Maika 1:4 - EBƆRƐ BE KAWƆL

⁴ Abeegboŋ na beeŋ ŋalga ashi mbe aya to fanɛ ŋku bumbuŋ ka luri edɛ to ŋ ŋalga a shile a yɔ abee na be afito fanɛ nchu ka shi kebee so a chulgi a wurge kasawule so na.

Maika 1:4 ပူးပေါင်းရင်းမြစ်များ

Nshɛ 46:6

Nɛ efuli pɔtɛana bee baga to, nɛ kuwurjiana bee tɔr, nɛ Ebɔrɛ ponte nɛ kasawule ŋalga gba,

Nshɛ 68:2

Shin nɛ b pesaŋ to fanɛ edishi. Shin nɛ b ŋalga fo anishito fanɛ kananɛ kemushoŋmar bee ŋalga edɛ to na.

Nshɛ 97:5

Abee bee ŋalga fanɛ kemar ashi Enyɛnpe Ebɔrɛ nɛ e la durnya kikɛ be Enyɛnpe na be anishito nna.

Eemɔs 9:5

Enyɛnpetale Ewurgboŋ baaŋ beta kasawule ere, k bee ŋalga nna, nɛ bekama nɛ b wɔ kumo so kikɛ, e baa shu nli. E bee shin nna nɛ kasawule bee dii a gbelge fanɛ kananɛ lɔrgboŋ nɛ baa tre Nail na bee dii a gbelge na ashi Ijipt be efuli so na.

Nahum 1:5

Abeegboŋ bee gbuŋgbuŋ to Enyɛnpe Ebɔrɛ na be anishito nna, nɛ abeebi bee ŋalga mbe anishito. E baŋ lar a ba kasawule kikɛ bee gbuŋgbuŋ nna nɛ durnya nɛ kumo be basa kikɛ e baa chicha.

Habakuk 3:10

Abeegboŋana na ka wu fo nɛ a gbuŋgbuŋ to; nɛ bɔrɛchu shi awɔlpa so n wurge to. Ndoŋ nna nɛ echɛtabo baga to, nɛ amo to be nchu bɔlɔ n dii kepla.

Habakuk 3:6

Fo baŋ shir n yili, kasawule bee gbuŋgbuŋ nna, fo alɛ baŋ gbɛ ŋ keni malɛ efuliana na bee chicha nna. Dradra be abeegboŋ nɛ abeebi kikɛ bure to n tɔr. Ama fo ere wɔtɔ nna mbaanaayɔ!

Zakareya 14:4

Loŋ be jemanɛ na e beeŋ yili ɔlif be kebee nɛ k wɔ Jerusalɛm be epeŋilarkpa be kaba so na so nɛ k baŋɛ to anyɔ n tɔr ketaŋɛgboŋ nɛ k yili epeŋilarkpa m ba choŋ epeŋitɔrkpa na. Kumo be kaba koŋwule beeŋ tɔr a laŋɛ kelargato be esoso be kaba so nɛ kaba ko malɛ e tɔr a laŋɛ kelargato be kaseto be kaba so.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Demujipoana 5:4

Enyɛnpe Ebɔrɛ, jemanɛ nɛ fo lar kebee nɛ baa tre Seyi ase na, ndoŋ nɛ Edɔm be basa tase na, kasawule daŋ gbuŋgbuŋ nna, nɛ bɔrɛchu shi awɔlpa to ŋ wurge to. Kashenteŋ, nchu shi awɔlpa to nna ŋ wurge to.