Maika 1:9 - EBƆRƐ BE KAWƆL

⁹ Ŋkpal manɛ so, Samɛria jija e shin nɛ k mur cheche nɛ Juda malɛ gba luri loŋ be tɔrɔ na to. Loŋ be tɔrɔ na tiŋ n fo ma basa be mbuna to ashi Jerusalɛm to.”

Maika 1:9 ပူးပေါင်းရင်းမြစ်များ

Aizaaya 3:26

nɛ kadegboŋ na e ka a dese fanɛ eche ka chena kasawule n teŋi aya a shu keeli na. Ŋkpal manɛ so kumo to be basa kikɛ maaŋ naa wɔtɔ.

Aizaaya 36:1

Ewura Hɛzekaya ka bee ji Juda be efuli so be kuwura be kafɛ kuduanasopo to nɛ Sennakerɛb nɛ e la Asiriya be efuli so be ewurgboŋ na ba kɔ Juda be ndegboŋ nɛ b pɔr ŋ kulti na n suge amo be galeŋga.

Aizaaya 36:2

Ndoŋ nna nɛ Asiriya be ewura na kaŋɛ mbe benapo be ejuŋkparpo fanɛ e lar kadegboŋ nɛ baa tre Lackish na nseŋ keta benapo damta n yɔ Jerusalɛm to. Benapo be ejuŋkparpo na daŋ ya yili ekpa nɛ k mata ewajɛluepoana be eshuŋkpa nɛ k dese ŋ kra nchu be kubɔr nɛ b kur nɛ nchu bee shi Esoso be Kepa na to a bɔla kumo to na nna.

Jɛremaya 15:18

Manɛ nna nɛ ŋ kraa ji awurfoŋ nsaa nu ebesa jemanɛ kikɛ loŋ? Manɛ nna nɛ fo ki fanɛ kabombi nɛ k wɔlto kechali so, nɛ m maaŋ naŋ tiŋ n ta ma kumu n to fo so?”

Jɛremaya 46:11

Ijipt be basa, men yɔ Giliad be kasawule so n ya fin kudur! Menyi be adur kikɛ la adur jiga nna; a maaŋ tiŋ n chɛ menyi.

Maika 1:12

Marofebi pesaŋ to a keni e fin esa nɛ e beeŋ mɔlga bumo ŋkpal Enyɛnpe Ebɔrɛ ka shin nɛ Jerusalɛmebi ji jɛrbi damta so.

Maika 6:13

Amoso n teŋ fara nɛ m mur menyi nna ŋkpal menyi be asheŋ lubi so.

Nahum 3:19

Kudur kikɛ maŋ wɔtɔ nɛ k tiŋ n chɛ ebesa nɛ doro nɛ a wɔ fo to ere. Ekama nɛ e nu fo kemur be kubɔya ere, bee kpla enɔ kagbenefuliso nna ŋkpal ebesa nɛ b ji ŋkpal fo kumukpakpaso so.