Maika 2:1 - EBƆRƐ BE KAWƆL

¹ Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Maika 2:1 ပူးပေါင်းရင်းမြစ်များ

Jɛnesis 31:29

Ŋ kɔ ekpa nɛ n daŋ shin nɛ b tɔrɔ fo, ama ndre kanyɛso, fo tuto be Ebɔrɛ na ba kaŋɛ ma fanɛ m baa da so nsaa maŋ kaŋ malga kamalga lubi kikɛ ŋ gbiti fo.

1 Bewura 21:7

Nɛ Jɛzebel malɛ bishi mo le: “Fo maŋ la ewura nna nsaa beeŋ tiŋ n wora kusɔ kama nɛ fee sha a? Sa maŋ shin nɛ fo kagbene e baa jija fo. Koso n ji ajibi. Meeŋ fin Nabɔf be asɔrso nɛ baa tre greep na be kudɔ na n sa fo!”

Ɛsta 3:8

Ndoŋ nna nɛ Heman kaŋɛ ewura Sɛgsis le: “Yiri ko ebi salga to m bɔlɔ fo efuli ere kikɛ so. Bumo alɛ be daŋkare kɔr basa kama peya to. B maa bɛ efuli ere be mbra gba so, amoso m baa nyi geeŋ fanɛ nɛ fo yige bumo, k maaŋ chɛ fo to.

Ɛsta 5:14

Ndoŋ nna nɛ mo teriana nɛ mbe eche Zɛrɛsh kaŋɛ mo le: “Manɛ nna nɛ fo maaŋ ku kadebi nɛ kumo be nteŋ sa fanɛ ayadra adushunu nɛ anu n yuu nseŋ kule ewura ekpa echefo kachipurso n ya chɛ Mɔdikaya efɔl n shiga kumo so. Kumo be kaman nɛ fo ta kagbenefuli n tu ewura na n yɔ kejigboŋ na to.” Heman be kagbene daŋ fuli mo ga ŋkpal le be nfɛra nɛ b sa mo ere so. Ndoŋ nna nɛ e shin nɛ b yuu kedibi na.

Ɛsta 9:25

Nɛ Ɛsta yɔ ewura kutɔ nɛ ewura na shin nɛ b sibɛ mbra nɛ k shin nɛ kusɔ nɛ Heman kre fanɛ e beeŋ wora Juwebi na laŋɛ n ji mo. Nɛ b chɛ mo nɛ mbe mbinyɛnsobi kikɛ efɔl n shiga ndibi nɛ b yuu na so.

Job be kawɔl 15:35

Ŋkpal manɛ so, b la basa nɛ baa kre asheŋ lubi nsaa wora amo nna. Efɛ nɛ kafule malɛ e bɔlɔ bumo be ŋgbene to.”

Job be kawɔl 24:14

Kakpa baŋ biri to, bemɔpo na bee koso nna n ya kaa mɔ betirpo nɛ betentaŋasepo. Kanyɛso saŋko malɛ nɛ b ya kaa yuri.

Nshɛ 36:4

B dese bumo be edesekpa gba alubi be kewora be ŋkre nɛ baa kre. B maa wora asheŋ lela kikɛ. Kulubi kama malɛ maa choŋ bumo so.

Nshɛ 36:5

Enyɛnpe Ebɔrɛ, fo kashenteŋji nɛ kasha nɛ fo kɔ a sa basa shi ga. Kumo alɛ maa chɛrga; k bee fo kaplɛkama, hale esoso nɛ awɔlpa to kikɛ.

Nshɛ 58:3

Yili men be kakurgeachɛ kikɛ m ba fo mbre, men wɔtɔ nna a wora alubi nsaa ku efɛ.

Aŋasa 12:2

Enyɛnpe Ebɔrɛ be kagbene bee fuli basa lela so nna, ama e maa sa bekama nɛ baa kre asheŋ lubi bre kashuli kikɛ.

Aŋasa 14:22

Bumo nɛ baa kre asheŋ lubi beeŋ foe, ama bumo nɛ baa kre alelasheŋ beeŋ nya basa be kasha nɛ yirda.

Aŋasa 3:27

Saŋkama nɛ feeŋ tiŋ, fo chɛ bekama nɛ baa fin kechɛto to.

Aŋasa 4:16

Basa lubi bre baŋ maŋ wora kulubi, b maaŋ tiŋ n di. B maaŋ tiŋ n di nɛ b maŋ wora kulubi ŋ gbiti esa ko.

Aizaaya 29:20

Basa nɛ baa mɛaŋ beko nsaa keni Ebɔrɛ jiga na be ekar nna na. Alubiworapo kikɛ beeŋ mur loŋ be kachɛ na.

Aizaaya 3:14

E bee shin nɛ e ji mbe basa be benimuana nɛ bejuŋkparpoana demu nseŋ kaŋɛ le a laŋɛ bumo be kaplɛa so: “Men chɔɔ ma adɔjibi m mur nseŋ nyaŋ betirpo n suge asɔ m bɔlɔ menyi be elaŋana.

Aizaaya 32:7

Esa nɛ e maa ji kashenteŋ la esa lubi nna nsaa wora asheŋ lubi nawule. E bee kre kebɔla efɛ so nna m mur betirpo nseŋ kuŋ bumo ekpa nɛ b sa maŋ nya kusɔ nɛ k daga bumo.

Aizaaya 5:8

Asheŋ maaŋ nyalɛ n sa menyi! Menyi bee tɔ nwu nɛ nsawule damta a ti amo nɛ men chɛr a kɔ so nna. K maaŋ chɛr nɛ kakpa maaŋ naa wɔtɔ nɛ esa kikɛ e naaŋ ba chena so. Menyi nawule e naaŋ ka kasawule na so.

Aizaaya 59:3

Ŋkpal manɛ so, menyi be mmalga kikɛ la efɛsheŋ nna nɛ menyi be ŋkre kikɛ la kebagato nɛ kelantokɔ be asheŋ. Basa be kamɔ damta so, ŋklaŋ gbiti menyi be enɔana nna.

Jɛremaya 18:18

Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Ezikɛl 11:2

Ndoŋ nna nɛ Enyɛnpe Ebɔrɛ na kaŋɛ ma le: “Dimɛdi pibi, Ezikɛl, basa ere bee kre kulubi nsaa sa Jerusalɛm to be basa kasotoji lubi nna na.

Ezikɛl 33:26

Ade be kaman, men wɔtɔ nna a kɔ etokobi a mɔ abar nsaa wora ekishisheŋ. Ekama wɔtɔ nna a ji kubojua. Nɛ mannɛ so nɛ menyee fɛ fanɛ kasawule na ki menyeya nna?

Ezikɛl 38:10

Kusɔ nɛ Enyɛnpetale Ebɔrɛ na bee kaŋɛ Gɔg nde: “Jemanɛ na kaŋ fo, feeŋ fara a fɛ ŋkre lubi.

Ezikɛl 46:18

Ewura na maŋ daga fanɛ e sɔ basa na to be ekama be kapetɛsɔ ashi mo kutɔ. Kasawule kama nɛ e beeŋ ta n sa mbe kebia daga fanɛ k baa la mo gbagba peya nna, saŋɛ na so e maaŋ baa nyaŋ ma basa a sɔ bumo be nsawule a mbe mbia.”

Maika 6:12

Damawuraana na bee puni betirpo nna nɛ ekama malɛ bee ku efɛ.

Nahum 1:11

Esa ko nɛ e kɔ nfɛra lubi shi Ninɛve be kadegboŋ to m ba kaa kre Enyɛnpe Ebɔrɛ na ŋkre lubi.

Zakareya 7:10

Men sa maa kɔrfɛ bekulpoche nɛ amunibi nɛ befɔ nɛ b chena menyi to nɛ betentaŋasepo. Menyi alɛ e sa maa fɛ nfɛra lubi a laŋɛ men braana be kaplɛa so ashi menyi be ŋgbene to.’ ”

Maak 15:1

Kare ka baŋ chɛ, nɛ bɔrɛmatapowuraana nɛ benimuana na nɛ mbraŋinipoana na nɛ Sanhedrinebi na kikɛ ya kre bumo be nia nseŋ ta ŋgbɛlɛbi ŋ kre Yesu n ta mo n lar n ya bɔɔ Gomena Pailat enɔ.

Luuk 20:19

Mbraŋinipoana na nɛ bɔrɛmatapowuraana na ka pin fanɛ bumo nɛ Yesu bɔ keŋasa na nɛ b wora ania a fin kananɛ baaŋ wora m pɛ mo epul na kikɛ to.

Baru lela nɛ Jɔn kute na 19:11

Nɛ Yesu kaŋɛ mo le: “Nɛ Ebɔrɛ daa maŋ sa fo eleŋ ma so nna, fo daa maaŋ baa kɔ eleŋ ma so. Esa nɛ e ta ma m bɔɔ fo enɔ ere malɛ be kulubi e shi a chɔ feya.”

Ashuŋ Shunso 23:12

Kumo be ŋklade nɛ Juwebi na shɛr ŋ kre bumo be nia nseŋ sa Ebɔrɛ kɔnɔ fanɛ b baa maŋ mɔ Pɔɔl b maaŋ ji ajibi, bumo alɛ maaŋ nuu shɛŋ.

Ashuŋ Shunso 23:15

Amoso, menyi nɛ nshɛrwuraana na e kute n shuŋi kabɔ nɛ e ya kaŋɛ Romebi be benapo be enimu na fanɛ e shin nɛ b bar Pɔɔl menyi kutɔ nɛ e ba malga nɛ men pin mbe demu na to nɛnɛ. Saŋɛ na so nɛ anyee jo mo ekpa to n nya mo m mɔ nɛ e maŋ fo nfe.”

Romebi 1:30

nsaa malga alubi a gbiti abar a kishi Ebɔrɛ be asheŋ a tege abar nsaa wu bumo be amu. B kɔ mpuchi a fin alubi be ekpa popɔrana a wora alubi nsaa kini kebaanu a sa bumo nioana nɛ bumo tutoana.

Ditɛronɔmi 28:32

Basa beeŋ ba pɛ menyi be mbia tintiŋ so n yɔ efuli pɔtɛ so nɛ men baa yil a keni, ama menyi alɛ maaŋ tiŋ n wora shɛŋ. Karechɛ kikɛ menyeeŋ baa mɛrge anishi a keni ekpa fanɛ menyi be mbia na beeŋ bɛta m ba hale nɛ menyi maaŋ naa wu nɛnɛ. Ama mbia na malɛ maaŋ naŋ bɛta m ba kikɛ.