Maika 1:6 - EBƆRƐ BE KAWƆL

⁶ Amoso nɛ Enyɛnpetale Ebɔrɛ na yɛ: Meeŋ shin nɛ Samɛria e ki alambure n deŋi abar so kululu. K beeŋ ki ndibi sɔrso be eduukpa. Meeŋ pesaŋ Samɛria be egbalana be ebirkesi to n lɛ ketaŋɛ to ŋ ka kumo be egbaltɔlaseana nawule n nase nɛ ekama e baa wu amo.

Maika 1:6 ပူးပေါင်းရင်းမြစ်များ

2 Samuɛl 17:13

E kaŋ baŋ shile n yɔ kade nɛ k tase kebee so to, anyi be basa kikɛ beeŋ ta amamprɔŋ m ba chɛ kumo be egbal ŋ gberge kumo n ya lɛ ketaŋɛ to nɛ b maaŋ naŋ wu kumo be kejembu koŋwule gba ka dese.”

2 Bewura 18:10

Nfɛ asa nɛ b daŋ ta ŋ kɔ n sɔ Samɛria. Ewura Hɛzekaya be kuwurji be kafɛ shesopo nɛ ewura Hoshiya malɛ be kuwurji be kafɛ kpanusopo to nɛ Israɛl be efuli so be kadegboŋ Samɛria kɔ n tɔr.

2 Bewura 18:9

Hɛzekaya ka ji kuwura be kafɛ nasopo to, nɛ Ela pibinyɛn Hoshiya malɛ ka ki Israɛl be ewura be kafɛ shunusopo nɛ Shalmaneesa nɛ e la Asiriya be ewurgboŋ na yɛr benapo n ya kɔ Israɛl nseŋ kulti Samɛria be kade n wɔtɔ.

2 Bewura 19:25

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ nɛ b pɔr egbalana ŋ kulti na ki nde bureso.

Aizaaya 17:1

Kusɔ nɛ Enyɛnpe Ebɔrɛ na kaŋɛ a laŋɛ kadegboŋ nɛ baa tre Damaskɔs na be kaplɛa so nde. E yɛ: “Damaskɔs beeŋ ki kadegboŋ nɛ k bure a dese fanɛ b ka koli asɔ bureso n deŋi abar so na.

Aizaaya 25:12

E beeŋ shin nɛ Mowabebi na be kumɔlga be kakpa lempoana be egbal jeŋgreŋana e bure n tɔr ŋ ki fanɛ eshishɛr.

Aizaaya 25:2

Fo e shin nɛ ndegboŋana bure ŋ ki alambure nɛ amo be ekuŋkpa lempoana mur. Ewurkpaana nɛ an doŋana pɔr na mur hale mbaanaayɔ.

Jɛremaya 31:5

Menyi kraa beeŋ nase ndibi sɔrso be adɔ ashi Samɛria be apreŋsawule so, nɛ bumo nɛ b duu ndibi sɔrso na e nya amo be asɔrso n ji.

Jɛremaya 51:25

Babilɔn, fo du fanɛ kebee nna a kɔ eleŋ ga a mur durnya kikɛ, ama ma, Enyɛnpe Ebɔrɛ na ki fo doŋ nna na. Meeŋ to m pɛ fo to ŋ gberge fo n lɛ kasawule nɛ fo bure to ŋ ki fanɛ ebirkesi ka bure to n deŋi abar so na.

Jɛremaya 51:37

Babilɔn be efuli na beeŋ bure a dese, nseŋ ki kupuŋ to be asɔbɔya fanɛ ejiŋkaamu be kakpa. Basa beeŋ baa mushe kumo. Ama bumo alɛ beeŋ baa ŋana kebɔla alambure na to n choŋ.

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Nfabel 4:1

Anyi be shuwa nɛ k bee nyɛkpɛ ga na kreŋ so nɛ ajembu nɛ b ta m pɔr bɔrɛlambu na pesaŋ to a dese agbembi so.

Ezikɛl 13:14

Mee kre kebure egbal nɛ men nyɔɔ n fuli na nɛ k bure cheche n tɔr nɛ kumo be gbaltɔlase nawule e ka a dese. Egbal na beeŋ tɔr menyi so m mɔ menyi kikɛ. Ndoŋ nɛ menyeeŋ pin fanɛ ma e la Enyɛnpe Ebɔrɛ na.

Hoziya 13:16

A daga fanɛ Samɛriaebi ka nya kasogberge ŋkpal b ka kini k nu n sa ma so. Kumo be basa beeŋ wu kena to nɛ b ta bumo be mbi popɔrbi malɛ ŋ ŋmɛa kasawule m mɔ, nseŋ baŋɛ bumo be bedampoche malɛ to.”

Eemɔs 5:11

Ŋkpal men ka mɛaŋ betirpo nseŋ suge bumo be adɔjibi so, menyi alɛ gba maaŋ nya elaŋ lela nɛ men ta ajembu m pɔr na n luri to, ŋko n nya men be asɔrso nɛ baa tre greep na be yabra belbelso n nuu.

Eemɔs 6:8

Le nɛ Enyɛnpetale Ewurgboŋ na kaŋɛ kenishipereso: “Israɛl be basa be kamoowu nɛ b kɔ na be asheŋ bee nu ma agbo alegaiso. Ŋ kishi bumo be nwu gboŋgboŋi nɛ b pɔr na ga. Ma alɛ beeŋ ta bumo be kadegboŋ na nɛ kusɔ kama nɛ k wɔ kumo to n sa bumo doŋana.”

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Habakuk 3:13

Fo lar m ba nna nɛ fo ba mɔlga fo basa, nɛ fo ewura laraso. Fo ŋmɛa amukpakpasowuraana be ejuŋkparpo n lɛ, nseŋ mur basa nɛ b bɛ mo so na cheche.

Matiu 24:2

Nɛ Yesu bishi bumo le: “Men wu asɔ ere kikɛ ŋko? Ma e kaŋɛ menyi kashenteŋto na fanɛ kejembu koŋwule kama gba maaŋ ba ka a bɛ kumo barkasa so. Baaŋ ba da amo kikɛ n lɛ.”