Maika 1:1 - EBƆRƐ BE KAWƆL

¹ Kamalga ere nɛ Enyɛnpe Ebɔrɛ daŋ ta n sa Maika nɛ e daŋ shi kade nɛ baa tre Moreshɛf na. E yɛ: “Jemanɛ nɛ Jotam nɛ Ahaz nɛ Hɛzekaya daŋ ji Juda be efuli so be kuwura na, nɛ Enyɛnpetale Ebɔrɛ daŋ lara loŋ be asheŋ ere ŋ ŋini Maika a laŋɛ ndegboŋ nɛ baa tre Samɛria nɛ Jerusalɛm na be kaplɛa so.

Maika 1:1 ပူးပေါင်းရင်းမြစ်များ

2 Bewura 15:32

Remaliya pibinyɛn Pɛka nɛ e la Israɛl be ewura na be kuwurji be kafɛ nyɔsopo to nɛ Uziya pibinyɛn Jotam malɛ ki Juda be ewura.

2 Bewura 15:5

Enyɛnpe Ebɔrɛ na daŋ shin nna nɛ keboti pɛ Uziya nɛ e keta kumo hale n ya wu. B daa maŋ naŋ sa mo ekpa nɛ e shuŋ kushuŋ kikɛ. E daa wɔ laŋ pɔtɛ to nna nɛ mo pibinyɛn Jotam sɔ mo so a wɔ ewura be laŋ to a ji efuli na so kuwura.

2 Bewura 16:1

Remaliya pibinyɛn Pɛka ka ji Israɛl be kuwura be kafɛ kuduashunusopo to, nɛ Jotam pibinyɛn Ahaz malɛ ki Juda be ewura.

2 Bewura 18:1

Jemanɛ nɛ Ela pibinyɛn Hoshiya daa ji Israɛl be kuwura na be kafɛ sasopo to, nɛ Ahaz malɛ pibinyɛn Hɛzekaya ki Juda be ewura.

2 Kronikɛls 28:1

Nfɛ adunyɔ nɛ Ahaz daŋ ji pɔɛŋ nseŋ ki ewura, mo alɛ daŋ ji kuwura Jerusalɛm to nfɛ kuduashe nna. E daa maŋ bɛ kebaawɔtɔ lela nɛ mo nananyɛn ewura Deevid daa kɔ na so n wora kusɔ nɛ k bee par Enyɛnpe Ebɔrɛ na.

2 Kronikɛls 29:1

Nfɛ adunyɔ nɛ anu nɛ Hɛzekaya daŋ fo pɔɛŋ nseŋ ŋ ki Juda be ewura. Mo alɛ daŋ ji kuwura Jerusalɛm to nfɛ adunyɔ nɛ akpanu nna. Mo nio e daa la Zakareya pibiche Abija.

Aizaaya 1:1

Kubɔya nɛ Ebɔrɛ lara ŋ ŋini Aizaaya, nɛ e la Amɔz pibinyɛn, a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so jemanɛ nɛ Uziya nɛ Jotam nɛ Ahaz nɛ Hɛzekaya daa ji kuwura Juda be efuli so na, e wɔ kawɔl ere to na.

Aizaaya 1:2

Ndoŋ nna nɛ Enyɛnpe Ebɔrɛ naŋ kaŋɛ: “Basa nɛ b wɔ ebɔrɛso nɛ kasawule so kikɛ e kaŋ asoe n nu kusɔ nɛ mee kaŋɛ ere! Mbia nɛ m bela e kilgi a kɔ ma na.

Aizaaya 7:1

Ewura Ahaz, mo tuto e daa la Jotam nɛ mo nananyɛn malɛ daa la Uzaya. Jemanɛ nɛ ewura Ahaz daa ji kuwura Juda be efuli so na nɛ Siriya be efuli so be ewura, Rezin nɛ Israɛl be efuli so be ewura nɛ baa tre Pɛka, nɛ e la Remaliya pibinyɛn na, daŋ cha abar m ba kɔ Jerusalɛmebi kena nna, ama b daŋ maŋ tiŋ ŋ kɔ n sɔ kadegboŋ na.

Aizaaya 7:9

Israɛl be efuli na maŋ kɔ eleŋ a chɔ kumo be kadegboŋ nɛ baa tre Samɛria na, nɛ Samɛria malɛ maŋ kɔ eleŋ a chɔ ewura Pɛka. Nɛ Juda be ewura, Ahaz, nɛ mbe benimuana maŋ yirda ma bre, baaŋ kɔ n tɔr.”

Jɛremaya 26:18

B yɛ: “Jemanɛ nɛ Hɛzekaya daa ji kuwura Juda be efuli so na, anebi Maika nɛ e shi kade nɛ baa tre Moreshɛf na daŋ bɔ kubɔya ŋ kaŋɛ basa na fanɛ Enyɛnpetale Ebɔrɛ na daŋ kaŋɛ le: ‘Baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ kebee nɛ bɔrɛlambu na yil so na e ki kupo.’

Hoziya 1:1

Saŋɛ so nɛ Uziya, nɛ Jotam nɛ Ahaz nɛ Hɛzekaya daa ji Juda be efuli so be kuwura, nɛ saŋɛ so nɛ Jehɔash malɛ pibinyɛn Jeroboam daa ji Israɛl be efuli so be kuwura na, nɛ Enyɛnpe Ebɔrɛ ta kubɔya ere n sa Beeri pibinyɛn Hoziya.

Hoziya 4:15

“Menyi Israɛl be basa maa ji kashenteŋ a sa ma, ama men sa maŋ shin nɛ Judaebi gba e luri loŋ be kulubi koŋwule ere to. Men sa maŋ naa yɔ Gilgaal ŋko Bɛtavɛn n ya kaa bunyaŋ agbir ŋko a nase nnɔ Enyɛnpe Ebɔrɛ na be ketre to.”

Hoziya 8:14

Israɛlebi pɔr bewura be elaŋ damta nna nseŋ kplaŋ bumo be etopo na so. Nɛ Judaebi malɛ pɔr nde nseŋ pɔr egbal ŋ kulti amo. Meeŋ shin nɛ edɛ e ba chɔɔ bewura be elaŋ na nɛ nde nɛ b pɔr egbal ŋ kulti na kikɛ nyam.”

Eemɔs 1:1

Mmalaga nɛ Eemɔs nɛ e la mbolpɔkpapo nseŋ shi Tekua be kade to kaŋɛ fanɛ Enyɛnpe Ebɔrɛ ta n sa mo nfɛ anyɔ pɔɛŋ nɛ kasawule daŋ gbuŋgbuŋ na, nɛ jemanɛ nɛ Uziya daa la Juda be efuli so be ewura nɛ Jehɔash pibinyɛn Jeroboam malɛ daa ji Israɛl be efuli so be kuwura na nde.

Eemɔs 6:1

Asheŋ maaŋ nyalɛ n sa menyi nɛ shɛŋ shɛŋ maŋ tir menyi ashi Jerusalɛm, nɛ menyee fɛ fanɛ men nya kekuŋ ashi Samɛria be kade to ere. Asheŋ maaŋ nyalɛ n sa menyi Israɛl be efuli lempo be bunyaŋwuraana, nɛ basa bee kaa ba menyi kutɔ m ba kaa fin kechɛto na!

Maika 1:5

Asheŋ ere kikɛ beeŋ wora nna ŋkpal Israɛlebi na ka wora kulubi ŋ gbiti Ebɔrɛ so. To, wanɛ nɛ baaŋ ta Israɛlebi be kekini Ebɔrɛ nseŋ lar mo kaman ere be asheŋ n sulɔ? Samɛria nɛ k la efuli na be kadegboŋ na be basa nɛ baaŋ ta kumo n sulɔ a! Nɛ wanɛ malɛ e tɔr Judaebi be kagbirshuŋ ere be ntaŋ? Mannɛ Jerusalɛm gbagba a?

Maika 3:9

Men nu nfe, menyi Israɛl be bejuŋkparpo, nɛ men kishi kebaaji asheŋ nɛ amo be ekpa so nsaa ta kulubi a tre kelela.

Habakuk 1:1

Kubɔya nɛ Enyɛnpe Ebɔrɛ lara ŋ ŋini anebi Habakuk nde.

2 Pita 1:21

Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.