Maika 2:3 - EBƆRƐ BE KAWƆL

³ Amoso kusɔ nɛ Enyɛnpe Ebɔrɛ na kaŋɛ nde: “Mee kre keshin nɛ tɔrɔgboŋgboŋi e ba menyi so nna. Menyi alɛ maaŋ tiŋ ŋ gelge kumo n nya menyi be kumu n ji kikɛ. Menyeeŋ luri etɔrɔ to, saŋɛ na so menyi maaŋ naa nite a wu menyi be amu.

Maika 2:3 ပူးပေါင်းရင်းမြစ်များ

Aizaaya 29:20

Basa nɛ baa mɛaŋ beko nsaa keni Ebɔrɛ jiga na be ekar nna na. Alubiworapo kikɛ beeŋ mur loŋ be kachɛ na.

Aizaaya 3:16

Kede be kaman, nɛ Enyɛnpe Ebɔrɛ na naŋ kaŋɛ le: “Keni kananɛ Jerusalɛm to be beche bee wu bumo be amu loŋ! Baa nite boeŋ boeŋ nna a keni a fin fanɛ benyɛn e baa wu bumo nsaa yɛlga bumo jemanɛ kikɛ. Baa nite nna nɛ bumo be anampase bee gbri.

Aizaaya 5:19

Le nɛ menyee kaŋɛ: “Shin nɛ Enyɛnpe Ebɔrɛ na e nya manaŋ n wora kusɔ nɛ e yɛ e beeŋ wora na ai, saŋɛ na so anyeeŋ wu kumo. Shin nɛ Israɛl be Ebɔrɛ cheembi na e wora asheŋ nɛ e kre na ai; n shin nɛ an wu kusɔ nɛ k wɔ mbe nfɛra to.”

Jɛremaya 18:11

Amoso kaŋɛ Juda nɛ Jerusalɛm be basa fanɛ n teŋ kre nseŋ wora shiriya nɛ ŋ gberge bumo kusoe. Kaŋɛ bumo b yige asheŋ lubi be kebaawɔtɔ na nseŋ fara a wora asheŋ niŋiso.

Jɛremaya 27:12

Ŋ ka bɔ kubɔya na n sa efuliana nɛ a mata Juda be efuli so na be katelamu yilipoana na be kaman, nɛ n yɔ Juda be ewura Zɛdikaya kutɔ n ya kaŋɛ mo le: “Nɛ fanɛ fo nɛ Juda be basa bee sha kebaawɔ ŋkpa to, kumo ere a daga fanɛ men baa wora ewura Nebukadneeza nɛ Babilɔn be efuli so be basa kasonu.

Jɛremaya 34:17

Amoso nɛ ma Enyɛnpe Ebɔrɛ na kaŋɛ fanɛ menyi maŋ wora ma kasonu na. Menyi maŋ sa Israɛlebi na kikɛ ekpa nɛ b nya bumo be amu. To, ma ere beeŋ sa ekpa nɛ men wu kena to ŋko n lɔ n wu ŋko nɛ akoŋ a mɔ menyi. Ma n alɛ beeŋ shin nɛ menyi be asheŋ e baa keta durnya to be efuliana so be basa kejijɛ ŋkpal kusɔ nɛ meeŋ wora menyi na so.

Jɛremaya 36:23

Jehudi ka baŋ kraŋ kawɔl na be egbaŋ asa ŋko ana n loge nɛ ewura na ta kasaŋɛbi ŋ ku ndoŋ n lɛ edɛ na to. Aloŋ nɛ e wora n chɔɔ kawɔl na kikɛ m mur.

Jɛremaya 43:2

nɛ Hoshaya pibinyɛn, Azariya nɛ Kerii pibinyɛn, Johanan nɛ basa kpeŋso na be beko kaŋɛ ma le: “Efɛ nɛ fee ku! Enyɛnpe, anyi be Ebɔrɛ na maŋ shuŋi fo fanɛ fo ba kaŋɛ anyi fanɛ an sa maŋ ya chena Ijipt be efuli so.

Jɛremaya 8:3

Bekama nɛ baaŋ ji efute ashi mboŋ kama nɛ b pesaŋ to n yɔ na so beeŋ baa sha luwu a chɔ ŋkpa. Ma, Enyɛnpetale Ebɔrɛ e kaŋɛ na.”

Nfabel 1:14

Kewora fanɛ Enyɛnpe Ebɔrɛ na gama anyi be alubi kikɛ n chɛ n shiga anyi be abɔ so nna nɛ amo be egbɛ shin nɛ anyi be eleŋ kikɛ lar anyi to. E ta anyi m bɔɔ an doŋana nɛ b chɔ anyi eleŋ ga enɔ nna, nɛ anyi maŋ kɔ shɛŋ nɛ an wora bumo be anishito.

Nfabel 2:17

Kusɔ nɛ Enyɛnpe Ebɔrɛ na kre nseŋ kaŋɛ fanɛ e beeŋ wora na nɛ e wora na. Dra na kikɛ nɛ e kpele anyi kusoe fanɛ e maaŋ wu anyi kuwɔr; e yɛ e beeŋ mur anyi, mo alɛ mur anyi kashenteŋto. E shin nɛ an doŋana pɔɔ anyi so nɛ bumo be ŋgbene fuli, ŋkpal an ka kɔ n tɔr so so.

Nfabel 5:5

Basa nɛ baa ju anyi na baa ji anyi ayabi nna, an gben ama anyi alɛ maaŋ tiŋ n yili n wushi.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Eemɔs 2:14

Basa nɛ baa shile ga gba maaŋ tiŋ n shile n sɔ bumo be amu. Belempo beeŋ paŋ bumo be eleŋ nɛ benapo gba e mɔlga bumo be amu ŋ gben.

Eemɔs 3:1

Menyi Israɛlebi nɛ Enyɛnpe Ebɔrɛ lara ashi Ijipt be kasawule so dra dra na, e loto n nu kusɔ nɛ e malga ŋ gbiti menyi.

Eemɔs 3:2

Enyɛnpe Ebɔrɛ yɛ: “Menyi nawule nɛ n lara ashi efuliana kikɛ so fanɛ men baa la meya, amoso nɛ meeŋ gberge menyi kusoe alegaiso ŋkpal menyi be alubi so na.”

Eemɔs 5:13

Ŋkpal le be alubi ere so benyiashempo bee lo bumo be nnɔ nna.

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Romebi 16:4

B daŋ kpal ma so nna n ta bumo be amu ŋ kpa kelara. Mee chɔrɔ bumo ga ŋkpal loŋ so, mannɛ n nawule gba malɛ e naa chɔrɔ bumo. Nnyamase be asɔriebiana na kikɛ gba bee chɔrɔ bumo ga.

Ɛfesesebi 5:16

Saŋɛ lubi to nɛ an wɔ na, amoso, men sa maa jija saŋɛ gbrɛbi kikɛ nɛ men nya.

Ditɛronɔmi 28:48

e beeŋ shuŋi bedoŋ menyi kutɔ nɛ men shuŋ bumo nɛ ketir e pɛ menyi nɛ men maaŋ nya ajibi n ji ŋko nchu n nuu ŋko asɔbuuso gba m buu. Men doŋana na beeŋ kɔrfɛ menyi hale n ya mur menyi.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.