Maika 3:2 - EBƆRƐ BE KAWƆL

² ama men kishi alela be kebaa wora nna nsaa sha alubi be kebaa wora. Men wɔtɔ nna a debɔr ma basa nsaa jija bumo be atre fanɛ kananɛ baa luu kusɔbɔya be kawɔl nsaa marga kumo be eblaŋ ashi awibi so na.

Maika 3:2 ပူးပေါင်းရင်းမြစ်များ

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

Nshɛ 15:4

nɛ bumo nɛ bumo nɛ alubiworapoana maŋ kɔ shɛŋ na. Bumo e naa sa basa nɛ baa ŋana Ebɔrɛ bunyaŋ nsaa wora a bɔlɔ bumo be nnɔ naseso so, hale k du kpakpa gba na.

Nshɛ 53:4

Menyi alubiworapoana maaŋ koya a? Menyi nɛ men maa kule Ebɔrɛ nsaa wɔtɔ a kpɛa ma basa to fanɛ b ka bee we bodobodo na.

Aŋasa 28:4

Basa nɛ baa wora a da mbra so e naa ji a chɛ belubiworapo to. Basa nɛ baa bɛ mbra so bre maa sha belubiworapo be asheŋ.

Aizaaya 3:15

Menyi alɛ maŋ kɔ ekpa nɛ men nyaŋ ma basa n wɔtɔ nsaa ta betirpo fanɛ b maŋ la shɛŋ ŋkpal bumo be ketir so. Ma, Enyɛnpetale Ebɔrɛ na e kaŋɛ na.”

Aizaaya 5:20

Asheŋ maaŋ nyalɛ n sa menyi! Menyee ta kulubi nna a tre kelela nsaa ta kelela a tre kulubi. Menyee ta tentembiri nna a ki kefulto nsaa ta kefulto a ki tentembiri. Menyi alɛ naa ta kusɔ kekra nna a ki kusɔ belbelso, nsaa ta kusɔ belbelso a ki kusɔ kekra.

Aizaaya 57:12

Menyee fɛ fanɛ kusɔ nɛ menyee wora na daga nna, ama meeŋ shin nɛ menyi be asheŋ woraso e lar efuli nɛ menyi be agbirana e chɛ menyi to ŋ gben.

Ezikɛl 11:7

“Amoso kusɔ nɛ Enyɛnpetale Ebɔrɛ kaŋɛ e la fanɛ basa nɛ men mɔ n lɛ kaplɛkama na e ki eblaŋ nɛ kadegboŋ na malɛ ki kapuliya ama e beeŋ tintiŋ menyi n lar Jerusalɛm to.

Ezikɛl 22:27

Israɛl be benimuana na gba du fanɛ ekuntuŋ nɛ baa pɛ asɔbɔya a kpɛa to a we nna. Baa mɔ basa nna nsaa bɔla ekpa nɛ k maŋ daga so a dii dama.

Ezikɛl 24:4

Nseŋ ta eblaŋ na be alela fanɛ ebɛaŋ nɛ aba n wɔtɔ to. Bela awibi lela na gba n wɔtɔ nɛ k bɔlɔ.

Ezikɛl 34:3

Menyee nuu bumo be kenyipochu nna nsaa ta bumo be afuibi a lue asɔbuuso nseŋ naa mɔ bumo be belelabi a we, ama menyi alɛ maa keni bumo so nɛnɛ.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Maika 2:8

Kumo be kaman nɛ Enyɛnpe Ebɔrɛ na kaŋɛ: “Menyi kaa kɔ ma basa kena fanɛ b ka la bedoŋ nna. B baŋ shi kena to a ba epe a fɛ fanɛ epe nɛ kagbenewushi wɔ, menyi kaa ŋana ekpa to nna a jo nɛ b ba nɛ men yuri bumo be asɔbuuso.

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Maika 7:3

Alubi be kewora deŋ ekama nna. Ekrachi nɛ demujipoana bee tu basa nna a sɔ asɔ pɔɛŋ nsaa shuŋ bumo be ashuŋ a sa bumo. Ekama nɛ e kɔ eyilikpa basa to bee bɔla mbe eyilikpa so nna a fin asɔ a sa mbe kumu nna. Ekama wora kɔnɔ nna a shin nɛ loŋ be asheŋ bee wora.

Zefanaiya 3:3

Kumo be ekrachi du fanɛ ebuluŋ nɛ a bee munto nna, nɛ kumo be demujipoana malɛ du fanɛ ejiŋkaamu nɛ a bee pɛ kusɔ kanyɛso a ji nɛ, kare be kechɛ kachipurso nɛ shɛŋ maŋ naŋ ka na nna.

Luuk 19:14

Mbe efuli so ebi malɛ daŋ kishi mo ga, amoso, e ka yɔ nɛ b shuŋi mbɔ fanɛ b bɛ mo so n ya kaŋɛ bumo nɛ baaŋ buu mo kuwura na le: ‘Anyi ere maa sha kanyɛn ere ka ki anyi be ewura.’

Baru lela nɛ Jɔn kute na 18:40

Ndoŋ nna nɛ b ponte awɔrso ŋ kaŋɛ: “Ayai, mannɛ mo nɛ anyee sha. Barabas nɛ anyee sha.” Barabas ere daa kɔ ewura be eleŋ nna kelantokɔ to.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

2 Timoti 3:3

Basa maaŋ ba kaa kɔ kasha nseŋ lar kuwɔr to nsaa kɔ efɛ be eshɛda. Baaŋ ba kaa wɔtɔ a diewu, bumo alɛ nsaa la basa ŋana so nseŋ ba kaa kishi kelela be yiri kikɛ.