Maika 3:12 - EBƆRƐ BE KAWƆL

¹² Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Maika 3:12 ပူးပေါင်းရင်းမြစ်များ

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Nshɛ 79:1

O Ebɔrɛ, efuli pɔtɛana so ebi ba kɔ n suge fo kasawule. B shin nɛ fo bɔrɛlambu cheembi na wora eyurpi daŋkare be ekpa so, nseŋ shin nɛ Jerusalɛm ki kade bureso a dese fuloŋ.

Aizaaya 32:14

Basa beeŋ shile n lar ewurkpa ŋ ka kumo fuloŋ nɛ basa be elaŋ nɛ ebu lempoana nɛ a daa kuŋ basa na kikɛ e ki alambure a dese hale mbaanaayɔ. Kumo be kaman nɛ ndoŋ e ki ekurma be epelkpa nɛ mbolpɔ be ejikpa.

Jɛremaya 22:5

Ama nɛ men kini kenu n sa kusɔ nɛ mee kaŋɛ menyi kenishipereso ere, ŋ gbagba bee nase kɔnɔ ma ketre to nna fanɛ ewurkpa ere beeŋ ba ki kelambure n dese. Ma, Enyɛnpe Ebɔrɛ e kaŋɛ na.”

Jɛremaya 22:6

Kusɔ nɛ Enyɛnpe Ebɔrɛ na kaŋɛ a laŋɛ Juda be efuli so be ewurkpa be kaplɛa so nde: “Ma ere kutɔ, Juda be ewurkpa walɛ kebita nna fanɛ kananɛ Giliad be kasawule so nɛ Lebanɔn be abee so walɛ kebita na nna. Ama ma alɛ beeŋ shin nɛ k ki kakpa fuloŋ nɛ esa kikɛ maaŋ naa wɔ ndoŋ.

Jɛremaya 26:18

B yɛ: “Jemanɛ nɛ Hɛzekaya daa ji kuwura Juda be efuli so na, anebi Maika nɛ e shi kade nɛ baa tre Moreshɛf na daŋ bɔ kubɔya ŋ kaŋɛ basa na fanɛ Enyɛnpetale Ebɔrɛ na daŋ kaŋɛ le: ‘Baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ kebee nɛ bɔrɛlambu na yil so na e ki kupo.’

Jɛremaya 35:17

Amoso, naniere, ma Enyɛnpetale, Israɛl be Ebɔrɛ na beeŋ shin nɛ kemur nɛ n nase kumo be kɔnɔ na e ba menyi Juda nɛ Jerusalɛm be basa so. Meeŋ shin nɛ le a wora ŋkpal manɛ so, ŋ ka malga n sa menyi, menyi maŋ nu; ma alɛ ka tre menyi, menyi maŋ shuli so.”

Jɛremaya 44:2

Kusɔ nɛ Enyɛnpetale, Israɛl be Ebɔrɛ na kaŋɛ nde: “Menyi gbagba wu kemur nɛ n shin nɛ k ba Jerusalɛm nɛ Juda be efuli so be ndegboŋana na kikɛ so. Hale nɛ mbre a kraa dese fuloŋ nɛ esa kikɛ maŋ wɔ amo to,

Jɛremaya 52:13

m ba chɔɔ bɔrɛlambu na nɛ ewurkpa na nɛ kadegboŋ na to be nwu kikɛ n lɛ. E daŋ chɔɔ kowu kama nɛ k kɔ ketre nna n lɛ.

Jɛremaya 9:10

Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Nfabel 5:18

Ekama shile Zayɔn be kebee na so nɛ k dese fuloŋ, nɛ ejiŋkaamu sɔ kumo so a wora bumo be kepar.

Maika 1:6

Amoso nɛ Enyɛnpetale Ebɔrɛ na yɛ: Meeŋ shin nɛ Samɛria e ki alambure n deŋi abar so kululu. K beeŋ ki ndibi sɔrso be eduukpa. Meeŋ pesaŋ Samɛria be egbalana be ebirkesi to n lɛ ketaŋɛ to ŋ ka kumo be egbaltɔlaseana nawule n nase nɛ ekama e baa wu amo.

Matiu 24:2

Nɛ Yesu bishi bumo le: “Men wu asɔ ere kikɛ ŋko? Ma e kaŋɛ menyi kashenteŋto na fanɛ kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”