Maika 4:10 - EBƆRƐ BE KAWƆL

¹⁰ Men baa shu nsaa kii nnɔ to fanɛ eche nɛ kakurge ta na, ŋkpal manɛ so, k maaŋ chɛr nɛ men lar kadegboŋ na to n yaa kaa wɔ kupuŋ to. Baaŋ pɛ menyi n yɔ kufɔ kufɔ Babilɔn be efuli so, ama ma, Enyɛnpe Ebɔrɛ na, beeŋ mɔlga menyi ashi men doŋana be enɔ to ndoŋ.

Maika 4:10 ပူးပေါင်းရင်းမြစ်များ

2 Bewura 20:18

Baaŋ pɛ fo gbagba be mbinyɛnsobi ko n ya fɛl bumo nɛ b baa shuŋ Babilɔn be ewura be lambu to.”

2 Bewura 25:4

Loŋ be kafɛ na to nɛ Babilɔn be benapo na daŋ bure kade na be egbal n luri kade na to, nɛ ewura Zɛdikaya nɛ mbe benapo shile m bɔla kabunabi nɛ k wɔ kade na be egbal anyɔ be kefɛato a mata bewura be kambɔl na n sɔ Jɔɔdan be lɔr na be ketaŋɛ to be kaba so.

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

2 Kronikɛls 36:20

E daŋ pɛ basa nɛ b maŋ wu kena to na nna n yɔ Babilɔn be efuli wɔfɔ na nɛ b ya ki mo nɛ mbe mbia be anya hale n ya fo jemanɛ nɛ Pɛshiya be efuli so be kuwurji fara a ji eleŋ na.

2 Kronikɛls 36:23

“Ma Sairus nɛ n la Pɛshiya be efuli so be ewurgboŋ na e naa kaŋɛ menyi le na fanɛ Enyɛnpe Ebɔrɛ nɛ e wɔ ebɔrɛso na e ta durnya ere kikɛ be kuwura m buu ma nseŋ ta bɔrɛlambu na be kepɔr ashi Jerusalɛm nɛ k wɔ Juda be efuli so na be kushuŋ n sa ma. Amoso, menyi bekama nɛ men la Ebɔrɛ be basa na e yɔ n ya lɔŋɛ bɔrɛlambu na m pɔr. Enyɛnpe menyi be Ebɔrɛ na e baa wɔ menyi kutɔ.”

Nshɛ 106:10

E daŋ mɔlga bumo kikɛ ashi basa nɛ b kishi bumo be enɔ to nna,

Aizaaya 43:14

Kusɔ nɛ Enyɛnpe, Israɛl be Ebɔrɛ cheembi nɛ e mɔlga bumo na kaŋɛ nde: “Meeŋ shuŋi benapo ko nɛ b ba kɔ Babilɔn be efuli so be basa kena nseŋ mɔlga menyi. Ma alɛ beeŋ buri kadegboŋ na be mbunagboŋ to, nseŋ shin nɛ benapo na e ta Babilɔn be basa n wɔtɔ bumo gbagba be ekuloŋgboŋ to n sulɔ bumo a yɔ nɛ b baa boŋ to a shu.

Aizaaya 45:13

Ŋ gbagba e we n wɔtɔ ewura Sairus nɛ e koso a wora kusɔ nɛ mee sha nɛ asheŋ e nyalɛ. Meeŋ shin nɛ asheŋ e baa du pɔtɔ pɔtɔ n sa mo. Saŋɛ na so e beeŋ lɔŋɛ ma kadegboŋ nɛ baa tre Jerusalɛm na m pɔr, nseŋ sɔ ma basa n yige nɛ b nya bumo be amu. Esa kikɛ maŋ ber mo paa ŋko n sa mo kusɔ ko fanɛ e wora loŋ. Ma, Enyɛnpe Ebɔrɛ e malga na.”

Aizaaya 48:20

Naniere, men lar Babilɔn be efuli so! Men ta kayurji a yɔ. Men shin nɛ menyi be ŋgbene e fuli menyi nɛ men baa boŋ to awɔrso a kaŋɛ ekama le: ‘Enyɛnpe Ebɔrɛ na kɔ n suge anyi, Israɛlebi nɛ an la mbe anya na!

Jɛremaya 13:4

“Ta dɔkɔri na n yɔ Yufreetes be Lɔrgboŋ na ase n ya puli kefalta be kemaŋ to.”

Jɛremaya 15:21

Ma alɛ beeŋ kɔ n suge fo ashi kumu kpakpasowuraana nɛ b maa wu kuwɔr ere be enɔ to. Ma, Enyɛnpe Ebɔrɛ e kaŋɛ na.”

Jɛremaya 29:20

Menyi kikɛ nɛ n shin nɛ b pɛ n yɔ Babilɔn be efuli so n ya ki anya na e nu kusɔ nɛ ma, Enyɛnpe Ebɔrɛ na kaŋɛ.

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 48:41

Baaŋ kɔ n suge ndeana na nɛ mboŋ lempoana na kikɛ. Loŋ be kachɛ na kufu beeŋ pɛ Mowab be benapo fanɛ kananɛ kufu bee pɛ eche nɛ kakurge ta mo na.

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Hoziya 13:13

Israɛl kraa kɔ ekpa nɛ e ji efute, ama e ki fanɛ kebia wulpo nɛ mbe kakurge fo nɛ e kini k lar nna.

Hoziya 2:14

Ma Enyɛnpe Ebɔrɛ gbagba beeŋ naaŋ kule Israɛlebi fanɛ b bɛta n tu ma m ba keshishɛrsawule so nɛ m malga kashaso bumo kutɔ.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Maika 5:3

Amoso Enyɛnpe Ebɔrɛ na beeŋ kplaŋ mbe basa so nɛ b baa kraa wɔ bumo doŋana be enɔ to n ya fo jemanɛ nɛ eche nɛ e beeŋ kurge loŋ be ewura na beeŋ kurge ebinyɛn. Saŋɛ na so nɛ Israɛl be basa nɛ b wɔ kenyaya to ashi efuli pɔtɛana so na e bɛta m ba ti bumo peebiana so a wɔtɔ.

Kelaraŋŋini 12:14

Ama b daŋ sa kache na kusoregboŋ be atɛ anyɔ nna fanɛ e ta n firgi n shile kusɔkpaŋ na n yɔ kiyi to, mbe kakpa, fanɛ b ya kaa keni mo so nfɛ asa nɛ bargato.