Maika 3:7 - EBƆRƐ BE KAWƆL

⁷ Bumo be bekama nɛ baa wu echefoso be asheŋ a kaŋɛ na beeŋ ŋaba, ŋkpal manɛ so kusɔ nɛ baaŋ kaŋɛ na maaŋ wora m bɔlɔ so. Baaŋ ji nyɔmɔ, ŋkpal manɛ so Ebɔrɛ maaŋ naaŋ tuge bumo.’ ”

Maika 3:7 ပူးပေါင်းရင်းမြစ်များ

Nshɛ 74:9

Emamachisheŋ maŋ naa wɔtɔ, anebiana na gba maŋ naa wɔtɔ. Ekama malɛ maŋ nyi saŋɛ nɛ asheŋ na beeŋ fo amo be ekar.

Ɛksodɔs 9:11

Ŋkpal loŋ be alɔbi na ka daŋ pɛ ŋkilgiwuraana na gba so b daa maŋ naŋ tiŋ n yili Mosis be anishito.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Jɛremaya 18:18

Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Ezikɛl 24:17

Fo alɛ e sa maŋ shin nɛ esa e nu fo ka bee shuto gba. Sa maŋ kaŋ shɛŋi fo neemu fo kumu so ŋko n lara fo asɛbta nsaa na aya fuloŋ a ŋini fanɛ fee shu keeli nna. Fo alɛ e sa maŋ buu fo anishiakpa so ŋko n ji daŋkare be ajibi nɛ basa nɛ baa shu nli bee ji na.”

Ezikɛl 24:22

Saŋɛ na so nɛ menyi alɛ gba e wora kananɛ n wora ere. Menyi maaŋ ta asɔ m buu menyi be anishiakpaana so ŋko n ji daŋkare jibi nɛ basa nɛ baa shu nli bee ji na.

Levitikɔs 13:45

Esa kama nɛ e bee lɔ kulɔ lubi daga e baa buu asɔfarbi nsaa maa mɔ mbe emin to nna. Mo alɛ e baa ta wajɛ a buu mbe kamuna so a gbelge mbe eyur so nsaa nite a ponte to a kaŋɛ, ‘M maŋ walɛ so, m maŋ walɛ so!’

Eemɔs 8:11

Kachako bee ba nɛ n shin nɛ akoŋ e tɔr kasawule ere so. Akoŋ nɛ k maŋ la ajibi be akoŋ beeŋ pɛ basa, nɛ achukoŋ nɛ k maŋ la nchu be achukoŋ e mɔ basa. Ekama beeŋ baa fin abɔrɛsheŋ be kenu fanɛ kananɛ baa fin nchu nɛ ajibi na. Ma Enyɛnpetale na e malga na.

Maika 3:4

Kachako menyeeŋ shu ŋ kule Enyɛnpe Ebɔrɛ na, ama e maaŋ nu menyi be kekule. Ŋkpal menyi be alubi so, e beeŋ kpele mbe anishi nsaa maaŋ tuge menyi gba kuraa.

Maika 7:16

Efuli pɔtɛana nɛ baa puchi bumo be eleŋ so beeŋ wu asheŋ ere nɛ aba e pɔ bumo nɛ b lo bumo be nnɔ nseŋ ti bumo be asoe kagbenejijaso.

Zakareya 13:4

Loŋ be jemanɛ na kaŋ fo, anebi kikɛ maaŋ naa puchi mbe ebɔrɛdare so ŋko a wora anebi be aworbi ŋko a buu anebi be epiŋi a fule basa.

1 Samuɛl 14:37

Nɛ Sɔɔl bishi Ebɔrɛ le: “N naaŋ ya kɔ Filistiebi na kena a? Feeŋ shin nɛ an kɔ m pɔɔ bumo so a?” Ama kumo be kamɔnchɛ na Ebɔrɛ daŋ maŋ kaŋɛ bumo shɛŋ.

1 Samuɛl 28:15

Nɛ Samuɛl kaŋɛ Sɔɔl le: “Manɛ nna nɛ fo tɔrɔ ma loŋ hale n shin nɛ n naŋ bɛta m ba?” Nɛ Sɔɔl yɛ: “N wɔ tɔrɔ damta to nna! Filisti be basa na bee kɔ ma kena nna nɛ Ebɔrɛ kplaŋ ma so. E maŋ naa bɔla edare ŋko anebiana so a malga a sa ma. Amoso nɛ n tre fo nɛ fo kaŋɛ ma kusɔ nɛ k daga ŋ ka wora.”

1 Samuɛl 28:6

ndoŋ nna nɛ e bishi Enyɛnpe Ebɔrɛ kusɔ nɛ k daga e ka wora. Ama Enyɛnpe Ebɔrɛ daa maŋ kaŋɛ mo shɛŋ. E daa maŋ bɔla edare so ŋko bɔrɛmatapo so ŋko anebi so m malga n sa mo.

1 Samuɛl 9:9

Ndoŋ nna nɛ Sɔɔl kaŋɛ le: “Mbo! An yɔ kebɔrɛnya nɛ e bee wu asheŋ a kaŋɛ na kutɔ.” E daŋ kaŋɛ le nna ŋkpal manɛ so loŋ be jemanɛ na so Ebɔrɛ daa bɔla asheŋ be kewuŋkaŋɛ so nna a malga a sa basa. Basa nɛ baa wu asheŋ a kaŋɛ na nɛ b daa tre anebiana loŋ be jemanɛ na.