Maika 3:4 - EBƆRƐ BE KAWƆL

⁴ Kachako menyeeŋ shu ŋ kule Enyɛnpe Ebɔrɛ na, ama e maaŋ nu menyi be kekule. Ŋkpal menyi be alubi so, e beeŋ kpele mbe anishi nsaa maaŋ tuge menyi gba kuraa.

Maika 3:4 ပူးပေါင်းရင်းမြစ်များ

Job be kawɔl 27:9

Tɔrɔ be jemanɛ baŋ ba, Ebɔrɛ maaŋ nu bumo be kekule.

Job be kawɔl 35:13

Nɛ Enyɛnpetale Ebɔrɛ na bee kini kenu kabɔrɛkule fuloŋ nɛ baa kule na bre,

Nshɛ 18:41

B daa yɛla kenishi to nna a fin kechɛto; ama esa kama maŋ mɔlga bumo, nɛ b shu n tre Enyɛnpe Ebɔrɛ; ama e daa maŋ tuge bumo.

Aŋasa 1:28

Loŋ be saŋɛ na, feeŋ shu n tre ma, kanyiasheŋ, ama m maaŋ tuge fo. Feeŋ fin ma kenishipereso ama fo maaŋ wu ma.

Aŋasa 28:9

Ebɔrɛ maa nu esa nɛ e maa bɛ mbra so be kabɔrɛkule.

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Aizaaya 3:11

Ama asheŋ maaŋ nyalɛ n sa basa lubi na bre. Kusɔ nɛ b ta n wora basa ko na e naaŋ wora bumo alɛ gba naniere.

Jɛremaya 11:11

Amoso ma, Enyɛnpe Ebɔrɛ na beeŋ shin nɛ b ji awurfoŋ ga. Nɛ b kaa shu a fin ma kechɛto, m maaŋ tuge bumo.

Jɛremaya 14:12

Nɛ b kishi n luri kabɔrɛkule to gba, m maaŋ nu bumo be kekule nɛ baaŋ kule a fin kechɛto na. Nɛ b bar ma esarga chɔɔso nɛ ayu be esarga gba, bumo be asheŋ kraŋ maaŋ par ma. Kusɔ nɛ meeŋ shin nɛ k wora bumo e la fanɛ, baa wu kena to ŋko akoŋ nɛ alɔ beeŋ mɔ bumo.”

Jɛremaya 33:5

‘Basa na be beko beeŋ kɔ Babilɔn be benapo na nɛ benapo na e mɔ basa nɛ n nya agbo ga n wɔtɔ na n nase mboŋ nɛ nwuana na daa yil na. Ma alɛ beeŋ ta ma anishi ŋ ŋana kadegboŋ ere so ŋkpal asheŋ lubi nɛ kumo to be basa wora so.

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Maika 3:7

Bumo be bekama nɛ baa wu echefoso be asheŋ a kaŋɛ na beeŋ ŋaba, ŋkpal manɛ so kusɔ nɛ baaŋ kaŋɛ na maaŋ wora m bɔlɔ so. Baaŋ ji nyɔmɔ, ŋkpal manɛ so Ebɔrɛ maaŋ naaŋ tuge bumo.’ ”

Maika 7:13

Ama efuli pɔtɛana bre be nsawule beeŋ ki keshishɛrsawule ŋkpal bumo be basa be amukpakpaso so.

Zakareya 7:13

Ŋkpal b ka daŋ kini kenu n sa ma jemanɛ nɛ n daa malga bumo kutɔ na so, nɛ ma alɛ gba maŋ nu bumo be kekule.

Matiu 7:22

Kachɛ na kaŋ fo, basa damta beeŋ kaŋɛ ma le: ‘Enyɛnpe, Enyɛnpe, an daŋ bɔla fo ketre so nna n wu abɔrɛsheŋ ŋ kaŋɛ. An bɔla fo ketre so n ju mbuibi lubi basa to nseŋ wora emamachisheŋ damta!’

Luuk 13:25

Saŋɛ nɛ kowurnyɛn baŋ koso n ti kabuna na, yili saŋɛ na so nɛ menyi alɛ beeŋ yili kabuna to a ŋmɛa kabuna na a kaŋɛ: ‘Enyɛnpe, bugi anyi.’ Ama e beeŋ kaŋɛ menyi: ‘M maŋ nyi kakpa nɛ menyi shi.’

Baru lela nɛ Jɔn kute na 9:31

Anyi alɛ nyi fanɛ Ebɔrɛ maa nu a sa alubiworapoana, basa nɛ b kɔ kabɔrɛŋana nsaa wora mbe aparsheŋ na nawule nɛ e bee nu a sa.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

1 Samuɛl 8:18

Loŋ be saŋɛ na kaŋ fo, menyeeŋ fubel ga ŋ gbiti menyi be ewura nɛ men gbagba fin na, ama ma Enyɛnpe Ebɔrɛ malɛ maaŋ nu menyi be nfubel na.”