Maika 2:7 - EBƆRƐ BE KAWƆL

⁷ Menyi Israɛlebi nɛ men la Jeekɔb be kaman to ebi na kɔ ekpa nɛ men baa kaŋɛ fanɛ Enyɛnpe Ebɔrɛ na nya agbo nna n wora kusɔ nɛ e wora ere? Enyɛnpe Ebɔrɛ maa kaa nɛfa bekama nɛ baa wora asheŋ niŋiso nna a?”

Maika 2:7 ပူးပေါင်းရင်းမြစ်များ

Nshɛ 119:65

Enyɛnpe Ebɔrɛ, wora fo kayɛrbi kelela fanɛ kananɛ fo nase kɔnɔ ashi fo kamalga to na.

Nshɛ 119:68

Fo la esa lela nna nɛ fo asheŋ woraso kikɛ la asheŋ lela; amoso ŋini ma fo mbraana.

Nshɛ 15:2

Basa nɛ baa wora Ebɔrɛ kasonu kusɔ kama to na, nɛ bumo nɛ bumo be asheŋ woraso niŋi akpa na, nɛ bumo nɛ baa ji kashenteŋ ashi bumo be ŋgbene to

Nshɛ 18:26

Fee ta kagbenekoŋwule nna a wora asheŋ a sa bumo nɛ b kɔ kagbenekoŋwule. Ama fee gberge alubiworapoana bre kusoe nna.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Aŋasa 10:29

Enyɛnpe Ebɔrɛ bee kuŋ beshenteŋjipo nna, nsaa mur bumo nɛ baa wora alubi.

Aŋasa 10:9

Beshenteŋjipo bee nya kekuŋ nna, nɛ shɛŋ maa gbuŋgbuŋ bumo; ama kebirkɔnshiwura be asheŋ beeŋ lar efuli.

Aŋasa 14:2

Basa nɛ bumo be asheŋ wora so niŋi bee ŋana Ebɔrɛ nna, ama esa kama nɛ e maa wora asheŋ niŋiso maa sa Ebɔrɛ bunyaŋ.

Aŋasa 2:7

Mo e naa chɛ basa nɛ baa wora asheŋ niŋiso to nsaa kuŋ bumo.

Aŋasa 28:18

Kashenteŋji bee kuŋ esa nna, ama esa nɛ e maŋ niŋi bre bee tɔr manaŋ manaŋ nna.

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Aizaaya 58:1

Enyɛnpe Ebɔrɛ yɛ: “Boŋ to awɔrso ga ŋ kaŋɛ ma basa Israɛlebi na bumo be alubi be asheŋ!

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Jɛremaya 2:4

Menyi Israɛl be nnanto ebi kikɛ nɛ men la men nananyɛn Jeekɔb be kaman to ebi, men nu Enyɛnpe Ebɔrɛ na be kubɔya.

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Maika 3:9

Men nu nfe, menyi Israɛl be bejuŋkparpo, nɛ men kishi kebaaji asheŋ nɛ amo be ekpa so nsaa ta kulubi a tre kelela.

Zakareya 4:6

Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.”

Nɔmbɛs 11:23

Nɛ Enyɛnpe Ebɔrɛ kaŋɛ le: “Kusɔ ko du ma Enyɛnpe na so kpakpa a? K maaŋ chɛr, menyeeŋ wu kusɔ nɛ ŋ kaŋɛ ere ka wora.”

Matiu 3:8

Men baa wora asheŋ nɛ a bee ŋini fanɛ men lar menyi be alubi to

Baru lela nɛ Jɔn kute na 8:39

Ndoŋ nna nɛ b kaŋɛ Yesu: “Eebraham e la an tuto.” Nɛ Yesu kaŋɛ bumo: “Nɛ men daa la Eebraham be mbia nna, men daa beeŋ baa wora asɔ nɛ Eebraham daŋ wora.

Romebi 7:13

To, kede bee ŋini fanɛ kusɔ lela e bar luwu ŋko? Cha, mannɛ aloŋ nna kuraa. Kulubi e bɔla kusɔ lela so m bar ma luwu nɛ kumo be da lubi gbagba e lar efuli. Amoso, ntaŋ na so nɛ esa bee wu kananɛ kulubi baŋ lubi kashenteŋto.

2 Kɔrintebi 6:12

Anyi maa ta anyi be kasha a ŋana menyi so, menyi ere e naa ta menyeya a ŋana anyi so.

2 Timoti 3:5

Baaŋ ba kaa kɔ abɔrɛsheŋ na ketreso nsaa kini amo be eleŋ. Baa gelge loŋ be basa!