Maika 2:4 - EBƆRƐ BE KAWƆL

⁴ Kachɛ na kaŋ fo basa beeŋ baa boŋ nshɛ a wora menyi eyurto a kaŋɛ le: ‘Anyi ere mur cheche nna na! Enyɛnpe Ebɔrɛ na suge anyi be kasawule n sa bedebɔrpo.’

Maika 2:4 ပူးပေါင်းရင်းမြစ်များ

2 Samuɛl 1:17

Nɛ Deevid kpal Sɔɔl nɛ mo pibinyɛn Jonatan so n shu keeli ŋ karga awɔba.

2 Kronikɛls 35:25

Ndoŋ nna nɛ anebi Jɛremaya wora ewura Josaya be keeli be kashɛ. Israɛl be benyɛn nɛ beche kra boŋ kashɛ na a nyiŋi ewura Josaya be luwu saŋkama. Loŋ be kashɛ na wɔ Israɛlebi be nli be nshɛ be kawɔl to.

Job be kawɔl 27:1

Kede be kaman nɛ Job kraŋ naŋ kaŋɛ:

Aizaaya 14:4

E kaŋ wora loŋ n loge nɛ bumo alɛ e wora Babilɔn be efuli so be ewura eyur to nseŋ kaŋɛ le: “Ewura nyaŋnyaŋso na e tɔr na! E maaŋ naŋ tiŋ ŋ kɔrfɛ esa kikɛ!”

Aizaaya 24:3

Durnya na beeŋ jija nseŋ mur kuraa. Enyɛnpe Ebɔrɛ na e kaŋɛ; kumo alɛ beeŋ wora loŋ.

Aizaaya 6:11

Ndoŋ nna nɛ m bishi Enyɛnpe Ebɔrɛ na le: “Jemanɛ mo nɛ kede beeŋ fo ekar?” Nɛ e kaŋɛ ma le: “Jemanɛ nɛ ndegboŋana na beeŋ mur nɛ amo to be nwuana e ka a yil fuloŋ nɛ amo to be adɔsawule e dese jiga na nɛ k beeŋ fo ekar.

Jɛremaya 14:18

M baŋ yɔ kupuŋ to, mee wu benyɛn nɛ b wu kena to a dese nna. Ma alɛ naŋ luri nde to, mee wu basa nɛ akoŋ bee mɔ nna. Ama anebiana nɛ bɔrɛmatapoana na bre kraa shuŋ bumo be ashuŋ nna, a maŋ nyi kusɔ nɛ k bee wora gba.”

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Jɛremaya 6:12

Meeŋ gberge Juda be basa kusoe nseŋ ta bumo be nwu nɛ adɔsawule nɛ bumo be beche n sa basa pɔtɛ.

Jɛremaya 8:10

Ŋkpal loŋ so meeŋ ta bumo be adɔsawule n sa basa pɔtɛ nɛ bumo be beche n sa benyɛn pɔtɛ. Menyi to be betirpo nɛ damawuraana kikɛ bee bɔla kapuni be ekpa so nna a fin amansherbi. Anebiana nɛ bɔrɛmatapoana gba bee puni basa nna.

Jɛremaya 9:10

Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Jɛremaya 9:16

Ma alɛ beeŋ shin nɛ b pesaŋ to n yɔ efuli pɔtɛana nɛ bumo ŋko bumo nananyɛnana maŋ naŋ nu amo be asheŋ ŋ ku so. Meeŋ naŋ shin nɛ benapo e ba kɔ bumo m mur bumo cheche.”

Ezikɛl 16:44

Ade kikɛ be kaman, nɛ Enyɛnpe Ebɔrɛ na naŋ kaŋɛ: “Basa beeŋ baa bɔ keŋasa ere a laŋɛ fo, Jerusalɛm be kaplɛa fanɛ kananɛ enio be da baa du, aloŋ nɛ mo pibiche gba be da du.

Ezikɛl 2:10

Ndoŋ nna nɛ enɔ na bugi kawɔl sibɛso na to nɛ n wu fanɛ kushu nɛ kagbene jija be yiri kikɛ be asheŋ nɛ b sibɛ n deŋi kumo be mba anyɔ na kikɛ so.

Jowɛl 1:13

O, menyi bɔrɛmatapoana, men ta kagbenejijaso be asɔbuuso n buu a shu. Menyi bumo nɛ men wɔ bɔrɛsure na be anishito a shuŋ na, e boŋ to a shu. Menyi bumo nɛ menyee shuŋ Ebɔrɛ be anishito ashi bɔrɛlambu to na e buu kagbenejijaso be asɔbuuso ŋklade, ŋkpal kuyu baŋɛ to nɛ kusɔ nuuso nɛ menyeeŋ ta n lara sarga ka maŋ naa wɔtɔ so so.

Jowɛl 1:8

Men baa shu ebesa so fanɛ kasuŋgurbia nɛ mo jipo nɛ e bee shin nɛ e ta mo ka wu ŋ ka mo nɛ e tase kagbenejijaso a shu keeli na.

Eemɔs 5:1

Israɛl be basa, men nu keeli nɛ mee shu ŋkpal menyi so ere.

Eemɔs 5:17

Basa beeŋ baa boŋ to a shu ashi asɔrso nɛ baa tre greep na be ndɔana kikɛ to. Ade kikɛ malɛ beeŋ wora nna ŋkpal ma kasogberge ka bee ba menyi so so.” Enyɛnpe Ebɔrɛ na e malga na.

Maika 1:15

Enyɛnpe Ebɔrɛ na beeŋ ta menyi nɛ men shi kade nɛ baa tre Mareshɛf na m bɔɔ bedoŋ enɔ nɛ b kɔ n sɔ menyi be kade nɛ Israɛl be benimuana kikɛ e shile n ya ŋana kebeelaŋ nɛ k wɔ Adulam na to.

Maika 1:8

“Ŋkpal ade kikɛ so, ma Maika beeŋ boŋto a shu nseŋ buu asɔfarbi a na aya fuloŋ. Meeŋ shu fanɛ kuntuŋ na nseŋ boŋto fanɛ tayetaye.

Maika 2:10

Men koso a yɔ! Nfe maŋ la kakpa nɛ menyeeŋ chena n wushi. Ŋkpal manɛ so, menyi be alubi shin nɛ k wora eyurpi nseŋ ki kakpa nɛ k beeŋ mur.

Habakuk 2:6

Basa nɛ b kɔ n tɔr na bee melgi belempo nɛ b pɔɔ bumo so na nna a kaŋɛ le: “Asɔ nɛ e maŋ la menyi peya nɛ menyee suge. Asheŋ maaŋ nyalɛ n sa menyi kikɛ! Menyi maaŋ tiŋ n tintiŋ menyi be akɔjipoana n sɔ akɔ nɛ b ji menyi n dii kedama!”

Zefanaiya 1:2

Le nɛ Enyɛnpe Ebɔrɛ na daŋ kaŋɛ: “Meeŋ shin nɛ kusɔ kikɛ e mur kasawule so.

Nɔmbɛs 23:18

Nɛ Balaam kaŋɛ: “Ewura Balak kaŋ kusoe n nu nfe! Zippɔ pibi Ewura Balak nu nfe.

Nɔmbɛs 23:7

Ndoŋ nna nɛ Balaam kaŋɛ: “Mowab be ewura Balak e bar ma ashi Siriya nɛ k wɔ abee be efuli so na fanɛ m ba sho Israɛlebi kɔnɔ n shin nɛ b mur.

Nɔmbɛs 24:15

Ndoŋ nna nɛ e kaŋɛ le: “Biyɔɔ pibinyɛn Balaam be kubɔya nde, emo nɛ e bee wu nɛnɛ na be mmalga nde.

Nɔmbɛs 24:3

nɛ e kaŋɛ le: “Biyɔɔ pibinyɛn Balaam be kubɔya nde: Emo nɛ e bee wu nɛnɛ,

Maak 12:12

Ndoŋ nna nɛ Juwebi be benimuana na wora ania a fin kananɛ baaŋ wora m pɛ mo, ŋkpal manɛ so, b daŋ pin fanɛ bumo nɛ e daŋ bɔ keŋasa na, ama bumo alɛ daa ŋana jimaŋ na nna, amoso, b daŋ yige mo nna nseŋ yɔ.

Ditɛronɔmi 28:29

E beeŋ shin nɛ men baa nite a laa a laa kapiidi fanɛ etanpo na a maa wu ekpa a nite. Ade kikɛ be kaman, kusɔ kama nɛ menyeeŋ baa wora maaŋ nyalɛ n sa menyi. Basa pɔtɛ beeŋ ba kaa mɛaŋ menyi nsaa yuri menyi be asɔ nɛ esa kikɛ maaŋ baa wɔtɔ nɛ e chɛ menyi to.