Maika 2:2 - EBƆRƐ BE KAWƆL

² B baa sha nsawule ŋko nwu kama, baa suge amo eleŋso nna. Baa puni nna a suge basa be nwu ŋko mpetɛsɔ.

Maika 2:2 ပူးပေါင်းရင်းမြစ်များ

1 Bewura 21:1

Kanyɛn ko nɛ baa tre Nabɔf daa kɔ asɔrso nɛ baa tre greep na be kudɔ nna m mata ewura Ahab be laŋ ashi Jizreel.

2 Bewura 9:26

E yɛ: “N wu b ka mɔ Nabɔf be mbinyɛnsobi ndre. Ma alɛ beeŋ gberge fo kusoe kasawule nɛ b mɔ Nabɔf ere gbagba so.” Kumo be kaman nɛ Jehu kaŋɛ mbe kayɛrbi na fanɛ e ya ta Joram be kebuni n ya lɛ Nabɔf be kasawule na so saŋɛ na so Enyɛnpe Ebɔrɛ be kamalga na beeŋ bɔlɔ so.

Job be kawɔl 31:38

Nɛ fanɛ n yuri kasawule nɛ mee dɔ so na nna, ŋko n suge kumo basa nɛ b wɔ kumo kutɔ nna,

Ɛksodɔs 20:17

Men sa maa yɛlga men baraana be nwu ŋko bumo be beche ŋko bumo be anya ŋko bumo be ana ŋko ekurma ŋko kusɔ kama nɛ k la men braana peya.”

Aizaaya 3:14

E bee shin nɛ e ji mbe basa be benimuana nɛ bejuŋkparpoana demu nseŋ kaŋɛ le a laŋɛ bumo be kaplɛa so: “Men chɔɔ ma adɔjibi m mur nseŋ nyaŋ betirpo n suge asɔ m bɔlɔ menyi be elaŋana.

Aizaaya 5:8

Asheŋ maaŋ nyalɛ n sa menyi! Menyi bee tɔ nwu nɛ nsawule damta a ti amo nɛ men chɛr a kɔ so nna. K maaŋ chɛr nɛ kakpa maaŋ naa wɔtɔ nɛ esa kikɛ e naaŋ ba chena so. Menyi nawule e naaŋ ka kasawule na so.

Jɛremaya 22:17

Ama fo ere, Jehowakim, kananɛ feeŋ wora m puni, ŋko nyaŋ fo basa n suge bumo be asɔ, ŋko m mɔ basa nɛ b maŋ wora shɛŋ be asheŋ e wɔ fo kagbene nɛ fo nfɛra to.”

Ezikɛl 18:12

E bee puni betirpo nsaa suge basa. Nɛ esa ta kusɔ ko m ba yili tarma gba e maaŋ naŋ laŋɛ kumo n sa kumo wura. Mo alɛ bee shuŋ agbirana nsaa wora ekishisheŋ.

Ezikɛl 22:12

Ade kikɛ be kaman, basa na be beko wɔtɔ nna a sɔ amansherbi nsaa mɔ basa, nɛ beko malɛ bee wɔtɔ amansherbi nɛ b ta m paŋ bumo braana Israɛl be basa nchu ga a dii kedama nɛ kumo be loŋ maŋ daga. B teŋ ma, Enyɛnpetale Ebɔrɛ na so nna.

Ezikɛl 22:13

Ŋkpal ade kikɛ ere so ma agbo beeŋ basa nɛ baa suge nɛ bumo nɛ baa mɔ ere kikɛ so.

Ezikɛl 33:26

Ade be kaman, men wɔtɔ nna a kɔ etokobi a mɔ abar nsaa wora ekishisheŋ. Ekama wɔtɔ nna a ji kubojua. Nɛ mannɛ so nɛ menyee fɛ fanɛ kasawule na ki menyeya nna?

Ezikɛl 45:9

Ade be kaman nɛ Enyɛnpetale Ebɔrɛ na naŋ kaŋɛ le: “Fo nɛ fee ji Israɛl so kuwura na wora alubi n chɛr pasaa! Yige fo kebagato nɛ kanyaŋ be asheŋ na nsaa wora kusɔ nɛ k daga nseŋ bɔla ekpa. A maŋ daga fanɛ fo naŋ ju ma basa n lar bumo be kasawule so kikɛ. Ma, Enyɛnpetale Ebɔrɛ na e naa kaŋɛ fo le na.

Ezikɛl 46:18

Ewura na maŋ daga fanɛ e sɔ basa na to be ekama be kapetɛsɔ ashi mo kutɔ. Kasawule kama nɛ e beeŋ ta n sa mbe kebia daga fanɛ k baa la mo gbagba peya nna, saŋɛ na so e maaŋ baa nyaŋ ma basa a sɔ bumo be nsawule a mbe mbia.”

Ezikɛl 8:17

Nɛ Enyɛnpe Ebɔrɛ na kaŋɛ ma: “Dimɛdi pibi, fo wu kede a? Fo tama fanɛ k la kusɔ fɔmbi nna fanɛ Juda be basa ere kaa beeŋ baa wora asheŋ lubi lubi ere ashi nfe a? A daga fanɛ b baa ta akɔsɔ a kɔ a fin bumo be kepar tintiŋ so kaplɛkama a wora asheŋ nɛ a bee wɔtɔ ma agbo to jemanɛ kikɛ a? Keni kananɛ b ŋaba ma nsaa tege ma ekpa nɛ esa kikɛ maŋ naŋ ŋaba ŋko n tege ma loŋ.

Eemɔs 2:7

B daa ŋin bepɔshipo nɛ basa nɛ b maaŋ tiŋ n chɛ bumo be amu to nna a lɛ kasawule a chichi bumo so nsaa maa ji betirpo be asheŋ nɛ amo be ekpa so. Ma ketre cheembi na jija nna ŋkpal mbia nɛ bumo tutoana ka bee di beche koŋwule so.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Eemɔs 8:4

Menyi nɛ menyee ŋin betentaŋasepo nɛ efuli ere so be betirpo a lɛ a chichi so na e nu nfe.

Maika 3:9

Men nu nfe, menyi Israɛl be bejuŋkparpo, nɛ men kishi kebaaji asheŋ nɛ amo be ekpa so nsaa ta kulubi a tre kelela.

Maika 6:12

Damawuraana na bee puni betirpo nna nɛ ekama malɛ bee ku efɛ.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

1 Timoti 6:10

Ŋkpal manɛ so, amansherbi be kasha ga to nɛ kulubi be yiri kikɛ bee shi. Ŋkpal amansherbi be kasha ga so basa ko foe yirda be ekpa na so n luri kagbenejija damta to.