Maika 1:5 - EBƆRƐ BE KAWƆL

⁵ Asheŋ ere kikɛ beeŋ wora nna ŋkpal Israɛlebi na ka wora kulubi ŋ gbiti Ebɔrɛ so. To, wanɛ nɛ baaŋ ta Israɛlebi be kekini Ebɔrɛ nseŋ lar mo kaman ere be asheŋ n sulɔ? Samɛria nɛ k la efuli na be kadegboŋ na be basa nɛ baaŋ ta kumo n sulɔ a! Nɛ wanɛ malɛ e tɔr Judaebi be kagbirshuŋ ere be ntaŋ? Mannɛ Jerusalɛm gbagba a?

Maika 1:5 ပူးပေါင်းရင်းမြစ်များ

1 Bewura 11:7

Ewura Sɔlɔmɔn daŋ pɔr agbirlambu ashi Jerusalɛm be kebee na be epeŋitɔrkpa be kaba so nna nɛ baa shuŋ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk nɛ Ebɔrɛ kishi ga na.

1 Bewura 13:32

Kusɔ kama nɛ Enyɛnpe Ebɔrɛ na shin nɛ e malga a laŋɛ Bɛtɛl be bɔrɛsure nɛ Samɛria be agbirana be kaplɛa so na kikɛ beeŋ bɔlɔ so.”

1 Bewura 16:24

nseŋ tɔ kebee nɛ baa tre Samɛria na gbiti be ndarbi ŋgboŋ ashe ashi kanyɛn nɛ baa tre Shema na kutɔ. Loŋ be kebee na so nɛ Omri daŋ pɔr mbe kadegboŋ nseŋ ta Shema nɛ e tɔ kebee na mo kutɔ na be ketre Samɛria n nase kumo.

2 Kronikɛls 34:3

Josaya ka ji kuwura be kafɛ burwasopo to, jemanɛ nɛ e kra la kabrantiɛfɔlbi na, nɛ e fara a bunyaŋ mo nananyɛn ewura Deevid be Ebɔrɛ na. Mbe kuwurji be kafɛ kuduanyɔsopo to, nɛ e fara a jija mboŋ nɛ nnyamase bee shuŋ bumo be agbir, nɛ kegbirche Ashira be mpɔrduli nɛ agbir nɛ b shɛl, nɛ amo nɛ b ŋalga asɔ n wora na kikɛ ashi Juda be efuli so nɛ Jerusalɛm to.

2 Kronikɛls 34:4

E daŋ shin nna nɛ b bure kegbir nɛ baa tre Baal na be ebɔrɛsure nɛ ebɔrɛsure nɛ baa chɔɔ duwu amo so na. Nseŋ shin nɛ b bɛa kegbirche Ashira be mpɔrduli nɛ agbir nɛ a ka na kikɛ to n lɛ basa nɛ b daa shuŋ amo na be nchaŋana so.

Aizaaya 7:9

Israɛl be efuli na maŋ kɔ eleŋ a chɔ kumo be kadegboŋ nɛ baa tre Samɛria na, nɛ Samɛria malɛ maŋ kɔ eleŋ a chɔ ewura Pɛka. Nɛ Juda be ewura, Ahaz, nɛ mbe benimuana maŋ yirda ma bre, baaŋ kɔ n tɔr.”

Jɛremaya 2:17

Israɛl be basa, men gbagba e shin nɛ k ba loŋ. Men kini ma, Enyɛnpe menyi be Ebɔrɛ na, menyi maŋ naa shin nɛ mee juŋkpar menyi.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 23:13

N daŋ wu ekishisheŋ nɛ Samɛria be kadegboŋ na to be anebiana wora. B daa malga a sa basa ashi kegbir nɛ baa tre Baal na be ketre to nna, a shin nɛ ma basa bee foe ekpa.

Jɛremaya 23:14

Kumo be kaman nɛ n naŋ wu anebiana nɛ b wɔ Jerusalɛm to na ka wora kulubi nɛ k chɔ kusɔ nɛ Samɛria to be anebiana na wora na. B daa shuŋ agbir nna nsaa ku efɛ a ti so. Bumo alɛ daa chɛ basa to nna nɛ baa wora asɔ nɛ e maŋ daga. Ŋkpal loŋ so ekama daa wɔ asheŋ lubi be kewora to nna. Ma ere kutɔ, bumo kikɛ lubi nna fanɛ nde anyɔ nɛ baa tre Sodɔm nɛ Gomɔra na be basa.

Jɛremaya 4:18

Menyi Juda be basa be kebaawɔtɔ nɛ men wɔ kumo to na e bar le menyi so na. Menyi be asheŋ lubi e shin nɛ menyee ji awurfoŋ na nɛ k wora fanɛ b ka ta kasaŋɛ n da menyi be ŋgbene to na.

Jɛremaya 5:25

Ama menyi be alubi so, men maŋ nya asɔ lela ere kikɛ.

Jɛremaya 6:19

Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.

Nfabel 5:16

Asɔ nɛ an daa puchi so na be kekama maŋ naa wɔtɔ. Ŋkpal anyi ka wora alubi so, asheŋ maa nyalɛ a sa anyi.

Ezikɛl 16:46

Fo dacheso e la kadegboŋ nɛ baa tre Samɛria na, nɛ kumo nɛ kumo be ndekarso wɔ a laŋɛ fo kelargato be esoso na. Nɛ fo sipocheso malɛ la kadegboŋ nɛ baa tre Sodɔm na, nɛ kumo alɛ nɛ kumo be ndekarso wɔ a laŋɛ fo kelargato be kaseto na.

Hoziya 7:1

Saŋkama nɛ m baa sha keta ma basa nɛ b wɔ Israɛl be efuli so nɛ Samɛria be kade to be alubi m paŋ bumo nseŋ nɛfa bumo, kusɔ nɛ mee wu bumo to e la asheŋ lubi. B wɔtɔ nna a puni abar, nsaa bure elaŋana a luri to a yuri nsaa suge basa be asɔ ashi ekpaana to.

Eemɔs 6:1

Asheŋ maaŋ nyalɛ n sa menyi nɛ shɛŋ shɛŋ maŋ tir menyi ashi Jerusalɛm, nɛ menyee fɛ fanɛ men nya kekuŋ ashi Samɛria be kade to ere. Asheŋ maaŋ nyalɛ n sa menyi Israɛl be efuli lempo be bunyaŋwuraana, nɛ basa bee kaa ba menyi kutɔ m ba kaa fin kechɛto na!

Eemɔs 7:9

Abee so be mboŋ nɛ basa daa shuŋ Ebɔrɛ na kikɛ beeŋ mur. Nɛ bumo be ebɔrɛlambuana kikɛ a ki alambure. Nɛ n shin nɛ Ewura Jeroboam be kuwurji malɛ e ba ekar.”

Eemɔs 8:14

Bekama nɛ baa bɔ agbir nɛ a wɔ Samɛria na nɛ kegbir nɛ k wɔ Dan na ŋko kegbir nɛ k wɔ Bɛshiba na, beeŋ tɔr a maaŋ naaŋ koso kikɛ.”

Maika 1:13

Menyi nɛ men wɔ Lakish na e bela men be egbaŋɛ nɛ kena to be egbaŋɛturko ase. Men kute Israɛlebi to n wora alubi nseŋ ŋin Jerusalɛmebi gba n wɔtɔ alubi to.