ 119:171

Meeŋ bugi kɔnɔ ŋ kpaŋ fo, ŋkpal fo kaa bee ŋini ma fo mbraana so.

Nshɛ 122:1

Ma kagbene daŋ fuli nna ga ŋkpal b ka kaŋɛ ma le so: “An yɔ Enyɛnpe Ebɔrɛ na pe!”

Nshɛ 25:12

Fee ŋini basa nɛ baa ŋana fo bunyaŋ so na ekpa nɛ fo lara n sa bumo fanɛ b bɔla so na nna.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Aizaaya 54:13

Ma, Enyɛnpe Ebɔrɛ na gbagba e naŋ ŋini fo basa asheŋ, nseŋ sa bumo kedama nɛ kayurwushi damta.

Aizaaya 56:7

“Meeŋ bar menyi ma kebee cheembi nɛ baa tre Zayɔn nɛ k wɔ Jerusalɛm na so m ba sa menyi kagbenewushi ashi ma bɔrɛlambu to. Ma alɛ beeŋ sɔ menyi be esarga nɛ menyeeŋ lara ashi ma bɔrɛsure so. Ma bɔrɛlambu beeŋ baa la kabɔrɛkule be kakpa n sa efuli kama so be basa.”

Jɛremaya 31:6

Kashenteŋto, jemanɛ ko bee ba nɛ basa nɛ b yil Efrayim be apreŋ so a keni ma ekpa na e boŋ to ŋ kaŋɛ le: ‘Men shin nɛ an dii n yɔ Enyɛnpe anyi be Ebɔrɛ na kutɔ ashi Zayɔn be kebee na so n ya bunyaŋ mo.’ ”

Jɛremaya 42:3

Amoso kule Enyɛnpe, anyi be Ebɔrɛ na nɛ e ŋini anyi kakpa nɛ anyeeŋ yɔ nɛ kusɔ nɛ anyeeŋ wora.”

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Zakareya 14:16

Kumo be kaman nɛ basa nɛ baaŋ ji efute ashi efuli pɔtɛana nɛ b daŋ kɔ Jerusalɛm kena na e baa yɔ Jerusalɛm to kafɛ kikɛ n ya kaa bunyaŋ Enyɛnpetale Ebɔrɛ na fanɛ bumo be ewura nsaa ji Abuu to be Kachɛgboŋ na.

Zakareya 2:11

Loŋ be saŋɛ na efuli damtaana beeŋ ba Enyɛnpe Ebɔrɛ na kutɔ m ba ki mbe basa. E beeŋ ba chena menyi to nɛ men pin fanɛ mo e shuŋi ma menyi kutɔ.

Zakareya 9:10

Enyɛnpe Ebɔrɛ na yɛ: “Meeŋ lara kena to be egbaŋɛturko nɛ egbaŋɛ ashi Israɛl be efuli so nɛ Jerusalɛm to. Ata nɛ b lɔŋɛ ŋkpal kena so na beeŋ buri to. Meeŋ bar kayurwushi efuliana na so, nɛ menyi be ewura e yili teku ko ase a ji kuwura n ya fo teku nyɔsopo ase. Mbe kuwurji beeŋ shi Yufreetes be Lɔr na ase n ya fo durnya be ekar kikɛ.”

Maak 16:20

Bebɛsopo na ya bɔ bumo be kubɔya kaplɛkama nɛ bumo nɛ Enyɛnpe shuŋ nɛ Enyɛnpe ta etɔɔnɛsheŋ ŋ ŋini fanɛ bumo be kubɔya na la kashenteŋ nna. Amɛn.]

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Baru lela nɛ Jɔn kute na 6:45

Anebiana na be nsibɛ na to bee kaŋɛ fanɛ: ‘Ebɔrɛ beeŋ ŋini basa kikɛ asheŋ.’ Ekama nɛ e bee nu kusɔ nɛ Etuto na bee kaŋɛ nseŋ naa koya asheŋ ashi mo kutɔ bee ba ŋ kutɔ nna.

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Ashuŋ Shunso 1:8

Ama men baa nyi fanɛ Kiyoyu Cheeŋ na kaŋ gbelge menyi so, menyeeŋ baa kɔ eleŋ menyi to a malga ma asheŋ a sa basa ashi Jerusalɛm to nɛ Judiya kikɛ to nɛ Samɛria to nɛ durnya ere kikɛ nyam to.”

Ashuŋ Shunso 13:42

Pɔɔl nɛ Baanabas ka bee lar nshɛrbu na to nɛ basa na kule bumo fanɛ b naŋ bɛta m ba kewushiachɛ nɛ k naa ba m ba kaŋɛ bumo asheŋ na be ako n ti so.

Romebi 15:19

Kiyoyu na be eleŋ to nɛ m bɔla n shin nɛ b wu etɔɔnɛ nɛ emamachisheŋ. Amoso, baŋ yili Jerusalɛm be kade to n ta ŋ kulti n ya fo Ilirikem kikɛ m bɔ Kristo be baru lela na nɛnɛ n sa basa.

Ditɛronɔmi 6:1

“Mbraana nɛ Enyɛnpe menyi be Ebɔrɛ na ta n sa ma fanɛ ŋ ŋini menyi nna na. Men ya kaa wora amo kasonu ashi kasawule nɛ menyee dii Jɔɔdan be lɔr na a yɔ nɛ men ya sɔ n chena so na.